今日放榜,番到去,雖然一如以往一片熱鬧,但當中滲透出尼ge緊張氣氛,性冷感都feel到,上到去班房,張明一邊碎碎唸:「廿分廿分廿分廿分廿分廿分........」我就諗緊:「點都有14呱....無14咪仆街!!但!又唔係呀,我不嬲到緊要時刻運氣都唔錯ga wo,希望有20 la................」跟住KO開始派,佢先問:「有邊個拎左IVE籌要今日10:00去報到ga?」心諗:「我係10:00要去到黃克競wor」但理性話比我聽,我係唔能夠舉手ge...跟住KO就玩爆大鑊,爆我同張明個分出尼,我聽到自己竟然...27分,我真係呆左,我真係完全無諗過,之前自己無聊算下,最多都係22,23,但估唔到.........真係好驚喜,張明聽到自己終於如願,拎到20分,立即欣喜若狂,仲立即打番去同一眾家姐報喜,細看下,狂歡ge面容上面,眼泛淚光,而呢d絕對係喜極而泣ge淚水,亦係我生平第一次見到ge快樂淚水
但係,見到唔少同學收到成績後,雖然好多都做好左心理準備,而且各人都按住自己一早定立ge後路急急腳踏上,但我卻幫唔上一點忙,甚至連安慰ge說話都唔敢講一句........完左,KO比左form比我同張明,張明亦狠心同KO攤牌要轉校,KO就訓示左一兩句就叫我地快d去行動....
張明誓要踏上青雲路,咁我都準備升中六d野,首先最緊要ge就緊係搵個伴先,於是去左以下地方...........................................(一睇張紙就知係Rocky傑作,由外國升學唔使憂ge李長官[設施除外])
入到去,見到rico臉上雖有歡喜過後ge痕跡,但亦見猶豫,原來佢仲諗緊讀ca+ms定Bio,呢個問題都困擾左我好耐,唔好問我之後點諗通,我d原因一各都唔跟常理,呢個時候,培基咁o岩衝左入尼,同rico訓話左一輪,而芬姐就響側邊扮睇文件偷聽,rico好似有點兒開竅....但揀咩都好,最緊要當然係要先影印張cert,於是用Rocky部私家機影印左份,但因為本人及李長官技術參差,出現以下物體:(我仲要當時唔為意,落到去睇interview先發現,臨時用人手修補)
落到去,rico都仲係十五十六,呢個時候金成同M仔,再出面游說(其實賴偉光都有,不過佢係P.maths幫ge),最後rico都係投入到Bio ge懷抱,陳正傑in,妖,我問佢野多個佢問我野.....比左幾張form我填就叫我去入數,等我琴晚仲白擔心一場......\
其間又撞到KO,佢問張明搞成點,我就如實稟報,但佢都要我當場打電話問下佢情況,都話KO關懷學生......但張明依然雄心勃勃,於是KO都只好祝福佢...而我同rico就踏上入數之路,其間收到唔少電話,報憂ge有,報平安都有,入完數交入數紙,交完又要我地入多次數.....入果個爛鬼迎新營費用,仲要係$50,妖,好心一次過比哂la,跟住仲要迫我地冒簽家長回條,終於搞掂中六d野,rico有約,我就番支援中心打躉...
跟住同成成,lewis等等去MCL買定飛,睇潛行凶間,再去pizza hut食lunch,食到2:30,有人唔知點解拎張飛一睇:
講起就扯火la,MCL一路都係在九龍灣一間出名ge戲院,間院有好多年青人同大人幫襯,開了唔係很多年,但已經是高質素戲院,今日同佢講「買4張3:45 潛行凶間」,佢比左la,佢覆時間果度我就唔記左,但果下一睇,頂, 2:00 !!?既然佢比錯,就諗住有得退再換番張3:45, 點知去到之後「下?我地賣飛果陣有覆時間比你個wor,你地果陣唔睇清楚你地自己都有責住ga wor」可惡,比佢講到好似我地唔o岩咁,但,果陣都過左成粒鐘,唔通中途入去睇咩...於是更功唔得就出軟功,「請求」佢discount比我地買多張3:45,佢話入去問經理,心諗算la,有得平少少好過無,點知佢出尼話:「今次見你地幾有禮貌,又可能真係我地同事搞錯,就幫你地換張la,唔使加錢,不過只此一次咋」個職員對魔鬼角即刻變左天使光環
換完飛,智樂話有事唔睇,咁o岩世傑又有興趣睇,於是佢頂左智樂張飛,見仲有一粒鐘,去冒險樂園玩左陣籃球機同氣墊球,d細路超狗,夠膽死當住我地面爬入籃球機"偷"波,而家d小學雞真係,唉.......氣墊玻好耐無玩,狂玩左一輪,妖,世傑又成日屈機
今次真係唔打影評,因為已經打左太多野..........
放榜日咁就過左,突然之間好似好多野改變左,
我唔再係考完試ge人,而係準備兩年後再考試ge人,
好多同學唔再係同學,亦有好多唔識ge人將成為同學,
張明轉校,釗釗唔記得去左邊,王貽興讀私校,世傑去IVE,成成同Freeman出國,aaren同黎少仲未定向,我果27分係就係袋得好安樂,但曲終人散,感到ge絕對唔只有快樂,更加感覺到一股寂寞將隨之而來,但都希望各位各有各出路,各有各前途
|
