Rehearsal

星期四o既早上，我地劇社一眾人係葵芳地鐵站到非法集會，

等齊人之後就出發去西灣河。

好有型呀~~我地接近30人係搭地鐵，有d似鴨仔團.....

個台好大，好正呀!正過文化中心果個劇場，

仲有一條秘密通道通往後台o既另一邊，又有蒸餾水機，

最正係有一間屬於我地連埋廁所o既化妝室，好pro~~

之後我搞左好耐就趕住走。我地到左葵芳果陣時間係12:45

我地仲未食野，之後就買吉野家外賣，飛的番去，用左10分鐘食野。

嘩~!真係exciting!!好彩食得切~繼續上堂~

返到屋企，決定放棄中文Joint Test，

為左要係表演喊得出，睇左兩齣較感人o既電影，不過最後到只係流左幾滴眼淚，失敗!

乏味~~

我都好耐冇打過日記啦.....

竟然有兩個月冇打過!!可能我對打日記失去左興趣。

啊!!係呀，我地劇社入左圍，仲係二百幾間中學以頭十o既成績入決賽，

好勁呀，黎梗今個星期五就係決賽o既大日子，可以講為終極呀!!

希望各位為我地打打氣啦~!

我琴日又番左去排戲啦~~

有個人冇番，我就做住臨時演員，我做做下，冇啦啦講左一句"你真係決定咁做??"

問題係依句台詞唔係我要講、又唔係依幕出現，之後佢地 O 哂咀，問你冇野呀??

我果陣仲唔知發生咩事，仲問番佢地"咩呀?"，過左陣先知，笑到停唔到口。

我地覺得澤明做戲唔夠火，之後我地夾份整嬲佢，諗住可以極發佢啦，但係佢真係唔會發嬲，

唉~~我地好失敗，令我地更無奈o既係.....我地推佢埋去玻璃門度，佢竟然好溫柔咁話''小心整爛塊玻璃呀。"

冇佢咁好氣~!一個字，服!

星期六阿媽番左鄉下拜山，得我一個係屋企，好自由呀~!

聽日History Joint Test，嗚嗚......未溫呀......

所以我依要溫啦，掰~