Benefit The Pore Porefessional不是新產品

相信都有唔少人用過
而且它的好評都不少

盒子的設計好特別
本來以為這樣打開便是Pore Porefessional毛孔修飾霜
原來係個靚女！

還附有使用教學
我最愛簡單易明的說明
只花3秒睇圖就清楚哂
省返唔少時間 (懶)

Pore Porefessional毛孔修飾霜能即時令毛孔隱形，肌膚完美無瑕
配方混合矽及硅酮彈性體，可收緊毛孔之餘，改善粗糙皮膚
不阻塞毛孔，適合敏感肌膚使用

而且它不含油份、沒有顏色、輕型、打造絲質肌膚
一支有22ml
只用在兩頰、T-zone位可以用好耐的^^

全新的產品有鍚紙封口
夠哂衛生，亦唔會一扭開蓋就吱到周圍係

先試上手背
產品呈肉色膏狀
有層水份包住咁

用後手背的紋理淺了
而且冇色差，真係透明的毛孔修飾霜！！

使用方法超方便
上粉底前、後都用得

我每次見到粉底美妝機，都會直接上粉，事後先發現唔記得遮毛孔，喂∼
而且係每日都唔記得！我錯慣手勢改不了

Pore Porefessional可以妝後用，尤其適合我呢D大頭蝦
所以我會示範上妝後用

上左粉底後，用一粒黃豆size的份量塗在兩頰位置
用指尖從臉中央往外塗
別忘了毛孔粗大的鼻頭都要用呀！

質地柔滑易推
肌膚呈絲質般幼滑的狀態

再用上臉比較
用後看不見臉頰的毛孔，超平滑細緻，好似自動開左柔化mode
鼻翼附近較大的毛孔都有收細和移平

上胭脂後的對比最明顯!!
左圖，冇用Pore Porefessional，一上胭脂就好似皮膚敏感咁一撻撻，仲令毛孔更顯粗大OMG! 太醜怪了!
右圖，胭脂+Pore Porefessional，遮左毛孔，胭脂都上色D

發現咁大對比後
我幾乎日日Pore Porefessional不離手
我都係想出街見人時，個妝貼D、上色D，毛孔細到冇人見到姐

依家出街我都會放埋喺化妝袋
細細支，方便拎出街
In case，毛孔突然出現，都可以即刻喺個妝上面塗丫嘛

Benefit The Pore Porefessional
$300/ 22ml

最後，謝謝U Beauty的試用邀請

歡迎留言及電郵至: [email protected]

 又有用清文小分享

其實用清係一件開心事，因為又有空間放置更多品新

－Rose Petal Shower Gel
－Bio-essence全新生物能量蝸牛原液修護精華
－Clarins Skin-Smoothing Eye Mask
－Kanebo wrinkle white uv milk
－吉之島12蚊店洗粉樸液

Rose Petal Shower Gel沖涼液

Rose Petal Shower Gel 500ml 16.9fl oz
係SaSa購物送的
原價好似係$39? $49?
清清地的玫瑰味，都幾香的
不過唔係好起泡
用完都冇補濕滋潤感
好彩冇乾燥、冇痕癢 (你知架啦，秋冬最怕呢樣野)
好用度: 50%
回價度: 30%

Bio-essence全新生物能量蝸牛原液修護精華 HK$229 / 30ml 讚!讚!讚!

Bio-essence全新生物能量蝸牛原液修護精華
「用開專櫃貨會用唔返開架品」
即係食開魚翅唔會食粉絲
呢條開架粉絲，估唔到又OK喎~
用完個半月，補濕度都好足夠
*如果你呢期荷包緊絀、或者你係在學中負擔能力不大，又想擁有支高回報精華的大家*
真的很建議試試這支Bio-essence蝸牛精華

