尋晚同朋友傾左差唔多5小時既電話.失去了一些時間,得到了一些解脫.人生不斷在追逐著一些似是而非既野.時間似在虛耗.同時響唔同既事情上起跌和復原中浪費時間.只係發覺對某D野唔願放棄時.失去既野會更多..

   一路認為柳暗後唔一定會花明,雨過後唔一定天晴,到左依家其實都會係甘唸.唔同既,可能落雨都有其好處.哈哈,世事總不能盡如人意.某朋友講左一句:"你自己擔著太多,對別人信任放心交予既太少"深夜聽到句甘既野,我知道我將會更夜先至訓得著..

   乜係咩?我總係覺得自己可以承擔既仲唔夠多.自己有幾多斤兩,肩膀夠厚去承受將來嗎?太多既不快曾發生過.然而唸返就會覺得自己將啲野放得太大一啲唔應該放在心上既,比拒狠狠地把自己壓住.後悔..

   睇到既事物都唔夠.總以為自己唸既野係岩既,總以為自己著緊的係該著緊既.但係睇既人&事物多左.漸漸對自己既睇法失去左信心.岩既變成錯既,大事變左小事.其實細心唸唸,我仲有幾多年可以比自己在這些對錯中打滾?仲有幾多歲月去分辦心中事情既輕重?可能時間仲有大把,..但一定比想像中更少....更攞命既,係因為怯而裹足不前..唔好再優柔寡斷啦,"前生"否則真係只會在做選擇而得不到結果中渡過.其實比人機會,等同比自己機會..