天地風雲瞬間息萬變

      能與其相比

   而已適應得那麼強的

     我唸只有人類

   前幾日就同朋友傾過一個有趣既話題,點解人有唔同既性格.思想.行為?同我地一齊工作既同事 每日做既野都差唔多.而工作環境又一樣.但又可能會因為成長.家庭.等因素而導至思想行為既偏差.於是我地又再深入舉例.甘出之同一個母體既兄弟姊妹.生活環境都相同面對既人又差唔多甘理論上應該性格差唔多啦.原來又唔係wor..又會因為每個人睇既野感受既野唔同.而令大家思考.行為.出現左唔同既路線.人性真係好奇妙.我超鍾意去分析..哈哈~~

    所以人在不斷甘思考.感受.同選擇.形成一種多變和善變既個性.比任何動物都鍾意變.有邊個見過同一種動物,飲食口味可以成千上萬既唔同?又有邊種動物可以一年365日都係求偶季節,追求範圍其他動物望塵莫及.男性同男性都可以攪一餐,問你服未?

   類確能獨領風騷,因為唔小人都係甘.今日我愛你,愛你既成熟穩重,愛你既cool,愛你夠醒有深度..死你了.對唔住,我聽日愛上距既年輕活力.(DO都無問題)愛上距既風趣幽默,愛上距既輕滑浮誇(最好就識變下魔術)啊!原來我更愛這個浪子,只因你太悶了.咦~~後日呀...原來我更愛另一個他的成熟穩重...更愛.....等等...浪子太無安全感了.實距地都好,但我都係愛你,只有你對我從一而終.

   人,心軟係致命既弱點,女人回頭,令愛距既男人心痛,令恨距既男人心涼.變來變去,經歷太多..都係攰.但同男人既累唔同,女人既,可能係心死既累,..善變多變既女人定落來.一係環境做就,一係無啦啦醒覺.環境做就嗎?好聽就係甘講,難聽就係迫出來既,發現自己再變唔出咩花樣,愛情上搵來搵去都係果幾種類型,玩夠或比人玩厭左,只好帶住傷痕定落來.醒覺既女人就好彩啲..知道自己響度搵緊咩,唔再變了,甘就愛得更專心致志....

   變,會累.唔變,又無進步,真係令人費煞思量..抓爆頭.然而愛情"駝螺"唔會永遠轉動.少響地球大氣層內,終有一日會受萬"誘"引力影響而停下來....

  今日超攪笑wor 我公司既司頭婆比人非禮.仲要搵我來做示範...唉,真係難頂.有無理過我感受嫁!!?