好用度: 80%
回價度: 80%

可參考詳文:
【試用】摸得到的滑滑肌膚 ✡ Bio-essence全新生物能量蝸牛原液修護精華

http://theztyle.com/home.php?mod=space&uid=1751&do=blog&id=171454

Clarins Skin-Smoothing Eye Mask

Clarins Skin-Smoothing Eye Mask
不好用！不好用！
嗱眼嗱到死左
第一次用時唔知佢會嗱眼，仲塗左大大pat上眼位置
一流入眼就出事
嗱到眼都睜不開
之後每次都要用濕棉花zip實對眼先
Clarins的身體護理係好用，但今次真係…
好用度: 20%
回價度: 0%

Kanebo wrinkle white uv milk

Kanebo wrinkle white uv milk
有SPF 19 PA+的日用乳液
沒有很高的滋養、功效成份
就是適合年輕肌膚 (就是在學的少女)
不用很高成效的護膚品，已經keep到靚肌膚
價位又在$100以下
可惜我剛過了某年齡階段，發現已不太適合我了，唉∼
好用度: 60%
回價度: 0% (*是我年齡問題)

洗粉樸液

吉之島12蚊店洗粉樸液
是出名平靚正貨品
但當我知道洗頭水都可以洗粉樸後，
有時用洗頭水洗仲乾淨D (不竟好用的洗頭水價格都不便宜喔! 吼~)
不過我還是主張換個新的粉樸較衛生
好用度: 80%
回價度:70%

歡迎留言及電郵至: [email protected]

 Katerina是超愛吃的人

家中又有職業廚師
對飲食絕對有要求
第一次有拿回家、食落肚的試用
今次不再只是肌膚享福，肚子都好滿足

拿著整袋VONO回家
一共10盒的VONO即沖湯、6盒即沖湯意粉

粟米雞蓉忌廉湯意粉x2
蘑菇忌廉湯意粉x2
菠菜雞蓉忌廉湯意粉x2
南瓜忌廉湯意粉x2
蕃茄忌廉湯意粉x2
蘑菇忌廉湯x2
粟米忌廉湯x2
雞蓉蘑菇忌廉湯x2

一拎到返屋企
全家都係餵食派已經頭望望
我差D要攬住佢地訓覺，免得未寫報告就被吃光光！

第一樣食的就係蘑菇忌廉湯
一盒裡面有2包獨立包裝的湯
蘑菇忌廉湯只是72卡
是市面上其他即食杯麵的3分1

飲湯最佳伙伴係VONO的沖調杯
不過我的杯好醜!!!
係又黃又綠的粟米
(我超討厭食一支支的粟米!!)

如果是可愛的蕃薯杯就好了~

煮食方法超簡單
小朋友都可以做到

1. 先準備好VONO沖調杯
2. 剪開包裝，把湯粉倒出
3. 把剛煲好的熱水倒進杯子，份量到杯子印上的注水線
4. 立即攪拌15秒
湯粉立即溶解不結塊
1分鐘後就食得喇~

有見到湯料中有粒粒粟米、蘑菇嗎?

嘻嘻~ 個湯我當左下午茶食
配上餅乾條
中和了湯的咸味

溫書溫到牢牢地…
又係時候食D野提提神
開個菠菜雞蓉忌廉湯意粉食下
醒腦又提神XD

意粉是比利時進口的
3分鐘就食得
而且只有141卡

1. 剪開包裝，將湯粉及意粉倒入紙杯中
2. 加入90度以上的熱水至杯內的注水線
3. 快速攪拌15秒
4. 等3分鐘就食得喇~

菠菜雞蓉忌廉湯意粉的味道剛好
咸味適中，仲有啖啖忌廉湯

在湯意粉中添肉會仲好食
今次選了蘑菇忌廉湯意粉
配上由雪櫃拎出前一晚食剩的肉碎

由於肉碎已熟，
我就將佢同湯粉、意粉一併倒入紙杯中
再入熱水

5分鐘後…(今次焗耐左少少)
我的肉碎蘑菇忌廉湯意粉就食得喇!!
加入左肉碎，香氣倍增！！

我忍唔住口食左先影
只能說…有肉味的意粉更鮮味

大家可以把家中隔晚食剩的豬扒、鯪魚肉 剪粒
放進VONO的湯意粉、或湯一併沖熱就食得
懶得黎又不浪費食物，仲好好味添^^
小小一包就能輕易有滿足感
(想控制體重時我超愛吃它)

