呢個假期,有唔少人唔係番大陸,就係去外國,我就仍然留守香港,不過今次假期都算好ga la,上個禮拜去左shopping,收獲唔錯,但銀包就......

果日去左apm,行行下見到成堆老鼠同炸彈形的貨品,有豆袋,超巨型毛公仔,最勁都係果個炸彈形紙巾盒同個老鼠形滑鼠套,見今年係鼠年,貪得意就買左個曉得震的老鼠公仔,不過張班長就有點悲哀,本來佢睇中左件褸,價錢$300有找(找$2),可惜張家唔批,搞到買唔成......

另一日去左旺角,諗住入去新之城同旺角中心行下,點知好多商店唔係東主有喜,關門大吉,就係清一色女裝,搞到行左一輪都兩手空空,唯有周圍行睇下,行到一間Giordano,諗住大牌子實價值不菲la,點知原來有成幾枱衫係$190兩件,不過最奇怪就係唔比一件買,一買就要買兩件,但我又唔捨得買,呢個時候見到響度排隊比錢的張班長,我即刻跑去攔截佢,同佢一齊比錢,一家便宜兩家著,不過到比錢果陣,個收銀員找$10比我地,我地就叫佢找兩個$5,到佢找左,我地又叫佢幫我地分兩個袋入,搞左一輪先比完錢,個收銀員服務態度真係好

開心左幾日,係時候要開工,其實d功課都差唔多搞掂ga la,就係差果份份量十足的ws,呢幾日要搞掂佢,仲有的就係要背個歷史劇本對白,雖然我唔係主角,但都有好多野背

仲有5日返學,要加油!