上禮拜六,終於去左中大,做最後一次的《杜魯門》,呢套劇雖然係我的作品,但計埋排的次數,都做左成十幾次,真係你唔悶我都悶,估唔到隔左成個月,d對白都仲記得,都係因為做得太多la.....所以果日上台做果陣都無咩問題,如果無個回應環節,相信成個活動會好完美...不過點都好la,都過去左la,完左果陣,真係如釋重負,我呢個伯恩斯/馬歇爾/藍家黃的角色都告一段落la

話咁快就6月,尼代課兩個月的黃子翔咁又走左la,雖然對得果兩個月,但都真係有d唔捨得,佢教書的確幾用心(起碼好過老申)如果換轉係老申走,就真係好行夾唔送,本來想臨走問佢msn,點知撞正數學TSA,考完就無左件事,唔記得左,有d可惜,唔知邊個有呢?不過林志芬番尼都唔錯,好似好耐無見咁,佢除左個頭變左劉嘉玲外,進修完都無咩唔同,可惜佢淨上幾堂,就要考試la......

今個禮拜,發生左一件傷心程度拍得住四川大地震的事,就係銀包大地震,上禮拜Arnold叫我地去借書做book report,weekends諗住睇下本書,點知...書間蒸發唔見左,今次大劑,唯有去圖書館負荊請罪,諗住實比培基省到立立令la...點知佢就咁比封信我,叫我再搵清楚,搵唔到就賠錢,可能係因為Miss Leung響度,培基唔敢放肆......過完一關,第二關就係財政問題,一睇封信,隻當場大到江若琳牌大眼仔都唔使戴,一本薄過高彥博的英文書仔要成$60幾蚊,加埋20%行政費,多謝$78,今次真係禍不單行......