價錢:
原價: 杯湯$14.9/盒; 湯意粉:10.9/杯
特價: 杯湯$11.9/盒; 湯意粉:8.9/杯

銷售點:
百佳, 惠康, 一田, 華潤萬家, Jusco, Vango, Circle K

歡迎留言及電郵至: [email protected]

 日日搭巴士都會睇到Mioggi 360˚ 專業BB底妝系統的介紹

之前仲有星級化妝老師Gary Chung做示範
呢排就有另一個新出的美容頻道都有介紹

睇到佢話可能做到專家化妝師的效果
已經一直好想買
竟然可以收到試用^^

HEX IDEALIST 360˚ Professional BB Makeup System

360˚ 專業BB底妝系統
Hex Idealist 360' 專業BB底妝塑肌儀
Hex Idealist 360' 專業BB粉餅霜 (SPF42 PA+++) - 12g / 0.40 FL.OZ.e

盒子的底、面兩邊都有膠子緊貼
保證係最新未開封
製造日期都有印喺盒上

Hex Idealist 360' 專業BB粉餅霜有一個內附的粉撲
不過當然係用專業BB底妝塑肌儀會好D啦

使用方法:

先用塑肌儀在BB粉餅霜沾印數下
(BB粉餅霜係cream狀的)

令整個塑肌棉都平均地沾上BB粉餅霜

把開關制鈕向右邊推
就可以啟動塑肌儀
呢部塑肌儀每分鐘微震動12,000次
係現時市面上最高速的震動頻率的級數

把沾了BB 粉餅霜的塑肌棉
分別於前額、面額及下巴位置輕印
由臉部中央開始，向外全面塗印

需要重點遮瑕的位置，可再塗印一次
我額頭位可能偏乾，唔太上妝，所以我要印2次額頭

呢個塑肌儀的好處係塑肌棉的設計夠細夠薄
所以鼻翼位置都可以印到
由於BB粉餅霜係cream狀，一大力就會拖開個底妝！！
一定要輕力印，別心急

BB粉餅霜的顏色只有一個色
而BB cream的一般情況都係較白
所以別忘了塗埋頸部，唔好做雙色鬼XD

這隻BB粉餅霜的質地偏油
塗完整個底妝，我都習慣用紙巾輕印全臉
之後才上碎粉、胭脂

妝前的肌膚泛紅，額頭尤其嚴重
用後的膚色變得均勻

最欣賞的是：
真係可以做到最透薄的底妝效果，唔會有的過厚質感
而且過了一整天都唔會令容妝變色

有點小建議：
Cream狀的BB粉餅霜真的偏油了一點
除了上妝後我會用紙巾輕印全臉一次
中午過後又要印另一次

不過還是很喜歡呢部細小的BB底妝塑肌儀
我的化妝袋已經好細
都仲可以一整套的帶出街
又輕又細，方便攜帶
出街輕鬆了不少

很推介大家帶這個BB底妝塑肌儀
和平時的sample size粉底一齊出街

歡迎留言及電郵至: [email protected]

 
白蘭氏…

我常常記起友人的蠢事…
從前考試前總要 “啪” 一罐雞精才進試場，考試時醒目又提神
有次考試前一如以往的飲一支先應考啦…

 ‘啪’ 的一聲響遍整個操場！！
引起操場集會中的女生注目

有人偷笑、有人話佢蠢蠢地，但都幾靚仔丫~
每次想起這蠢事，我總會哈哈大笑

最近我飲的都是白蘭氏
不過不是雞精
是InnerShine活顏馥莓飲

升級版的InnerShine活顏馥莓飲
提升了抗氧化防護
成份除了四大天然果莓及葡萄籽精華
更添加抗氧化果皇巴西莓
抗氧化能力指數(ORAC)極高
高效對抗紫外線及游離基的傷害，保護肌膚

