等到條頸仲長過薜凱琪 ,終於派左考試卷la,成績好多都好滿意 ,其中兩點污點就係兩位凌師奶(聆聽卷) ,中文聆聽肥過三哥扮ge肥仔德 ,得14.5/40(七折後10.15),死到死無全屍 ,英文聆聽亦屬高脂一族,76.5(七折後得53.55),而且中文卷一,二都係得50幾 ,總之中文科就強差人意la ......不過好彩,物理,化學,生物,中史,歷史呢五科都考得唔錯 ,個心都舒服番d ,都夠膽番去見家翁
放學諗住周圍睇下d卷,睇下生物之後,就睇化學,發現MC第8題有點問題 ,點睇都明明係A,但改我錯 ,Model Answer就寫係B,我就同Mr. Not Clear資詢,佢未睇Model Answer,話係A對,後尾佢睇番,先知原來佢Model Answer都出錯左 ,好彩同佢講番,拎番2分(佢話會再改一次果題,換句話講,如果佢真係再改一次,應該會有唔少人會拎番/無左2分 ),諗住睇埋物理,點知10:30未夠,大袋已經人間蒸發左,唔見佢,唔知佢係唔記得定係去左做佘詩曼老豆,蛇王 ,算la,反正物理唔對都無咩所謂,走人
前排約左智樂今日賣旗,反正得閒,當做善事,去將軍澳賣,發覺同上兩次響彩虹賣差好遠,呢度人就多,但放眼遠眺,超過8成人每人身上都已經黏上一個旗子 ,而且賣ge人又多,搞到生意唔太興隆,財源都唔係太滾滾來,成日2個鐘多d都係賣得1頁多d.....
星期三又要番學la,唔知咩事原本星期二番 ,無端端改期,而家要連踩三日
|
