成個禮拜過左,派卷時間都過左,成績都OK la ,而家就只有期待名次的宣佈 ......
統測已經過左去,再提就厭la...不過統測過後都得閒死唔得閒病 ......
首先係個歷史戲劇仲有餘震 ,要上禮堂對住一百幾十人做戲 ,換言之即係又要排戲搞服裝 ,仲要戴假髮,成個禮拜無6點半番唔到屋企 ,星期五正式演出,睇尼我個藍家黃唔係好深入民心 ,應該係因為風頭比萊溫斯基搶哂 ...諗住終於可以拍拍屁股走人,點知東窗事發 ,兩組都要去中大做多次,即係又要夜夜不回家 ...不過都好ge,始終個劇本都係自己心血 ,點都做到最好la
話明係瘋子,點止歷史咁簡單 ,仲有果份電腦功課 ,之前話5月先交,當然個個都睬佢有味 ,點知一句「下禮一要交lo wor」搞到成班人滾水淥腳走去拍片,剪片,做ws......(仲有人因為咁OT O到凌晨4點幾)到星期一,大家都準備交果陣,佢又彈出一句「星期三先交」,果位超級OT王即時生產大量唔出得街的語言 ...到今日,我去交,佢再講多句「其實係星期四交」...........唉...算la 算la 算la,反正做完,就交左佢先la
前幾日數學堂教斜率,儉儉講「計下果度升高左幾多」,我就靈機一動,講左一句「升高?single line paper呀」點知比儉儉聽到,「唔好講廢話」,估唔到一時口痕都比人發現左 ......
繼歷史戲劇後,英文都有戲做,做"Hamlet" ,不過無我份,今次主角係麥生,咁就響度預度祝佢演出順利la
|