商品介紹、成份、營養資料、有效期都全印在包裝盒背面
要查看便一目了然

飲料產地是台灣

營養資料

有效期標示得很清楚

一盒有14瓶
每瓶是50ml

每瓶都好像有道光環一樣

瓶上的膠紙封條都印上有效期
盒子掉了也不怕

簡單的沿虛線撕下

光脫脫的玻璃瓶便呈現眼前
InnerShine活顏馥莓飲是扭蓋，保證不會“啪”一聲哈哈

我反而覺得咁樣的包裝設計好
飲完的玻璃瓶可以重環再用

馥莓飲的色澤很像葡萄汁
味道是很天然的莓子汁，我超喜歡！

緊接著我飲完14瓶，整整2個禮拜
每晚飯後2小時都喝一瓶 (我愚見這樣會幫助飯後消化)

請大家看一下下列這組照片們

這是我使用的第一天

(但是這張怎麼會如此的無神我是被誰附身了)
眼睛都無精打采

就是飲光都要來一個合照

短短數天…

我已經感到身體的變化了!!

害羞的說說…
便便比之前更暢通，次數都增加了
由以前每天1次
飲後每天去2次 (據讀bio的朋友仔透露這是最健康的次數，我的朋友們都好古怪)

身體也好，氣色好，臉色自然好！

最近數天都一直熬夜
(都怪自己不好deadline後才趕功課)
每天不是4點睡，就是5點才睡!!
真的好恐怖!!
我年輕，但樣子不能熬夜
平時只要熬夜2天已經變左喪屍樣喇!!

馥莓飲好似幫身體打好個底咁
看看連續4天熬夜的樣子，一點都不喪屍

一直還擔心：出文前先熬夜點影相見人
點都估唔到馥莓飲給了我驚喜

來一張對照圖
熬夜後，除了有少少黃氣
素顏都不掉臉
眼袋竟然沒有跑出來!! (我還可以裝一臉精神的假象)

今次真的充滿驚喜!
這是產品沒有說明的效果呀
以後熬夜，InnerShine活顏馥莓飲會是我的熬夜好伴侶

另外…

總覺得飲後的玻璃瓶好浪費!

這個沒標紙的玻璃瓶可以充小花瓶的角色
一次過放幾支又得

分開幾個瓶放在家中不同角落又得

雜言雜語：

一盒14支玻璃樽的InnerShine活顏馥莓飲很有重量
我這個弱質纖纖的少女要搬回家真的很吃力
如果每次有個苦力替我搬回家
或是廠商可以提供送貨服務
直接送到每位用家府上就好了

InnerShine活顏馥莓飲

推廣價：
HK$238/50ml x 14樽
HK$115/50ml x 6樽

歡迎留言及電郵至: [email protected]

 好開心可以參加到「Heroine Make華麗聖誕化妝班」

活動地點在灣仔的Ramas Oyster Bar & Grill舉行

從小已經係Heroine Make睫毛液的忠實粉絲
我的第一支睫毛液是在8年前買下的
而果支睫毛液就係KISS ME喇~

那些年的KISS ME就係今日的Heroine Make
KISS ME的產品正逐一取用母公司「ISEHAN」的商標
又Heroine Make，又ISEHAN
我還是叫慣KISS ME、KISS ME，改不了口

一系列的Heroine Make睫毛液
見到已經想全套買下

還有啞嫩粉底、bb cream和粉餅

活動的backdrop很美
好sweet好浪漫的粉紅色，還有玫瑰花
還有最美麗的代言人－－花漾美姬 小姐
相信會是日本繼Hello Kitty之後，長生不老而且最火熱的偶像

3支睫毛液、2支眼線液、除防水睫毛液、假睫毛
是活動後每人的小禮物
還可以在場試一下粉底系列
Bifesta藍色清爽卸妝液好用到不得了呀！！
活動後馬上買了一瓶

活動開始…
司儀介紹了Heroine Make的代言人

模特兒是樣子可愛的Gina

聖誕妝容的重點是眼妝
一於用一招電死人不償命，令你的男生昏倒
眼妝的次序原來是：
先用眼線筆畫眼線－＞夾睫毛－＞塗上睫毛液
好彩有教學，一直以來我的步驟都是一團糟
最後記得塗上胭脂和唇彩

