記得

在鄉下生活既時候

 喜歡在天台望住滿天星星

 約個三五知己就可以傾成個夜晚

 幾甘寫意幾甘無憂.每晚都有幾十顆流星畫破夜空

 係甘許願,但依家已經唸唔起許過咩願望

 不過細個時甘單純.要既都係好簡單

 可能願望早就已經實現而未為意

 人大左需要既野就跟住大左

 開始追求更多既野

 可能原來既自己

 已經面目

 全非

   其實這篇日記應該係5.1要寫既..但我仲未平靜落來所以到左今晚先寫.話說在4月30晚放左工.有一種莫名既沖動.因為從來無去過澳門.唔知點解依一晚好想去.從朋友度打聽左上環有船可以去~於是我急不及待就上左船.出發起.,打左個電話比家姊.同拒講如果我幾日無搵你~你細佬就一定比人賣左啦~~

    船身在震動.無錯!出發嚕~坐在我左邊既係一對老年公婆~滿頭白髮.挑染著幾條黑毛~~歲月在他們臉孔上留下印記~但睇上去精力旺盛.時間未能沖淡距地感情~~恩愛得好似一對熱戀既情侶.快速既噴射船已遠離香港~終於來到一個陌生又新鮮既地方~"澳門"

   眼前一條幾有型既大橋.同香港既青馬都有得比.穿過大橋清晰甘見到那奢華既燈火.仲有成幾層高既商標.金沙呀葡京大大隻字.我一向都喜歡食朱古力原來金沙既總行在澳門.真係失覺晒 ~林林總總既酒店包圍住我~我搵左個好搶眼既噴水池旁坐左落來.睇住啲水射到幾十樓甘高~內心深處出現左激動同抗奮.終於都有樣野可以勁得過我@@

   望住碼頭接送返金沙的巴士在我面前走過.無遺留下一個半個乘客.只餘落在路中既懸游粒子~絕塵而去.帶來一批又一批急欲搶購的人.看住好多人歡天喜地的走進果間金沙既朱古力總行.唔通5.1勞動節D朱古力減價?唔係洗唔洗甘開心呀!?又見到D人由總行死老豆甘既樣行出來...唉,我唸拒一定係遲一步去啦~朱古力比人掃晒,你喊都無撚謂啦..

   傻仔來既,今日唔得咪聽日再來過囉.我好喜歡一個人到處走想去邊就去邊想做咩就做咩既生活.依種感覺好自由.依個社會既束縛.只可以理解但不能接受!離開一個緊張熱鬧的城市~來到另一個表面金碧輝煌的城市.感覺有咩唔同?唔同既係在依個城市里無一個認識我既人或無我認識既任何一個人~如果真係要計.何厚華我大概知道係咩樣~

   眼見一些買唔到金沙既人.在路燈下呆著,各自又流露出對遠方家的寄盼~街燈下也有住一張張木無青情衣著性感女子既臉龐~係因為月光下賣笑太多?定係因為家鄉累積在肩上既擔子太重呀?遠望住距地,感覺就好像睇住自己.甘樣既身心交疲,我都每晚都在經歷住~其實我都係搵兩餐=.=

   夜裡確係一個休息既時分.夜闌人靜之際,有咩比得上讓自己身體休息下?睡意正濃也能比一陣寒風吹醒.眼前既噴水池雄風依然!你都很累吧?每日必須死撐依人前不得低頭.果份驕傲會唔會令你好疲倦?點解你要射到甘高?究竟係咩給你這力量?我無法理解.

   手機停電,靜默的耗在一邊.一把小小既聲音在心中呢喃.想起一生人的得得失失~原來一生人對唔住太多人太多人.好多已經連名字都記唔起.只係隱約記得同距地經歷過某些事~甘幾年來就係距地一個一個陪我走過來.唔通人生就好似坐地鐵.每個站都有人與你同行,然而到左某一個站又要分道揚鑣!?振筆疾書既期間,重又抬頭看著面前既噴水池.

 噴水池終於都停了落來.哈哈~~我就知道你唔會比我持久力強..在冷風中等待黎明的時候.夜,很漫長.....