2007-05-22

依幾日都落雨.....

唔鐘意落雨，落雨總會俾人一種悲傷o既感覺。

但人好多時都矛盾，我曾經有衝動衝出去淋雨，感覺應該幾好

但係我冇勇氣，著住件校裙咁做，件裙一濕左就透明，

太恐怖，我思想冇咁開放，也唔想d人見到一件豬扒搞成咁....(自卑中)

我亦冇咁多時間去做。

不過真係好想淋雨，想病番一場，

好耐都冇病過，被媽咪照顧o既感覺確實令人回味~~

算了，就快考試，依d 野延期吧~如果想淋雨，都係去泳池沖涼算啦，

雖然感覺差好遠，總好過冇~!

仲有呀，落雨都好浪漫架......(小姐，你睇得言情小說太多了，別發夢吧~)

真係過份，俾人幻想一下，都唔得。(當然啦，請你照照鏡。)

公開演出

今日朝成日都只係諗住點喊，冇心機上堂。

History派Joint test卷，諗住會好差，可以借此大喊一場，

點知又考得唔差，又唔好好，唔可以喊又可以樂極生悲，2nd失敗~!

lunch，test完中文就走人。係葵廣買左支wasabi

又再次迫爆葵芳地鐵站~!!

到左之後，我地換costom，準備最後一次綵排。

綵排完，我就食wasabi，俾人話我變態，食左好多，好眼淚，不過好少，

都唔夠辣，可惡!!食食下仲覺得好好食....3rd失敗!!

阿貓又試下，佢話好好食，之後不繼食.....

我之後諗下d唔開心o既野，但係都唔得，4th失敗。

我又試同嘉欣一齊係坐係我地個私人廁所個地下，到傾計，講番我o既唔開心o既野，

講到就喊得出果陣，有個人衝入黎，見到我地，嚇左一嚇問:你地度做咩呀?

其後好多人湧左入黎睇我地...ShiX!!成個feel break左!!5th失敗!

佢地走我地繼續，我講左好耐，嘉欣喊到成面都係，我就一滴都冇，6th失敗

之後我打去俾阿瑤，叫左鬧我，佢鬧完之後，

我有少少唔開心，不過都係喊唔出，anyway thx 阿瑤~!7th失敗

我又用白花油，好痛，眼淚不斷咁流出黎，

不過我隻眼不停咁眨眼，好唔自然，好似電人咁...8th失敗

我最後自己坐埋一邊諗番d童年回憶，終於喊得出!!!成功!!

我地Dinner叫麥噹噹外賣，食完之後，過左3個鐘就漬出。

我地係大叫"Good Show"!之後就搬setting，就出場~

我地個個都做得好好，個show d gag位好成功，我地又忍到笑，

到講野個度，我最後喊唔出都冇影響到我，我眼泛淚光，比之前好左好多。

有位演員唔記得拎props，我果陣諗，唔可以再出錯，我要將自己o既做到最好，彌補不足。

之後我就做得更投入，最後好成功，謝幕果陣，我聽到好大o既掌聲，好感動..好開心..

我番到屋企都成12點，著住校服好怪...好支力..

雖然依幾月，我付出左好多時間，好多精神，

為o既都係短短o既30分鐘演出，

但係我覺得係值得，我係依度結到好多朋友，

我好享受成team人好認真咁一齊排戲排到好夜，搞gag，一齊笑...

重要o既係我覺識點同人相處，去體量別人，同埋團結精神。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
搞Gag小天地:

如果你同你個friend搭地鐵，你個friend入到地鐵，

而你又入唔到o既時候......(U:你，F:friend)

U+F:只差一點點的可以再會面向(地鐵嘟嘟...)

U:(拎起電話)你剎那在何方?

F:我有說話未曾講

U:如何能連繫上

U+F:相活在旁

U+F:銅鑼灣/