Gina示範的是甜美日妝
甜美情度可以殺遍街上的男生
我好想偷偷上前親一個

接下來有Cherry示範貴氣晚妝
黏上假睫毛，整個效果都不同了
我真的不能再馬虎，要多畫一點眼部妝容

到大家自習的時間…
我還是吃了再練習吧，哈哈∼

快速完成容妝後，來個大合照

我仲同左2位靚靚models Gina、Cherry，還有CiCi合照^^

和可愛的CiCi傾左一整個下午，好開心喔！

歡迎留言及電郵至: [email protected]

 今次一定要放火架喇

唔放過唔到自己個關XD

油麻地的Easy Shop結業清貨
我當然要去掃平貨
精明的慳妹都要慳得有學問
不是邊度有平貨就亂執返屋企

那些T牌、S牌的內衣都是給有身段的美女穿
我連最細碼的有時也只是僅僅穿得下
真的很羨慕有事業的女仔!!
贊助商要給我贊助豐胸療程的話，我一定馬上答應

台灣出品的Easy Shop超貼心的為超細碼女孩提供內衣款式
我一直都是它家的粉絲
家中的好幾件Easy Shop內衣，舒服又耐著，款式亦多樣化
而且最近我上半身縮水，不得不買合身的新內衣 

一買便是6件
小咪咪當然要多買一點push up bra充當一下場面

這款內衣有內置矽袋，重點落在下半邊
穿上後馬上升一cup! (很歡喜)

這是薄款，可以留待夏天穿，超級舒適，透氣透高
肩帶較幼身，好身段的姐妹們可能不夠承托力 (那便讓給我吧❤)
喱士邊可以有混亂視覺的效果，嘻
整個設計就是很女性化，魅力要上升了

而且是Design in England
對它的設計超有信心

再來一個走可愛少女路線的內衣
整個都是純綿物料

製造V溝要靠它
穿上後，肉肉都集中起來
還可以自行加餃子墊
事業心很重的一款

回到家才發現袋中的肩帶
職員在我付款時不為意放進去
我不知怎麼用它呢

最後挑了2個同款不同色
每次有選擇困難症都會出現這狀況
不過貓咪圖案真的太可愛
拿起了便捨不得放手

還有另一原因：
它內置了可拆式超厚餃子墊！
心機很重的款式，怎捨得放手

每件內衣原價都要300個大洋
現在特價才$60一件

而且買5送1
就是$300可以有6件呀
即係$50 1件真係抵抵抵!
好過去68掃貨啦~

(好彩出文前，留意到尺碼都印在收據上，差點暴露了便要躲起來>.< )

出示coupon還額外有一條小內褲送呢~
我求其揀左條M碼，其他都是L、XL

雖然是特價品，仍提供試身服務
每次可以試6件
店內只有4間更衣室
建議不要在上班時間去，因為一排十多人，要等最少半個鐘架!

好野當然要益大家
只要出示呢張圖買5件便可以有1件內衣+1件小內褲送

用這條link都得架

http://attach.getjetso.com/forum/attachments/month_1211/20121101_6201d21a08f96ef85f6bcMJKyHxWuDX1.jpg?name=

歡迎留言及電郵至: [email protected]

 離上次餵食文又有一段日子

剛去了和民吃晚飯

最近有新優惠呀!!
LIKE左FB page “Visit Japan for HK有8折
用AEON卡食指定套餐有7折

家庭樂當然要吃4人餐啦
(還有份量較少的2人餐)

黑椒糖脆雞翼

溫泉蛋凱撒沙律

雞脾菇牛肉卷

3色刺身

豚平燒

什錦壽司飯

和風石鍋雞蛋燒

日本產南瓜天婦羅

回到家才發現…
但我竟忘了拍下重點!!!

