691200秒考試大長征結束~!

之前個兩個禮拜都要考試，所以唔得閒打日記。

講番果兩個禮拜o既事先~~

由於我知道自己係屋企會唔專心，溫唔到書，

所以我就去左荔枝角果個自修室溫書。

第一次去就見到阿Long、膠希、司徒同Suey，（☉ｏ☉）

有d驚訝，估唔到咁遠都仲見到熟人....(你咪係一樣山長水遠走黎...)

本身係想去青衣果個，不過青衣果個太多人，有日我8點半去都已排哂長龍，變態~!  @_@a

d光又暗，又唔係獨立枱，所以堅持去番荔枝角果個。

之後691200秒大長征(2個星期)就係自修室渡過，早出晚歸，差唔多成11點先番到去，

好怪，咁夜仲著住校服~

依兩個星期過得好慘，阿媽因為要去加拿大出席親戚o既葬禮，

所以冇人煮飯，加上我又唔識煮，又要考試，又冇淡好食。唉~!(巧可憐啊~)  \(╯-╰)/

端午節果日我要去海麗邨度食飯，好彩咁岩有人同我一齊去，thx~

對於我依個路痴，如果冇人帶我去一定迷路~~  （＋﹏＋）

以前個鄰居俾左幾隻粽我，總算有d節日氣氛。!

經過依兩個禮拜之後，我討厭出街食飯，好掛住阿媽煮o既飯...  〒_〒

當阿媽入到門口果刻，我摟住佢話:「我好掛住你」d飯餸...(依兩個字食左。)  －_－|||

...........................................................................................................................................................................

今日終於考完啦~~!!

我同阿瑤&魚絲一考完就衝落去葵芳睇"戲王之王"

初頭我想睇"綁架"，不過佢地話考完試睇d咁激o既戲，有d怪，

2對1，我輸左。︸_︸"

不過戲王之王都ok有睇，仲有好多婆婆一齊睇.....

我地諗佢地應該係睇詹瑞文掛.....

齣戲都幾搞笑，而且都有d意思咁，都抵睇o既~~

睇完之後，我地去左肯德基食lunch，因為我有coupon，可以平d~

食飽飽之後，個個都話好累要返屋企訓覺。--The End--

時間

現在時間係12:01p.m

依排日日放學都H.E室整裙，

依家終於差唔多完成啦，好有滿足感。

時間呀，時間啊，你可以唔好走得咁快，等下我

開始擔心唔夠時間溫書。

往年o既我一定唔會擔心依樣野，點解??

因為我往年都唔溫書。今年我一定要努力!!努力!!努力!!努力!!努力!!

我唔要令自己後悔，我要學識拒絕物質o既引誘，

所以一定要加油、努力!!!!   非商不讀!!!

------------------------------------------------------------------------------------------------

時間真係可以沖淡一切。

以前o既事，我已經唔知咩時候放低左。

如果俾我再選擇，我仍然會選擇同你地一齊。

雖然結果我好似成為左你地o既敵人，令到你地討厭我，

我又傷心左好幾回，不過我覺得都係值得，我地不竟都曾經快樂過，

當時果種快樂真係令人難忘，我真係想回到果陣，然後停留，咁我地就可以一直都咁。

當日你地果種充滿怨恨、唔信任o既眼神，我依然記得，忘不了。

我仲記得當日我對住部電腦，一個一個咁睇你地o既日記果陣，一滴一滴眼淚流下。

傷心係因為估唔到我打完果篇野之後，你地不但冇原諒我，仲惡化成討厭我。

其實稱得上為原諒嗎??講真到依家，我仲係唔係太清楚我錯左d乜，

我只知道我同你地性格唔配合。但其實唔洗絕交咁嚴重??

我上兩個月先知道，原來當日你睇果篇野o既時候，誤會左我想表達o既野，

你地睇到o既同我想表達根本係兩回事，怪唔之得你地會咁討厭我。表達能力差o既問題。唉~

我覺得對依段友誼好可惜~!我雖然依家唔屬於你地o既朋友，

但見到你地之間o既關係疏遠左，我真係唔想見到你地咁樣繼續落去。