今日清明節正日,又山長水遠去拜山,朝早好凍,著左件厚外套,點知一到凌晨之後(after-noon)...拜山先尼曝曬,唔通連個天都唔鍾意我?搞到熱過麥當娜嬸嬸的熱香餅......拜完山跟大隊去飲茶,幸而過胡杏兒,有冷氣,好舒服......(在此為以上短短一段內有4個good gag而致歉)

至於點解腦昏昏,就係琴日lunch,唔知邊位Mr.pk咁有聊,都唔知係唔係lunch食完C餐尼,無端端反轉痙攣個位,跟住佢走去同李sir告狀,跟住就傳出要搜書包的消息,眼見一個又一個psp同手機愛好者好似走私咁運走一件又一件的違禁品,但最後原來係流料,不過命裹有時終需有,呢件事比儉儉知道左,李sir同佢兩個大小漢走去同9 marks 講,然後上堂尼個今日法庭,公開審判,9 marks"興"過辣雞,件事又順理成章地無人認,卒之學老申果味衰野"責任承包制",成班都要作篇「我對3A班同學的感覺」,仲盛惠550字......唉,9 marks臨走都發生咁的事...

下左裁決之後,9 marks陣火下左,同我地交代「身後事」,話暫代佢果位係個文質彬彬的新請阿sir,實鎮壓唔到我地,叫我地唔好恰佢.....(下刪50000字),唔知個阿sir係點呢?期待......