8月9日　雨
今日7點就有酒店D錄音Horning Call。（其實你去Call我都醒咗啦！= =”）之後趕住咁搞店自己既儀容，刷牙，洗面，著好制服就食早餐啦！
食完早餐，就返房拎ｄ野，之後集合啦！點知…十五分鐘都未OK，比教官鬧到狗血淋頭…（下次唔敢啦）之後，我地坐旅遊巴去返尋晚個Hall到，入去之前，要先探熱，我…更係冇事啦！但係，Christy就…發燒呀！關頭我地都唔知，開幕式，一直都利舉行，到咗開幕式完咗之後，我地坐旅遊巴果陣館長先同我地講返，而我地果組（神舟組）既指令長佘非都已經陪Christy去醫院，咁我地下午既行程點呀？係取消既，要等Christy個報告出咗，證實唔係H1N1先可以繼續，如果係有H1N1既話，我地就要隔離啦！
返到酒店，我地係唔準出房門半步，要係間房到？咁我同Maggie就只好睇電視，仲有用內線電話煩其他房既fd啦！我地打比心怡，Feel到佢好內疚，好唔開心，想安慰佢，但又驚佢唔開心，都係唔煩佢啦！之後我地同Bernice傾電話，佢鬧起一個問題，覺唔覺得呢個Camp d boy，好娘娘腔，我地就醒起某人啦！不過唔好指名導姓，費時hurt到人啦！之後我地叫佢做「瑪利亞」（因為佢好娘娘腔吧！）
經過咗好悶既幾個鐘，就連食飯都要係房，之後佘非打電話黎話比我地知Christy冇事，只係重感冒，唔係H1N1，4:00p.m.打後既活動如期進行。
咁我地就去咗中國空間技術研究院展館啦，北京飛行控制中心（要用鞋套，因為費時我地對鞋dirty）之後返去今朝個Hall啦，聽王老師講解啦！
到咗夜晚，食完飯之後就去太空人個課宝上堂，係有關載人航天科普既，係孫老師教課，之後呢，突然有一位神秘嘉賓出現，佢就係航天英雄──楊利偉……上完堂之後，我地就向楊利偉提問…之後就有佢既親筆簽名呀！好Happy呀！
返到房，又係要訓覺…明天要早起，今日真係的驚險呀！