成績名次出左,如我所願,由中二開始,打左6次仗,今次終於成功連任,目標已經達到,下學期可唔可以再拎第一名都算la,爭左兩年,唔爭la,淨番呢半個學期,放鬆下自己,唔至於放縱,但求對得住良心,做好本份

轉個話題,呢排梅菜入左廠,好似話拗柴,成個月唔番得學,唔知情況點呢?有d擔心...除左擔心梅生的狀況,仲擔心佢歷史專題果組的情況,做劇少個人,乸手唔成世,唔知佢地會點拆掂佢呢......

今日,肥姐沈澱霞終於撐唔住,響朝早8:38a.m.逝世,享年63歲.....初頭聽人講都唔係好信,[呸,大吉利是咩!?]後尾Miss 楊都講呢件事,果時先信,雖則都前前後後都入過好多次醫院,但都係覺得好突然,學Miss楊話齋,由細睇到大,真係有d心傷唔捨得......

今年好似有好多唔老黎的事發生, 而家先2月,就發生左:

1)股市大跌,股民受難
2)廣州雪災
3)物價大幅上漲
4)藝人不雅照片風波
5)肥姐逝世

呢篇咁唔歡樂的日誌係時候停la,無謂愈打愈傷心.....