今日，我好早就起身，一張開眼睛，一睇5:20a.m.，嘩！早得奪命，便有點兒不滿，但都冇計，鬼叫我係香港第一屆既少年太空人咩！唔好笑，係呀！雖然我做唔到美國萬通小太空人，但做到香港少年太空人，都好Happy啦！Why呀？
因為係好難得呀！自己又唔係特別傑出，但都可以成為30個少年太空人香港代表之一，好Happy呀！
六點左右食早餐，之後六點半就趕去搭港鐵，但最後都係遲到，太空館話要我地7:30a.m.到，But邊有可能，我住屯門，要出尖沙咀，起碼要一個鐘，好彩冇比人鬧，因為我唔係最遲……
去到太空館之後，睇到其他同學都已經著好曬整齊既制服，自己就…於是就立即去換衫，整整齊齊咁綵排啦！不過要報到，唔知邊鬼個拎多咗本「營員手冊」搞到我冇，不過算啦！一定會有既！
綵排果陣好蝦碌呀！最尾一幕米要火箭發射既，點知…一起我就「降落」啦，笑到我地肚痛呀！好彩真正果陣冇等姐。
哈哈，最開心係吳校長同某林黎睇我出征呀！我一定會努力嫁！等我完成任務，凱旋歸來啦！
出征儀式完成之後，我地30個就正式踏上征途，去到北京，一定要為自己既太空夢想，而去勇敢成長呀！
到咗機場，有D唔捨得呀哥…不過算啦！7日好快過姐…之後我就同Maggie佢地好開心咁入機場禁區啦！
點知…唉∼要等多2個鐘，飛機先到，而家都十二點半啦，六個鐘前既野，咩都消化曬啦！冇計要係機場食野，貴到你嘔呀！
2:30p.m.飛機終於到啦！上到飛機又要食飛機餐，好飽啦喎！不過算啦！唔好浪費食物，不過真係OK好食，最好味係Haagen Dazes ice-cream呀！〔小小幸福！好味〕
不過呢我唔係坐窗口位，冇得睇風景〔小小不幸！〕要去toilet先影到D雲呀！
經過3個鐘既機程先到北京首都國際機場，原來北京個機場咁大嫁…比香港果個大N咁多倍= =”
攞完行李，我地就坐旅遊巴士去到我地呢五日要住既酒店= =”→神舟商旅，我係同Maggie一間房，本身係同Christy既，不過指令長批準我地調房，我同Maggie一間，Christy就同心怡一間，大家皆大歡喜啦！
返房放低ｄ野之後，就去食dinner啦！因為已經8:30p.m.平時我已經Sleep咗啦！食完dinner之後本身話有得去長安街呀、水立方呀，都冇啦！因為冇time，要立即綵排聽日既開幕式，仲有要分組，我係A組，我地A組個教官好好嫁，不是forget咗佢個name。
綵排咗一大輪，到宣誓，陳天衡D PTH，真係加添全場歡樂呀！（佢今晚有得Sleep啦）經過咗一系列綵排之後，返到房都11:00p.m.啦！沖涼，刷牙之後就12點多，累到我好想訓，But訓唔著，因為我怕黑呀！
不過最後，好靜好靜靜，大家都訓咗啦！希望聽日既活動更加精彩啦！