琴日部電腦又上唔到網,真激氣,

好彩對我溫書無影響咋...唔係就死得...

今日考果兩科對我黎講有一定既難度,

好似經濟咁,第一科都尚算可以...

但第二科全部都係英文,仲要唔夠時間教...

以我英文程度本來就低,加上後面又無教到...唉~幾慘啊!

跟住物理都好d...無咩英文...

不過佢果d公式,我又係唔識...

上次統測幾恐怖就知啦...

所以我琴晚就起勢咁溫...都唔知點解...

琴晚鬼死咁累...真係激死人...

今日又好似琴晚成晚無訓過咁累...唉!!!

去阿鳳屋企補眠,不過俾人嚇死...訓唔著既...

所以係度睇電視&睇漫畫...

依家睇緊果套都幾好睇嫁...呵!

今晚又要努力啦,聽日考中史,有d驚...

    刊登時間︰2007-01-09 05:42 PM    [ 訪客留言(0) ] [ 編輯日誌 ] [ 分享至FACEBOOK ]         

星期五果日,Tracy同我地講,話16號果日我地要去南丫島參觀,

唉!!!!本身我地諗住去環球嘉年華玩,

依家只好改期,不過改期又會有好多問題出現...好煩啊~

今日係屋企係咁等阿爸&阿媽出去...

真係等到頸都長,

跟住就同阿婷&阿鳳傾電話...

好耐都傾電話啦...成個星期啦...

因為考試既關係,連阿婷都無咩傾電話...

又無人打俾我,所以我地今日盡情咁傾...哈~

要張所有唔開心既野忘記...

    刊登時間︰2007-01-07 03:47 PM    [ 訪客留言(0) ] [ 編輯日誌 ] [ 分享至FACEBOOK ]         

今日真係好凍,冬天既感覺又返黎啦,

原本今日都無咩做,諗住係屋企發呆,

點知阿婷打黎叫我一齊去阿鳳屋企...咁就硬係去啦,

打俾阿鳳,打左勁耐都打唔到...

因為佢係度訓教,但佢又要陪佢阿爸,屋企人去飲茶,

同埋佢阿爸係屋企,所以去唔到佢屋企...

但我地都有出黎,食完麥記之後,就去行apm。

都無咩好行...出左個公園度坐,傾計。

傾左唔係好多野...因為我地好遲先出去...

點解...點解...你地點解會咁嫁?????

唉~真係唔知點樣去對你地好啊!!!

或者,咩都唔諗先係最好。

但腦海會不自覺咁諗起...>.<

    刊登時間︰2007-01-06 06:04 PM    [ 訪客留言(0) ] [ 編輯日誌 ] [ 分享至FACEBOOK ]         

今日既英文listen好易咋...哈哈~~~~

Dict我又有溫,所以都識啊,唔駛驚唔合格。

但中文聆聽同綜合卷都唔係好肯定自己做得岩唔岩...

放學之後,我,青婷&阿鳳去左Tracy屋企做視藝,

雖然話就話做姐,不過都係一如以往,無做到,

不過我地都有諗到點做,差無畫(不過畫至係最重要)

真係好多謝Tracy既媽媽,佢整左勁多野俾我地食,

不過其實我地都買左麥記,所以琴日係食左好多野嫁!^.^

跟住佢個細佬返埋黎,哈~好可愛嫁,

我地就係咁同佢玩,(其實係睇佢打機)

已經五點九,我地先走,

阿婷就好啦,咁近...我慘d咋,咁遠,

不過唔緊要,今日開心左成日嘛~~~~

    刊登時間︰2007-01-05 07:07 PM    [ 訪客留言(0) ] [ 編輯日誌 ] [ 分享至FACEBOOK ]         

咁快又一年啦...過得都幾快...

係過去既一年真係發生左好多野,

當中有開心,有唔開心...

不過果d都過左去囉...

依家,我要好好咁珍惜我有既一切,朋友啦,家人,所有既物品...

我......會好好咁繼續鐘意你地嫁~~~哈!

不知不覺,屋企部電腦都壞左幾耐...

今日考既地理都ok,唔係好難,幾易啊!!!!!

不過世史就死得人多囉,

竟然無mc題,,,

果d填充,問答,資料...全部都好鬼難...

加上我琴晚又無咩點溫...死左~~~~=.="

我地放學之後就6個人一齊去我屋企打邊爐...

唉!!!!果班大食懶,,,,食之前我洗野,

食完之後又係我洗...

大家無聊到又係度睇流星花園,

跟住好努力咁整玉玲...嘻嘻...

雖然好開心,,,但都被玉玲既暴力而受小小既輕傷~

今日好開心...不過又要溫書啦...

聽日要英文Dict...好驚...

    刊登時間︰2007-01-04 06:53 PM    [ 訪客留言(0) ] [ 編輯日誌 ] [ 分享至FACEBOOK ]