今日拎左好多免費gift呀, set裝同samples都有^^好豐富呢

(左起)
BRTC茉莉之水智能震動BB美妝組合 (我會儘快出試用文架喇~)
Sasatinnie蘆薈青蘋果mask (SaSa門口填左問卷免費送架)

evie日夜手霜 (是早前書展時訂elle其中一份自選禮物)
Lancome Visionnaire 5ml 精華
Clinique 3-steps 10天試用裝 (今排膚質變了, 所以試下爽膚水3號)
Clinique全新魔法翹長睫毛液試用裝

又買了:

B&L 每月con $520/4盒 (用開多年有深厚感情的con)
House咖哩 $21.9 Piago (House的蘋果+蜂蜜味陪伴我成長，長大了，要試試洋蔥味濃一點的)

====================================================================

生病的孩子走到護膚品專門店逛逛，睇下有冇好野買
sales推銷之時不停問我係咪外國讀書返黎
(我真的有長得像外國回流嗎??!)
我是土生土長飲東江水大的香港人
讚得我都差一點鬆懈了，腦波很弱差一點要瘋狂購物
心停一停：想起家中連查身都一年用唔哂的護膚品，我醒覺了!

最後當然沒有買啦~

附上一張被sales說很外國讀書返黎的孩子照

(裙子是h&m出品，呢排$100的特價品，好抵著)
真的沒有很外國回流吧~ 只是我今天穿得好悠閒
大概就是sales都這樣讚讚大家，令我們一鬆懈了，就什麼都聽她們的，雙手送上信用卡/錢包

夏天一到就晚晚都開冷氣先訓到覺，第2朝塊面又抽乾水，
變左人乾既臉連上粉都難

好彩O'slee Aqua Medi清爽水潤保濕霜
幫我解決左變人乾既燃眉之急

O'slee Aqua Medi清爽水潤保濕霜 50ml
今次唔中既SIS應該都收到郵寄到府上的：
-O'slee玫瑰果美肌水3ml
-O'slee去角質深層清潔啫喱 3ml

包裝盒寫住保濕霜會幻化成無限的水珠，十分期待

產品說明有保濕、美白、修護功效，真係神奇呀？

保濕霜瓶子有膠頁子，一掀就開

面霜入面冇匙子，用自己匙子拎左呢個份量
質地是啫喱狀、帶有香味

因為用o係臉上好難影個效果
所以影手上既比較好

塗在手上，推開3、4下
登登登！啫喱變成水狀，再變成小水珠
呢個時候，我會o係臉上輕拍等佢快D吸收

放大一點看，有看見嗎？
真係一粒粒細小的水珠

用後有感：
雖然有寫美白功效，不過當然唔好期望咁高啦
心水清的SIS都知道：畢竟保濕、美白是兩難存的
所以只視佢為一盒保濕霜就好了

用完臉頰有點涼陣陣 (每次遇上好的保濕產品都會咁架^^)
化妝時都貼D
不過唔好貪心查多多，唔係會有黏黏感的

炎炎夏日，去完街、曬完，塗返呢個水珠霜就最好，降下溫就最正！
放埋佢入雪櫃，用果時冰涼又保濕，心情都靚D

順帶一提：
盒內有O'slee入會表格
入會仲免費送美肌水10ml及面膜1片
(師奶仔如我就梗係填左寄左啦XD)

O'slee有FB page喇
大家快D去like, 留意下最新優惠啦
http://www.facebook.com/osleefb

用Clinque 2號仔的SIS都知道，用棉花球抹完塊臉，就會抹到一個灰灰的棉花球出黎，果D係臉上的死皮、角質

咁如果用棉花球卸妝呢?

唔知大家有冇同我一樣的問題：
“化妝棉、棉花球，邊個卸妝乾淨D呀?”

呢次用左購自采活的Cottontree化妝棉、棉花球做試驗

用Bioderma的綠水卸妝

仲有出完一日街的粉臉一張，用的是shu uemura粉底液

試驗開始！！！

左邊臉用化妝棉、右邊臉用棉花球

得出既結果是。。。

棉花球卸得較乾淨！！
棉花球沾上了厚厚的粉底，

化妝棉上的粉底則略為淺色

再用棉花球抹多次已用化妝棉既左邊臉

發現！！！

仲有眾多的殘餘物！

呢次小試驗後。。。
我決定：用棉花球卸妝！！！
原來棉花球的吸附力咁強大，難怪會成為2號仔既最佳拍擋
以後就讓棉花球為我擔當卸妝、去角質的角色
化妝棉只會用黎拍化妝水時用lu~

颶風走了，但仍一直落雨
新鞋子買返黎都冇機會著出街

每日出街都著膠鞋子

它不似水靴般焗腳，鞋身全都是用塑膠物料，
唔會好似D平底鞋咁濕哂焗住焗住
而且係平底，落雨出街行快兩步都唔怕跣到一仆一碌

仲未講到呢篇文的重點，一直帶大家遊花園添...
好喇！ 講左咁耐，係時候要入正題

今個夏季又點少得大熱的厚底高跟船踭呢

新入貨的這對紅底配黑色閃帶是我近期大愛呀
走型格風，配一個煙燻眼妝，
一整個rocker本色都出來了

有没有很Agyness Deyne的感覺

好愛這雙鞋 ！
鞋跟雖然高，不過前面有厚底，又是船踭
去夜店玩時都岩著，站一晚都不累，
燈光照在鞋面上時，鞋帶會閃閃發光，
最注目的還不是我！？
快點停雨，我要著新鞋子出街

 這是一篇有感而發的文

一直很喜愛索取試用裝、試用品，是慳家的雜念跑出來
試用可以為平時用的護膚品省下一點點啦~
更重要的是讓自己清楚該產品是否適合自己的膚質！
好用的、岩用的，當然會回購
用爛面的，就可以省下一點無謂錢、怨枉錢了，
唔洗買左返去唔岩用，放到一屋都係(香港地少人多，我屋企都出現空間少雜物多的狀況)

早前的FB活動拿了Jurlique的試用包

是美白系列的小伙子，有洗面、精華、日霜、晚霜
而且Jurlique很慷慨，每包都有2ml
足夠試質地以外，仲可以試到功效（每包可以用到2次以上）

洗面：
質地不會起好多泡，我喜歡這個狀態，不會帶走太多肌膚的水份

精華：
都頗為濃稠，有花香舒緩神經

晚霜：
厚身的質地，有點焗臉

（順帶一提：這系列的產品都要在手掌加熱幫助吸收的）

初試用完的感覺不太良好呀
翌日到Jurlique一問才知，精華、日霜、晚霜只需一粒黃豆大的份量就夠全臉塗
原來我份量用得太多了
頓悟：用量恰當更重要！
用量太少不夠全臉吸收、太多又會阻礙吸收，凝成留在臉上的殘餘物

使用了正確的份量後，吸收得好了
沒有了焗焗、黏黏的感覺
但是沒有很想回購的，因為保濕不夠好，對於我呢個外油內乾的孩子，超保濕的產品好重要

最後… 購買產品同拿試用都要注意有限用期呀!

就像這傢伙，才拿了一個多月，但原來快要過期了

是日雜言：
產品的試用很重要，用量恰當更重要！！！
不用浪費金錢，白花在不對的產品上
也不要亂灑金錢，塗厚厚的護膚品，肌膚吸收不了，只會形成負擔