大家好,hello,hi,早/午/晚安,出入平安......或者你見到呢d又煩又無聊的詞語,有一股關左視窗的衝動,但請且慢,呢樣野係有解救ge,對上果一次更新,已經係一個月之前,所以響度打番30多日尼無打過的招呼(儘管平日我都係一星期才更新一次)

今日終於考完哂終期試la,真係鬆十口氣,真係無試一身輕,輕到修身堂都唔使去,但成績卻係有點兒隱憂,本來開頭Bio,Hist同Eng 1A都幾有信心,但去到後期,地理已經大挫,不過最傷都係兩科listening,唔係因為份卷特別難(雖然中文係唔易),而係因為自己大頭蝦,唔x記得帶耳機(x=鬼),搞到2份卷7折,去超市買野又唔見有7折.....加上借番尼個爛鬼耳機,又沙又細聲,搞到中文明明聽到講緊個答案都唔知佢講緊咩...好彩,英文都清d,如果唔係,我死比佢睇......7折,又聽唔清,做唔好,中文listening或者真係會肥.......不過都係算吧la,要怪就怪自己個頭大過隻蝦la

今個禮拜六日,考完試好得閒,唯一要做的就係畫唔知幾耐之前比的Art果幅「T恤設計」,本來諗住考試呢幾日畫ge,但日日考完試去Art Room都唔見Miss Hau,又古靈精怪過古靈精探,d畫唔知擺左響邊,搞到畫唔到......唯有留低張日期都寫錯的便條(今日寫ge,但寫左26號),然後自己拎走盒水彩同畫筆,番屋企慢慢畫

今個禮拜要畫畫,下個禮拜就真係得閒la,呢排心思思想養寄居蟹,一於下個禮拜去睇下la