牛肉火鍋+烏冬

很大的火鍋，很有份量的肥牛、還有豆腐、花菇、金菇菜、菜、還附有3只溫泉雞蛋
只怪我掛住食，每次好東西都忘了留記錄

還有4杯飲品呢
我選了檸檬生薑茶(熱飲對身體好)

埋單才$478，加一$47.8 (竟不是$71.8呢~)
Total: $525.8

我家的2個大食客都說很飽
少食的女生可以5-6人一起叫這個套餐呀

歡迎留言及電郵至: [email protected]

 這次的用清文都是有5款: (以後都儲5款才寫一篇)

Vichy澄淨潔面泡沫
NUXE 植物鮮奶精華
SUISSE PROGRAMME水份彈性面膜
Kracie肌美精藥用彈力美白面霜
Cyber Color防水造型眼線液 02啡色

Vichy澄淨潔面泡沫

50g的細支裝 (貨size是150ml)，我只在早上才用
每次用3-4泵，都用到足足一個月
So far每次洗完臉都冇蹦緊
還真的有層水份留在臉上似的
只是泡泡不夠細密
好用度: 80% 
回價度: 60% 
可參考詳文:
【天氣乾燥都要潔臉喔! ❀ Vichy澄淨潔面泡沫】

NUXE 植物鮮奶精華

剛轉季的天氣用它真的超好!
質地是乳液狀的精華
帶點潤，吸收很快、很透氣
但和CAUDALÍE 葡萄籽急救保濕精華相比，我還是較愛CAUDALÍE

同是天然保牌，CAUDALÍE的呈水狀，不過保濕度較高
NUXE較濃調、滋潤
只能說各有各好
好用度: 75% 
回價度: 50%

可參考詳文:
【保濕要從肌底出發 ☼ NUXE 植物鮮奶精華】

SUISSE PROGRAMME水份彈性面膜

冬天真的不能沒有它，好用到已經不用再說
每次用都feel到肌膚吸梗水
一瓶可以做到補水、鎖水的面膜
200ml一瓶，可以用到26次 (每次都豪氣地厚敷的份量)
省一點用相信可以用到50次
我有畫正字做記錄XD

好用度: 90% 
回價度: 89% (很貴呢~)
可參考詳文:

【給肌膚額外的滋潤保養✡ SUISSE PROGRAMME水份彈性面膜】

Kracie肌美精藥用彈力美白面霜35g 雷品!

雷品出没，請注意！！！
這是N年前買下的面霜
由於冬季、夏季用都會生油脂粒
真是雷死人不償命！！
只能用黎搽手腳 :P
勉勉強強終於用哂
好用度: 10% 
回價度: 0%

Cyber Color防水造型眼線液 02啡色　$78

這支好用到不得了!
價格親民之餘，質素是一線大牌都不及佢好
katerina是油眼表表者
呢支眼線筆絕對做到100%防水防油!

試過好些品牌的眼線液，就是沒有一款比得上它
真的好用到不能有2奶 (誤)

之前的Halloween蜘蛛妝都是用佢畫
玩左一整晚返屋企先影相都冇崩、冇暈開
Long lasting做得非常出色!

其實這支我用了好幾年(不好衛生的><)
一黎我好少化眼妝
二黎佢一度停產!!

找了好幾年SaSa都找不到它蹤影
直至最近去SaSa要問職員才發現01黑色
01黑色對我黎講太實色喇，給人很剛強女子的氣勢
但她說從來未見過有啡色
(嘿! 一定是我購下時，你還未入職SaSa)

黑色這支SaSa的官網也有在賣，卻看不見啡色的影子
http://www.sasa.com/SasaWeb/sch/product/viewProductDetail.jspa?itemno=102527203002
這支Cyber Color水性眼線筆，真的大推！！！
用慣黑色眼線的，一定要買支返去用呀
只是…失望的katerina仍在尋找02啡色
好用度: 100%
回價度: 100% (如果大家知道邊度有02啡色賣，請通知我丫)

歡迎留言及電郵至: [email protected]