| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 8 月 10 日 星期一  |
| 2009-08-10 |
分類: 未分類 |
今日係「少年太空人體驗營」既第３日，尋日得知Christy冇事都安心曬啦！朝早食完早餐，我地又坐旅遊巴去參觀啦！真有D唔耐煩講句：「幾時先有得玩體驗呀！」不過算啦！身為一位少年太空人，梗係要好似真正太空人咁，得到更多相關既知識，先可以參與太空任務嫁！
朝早，我地去咗國家天文台，係o係鳥巢附近既，不過最後都係冇入鳥巢，有少少失望啦！不過…我地唔係觀光團，而係「太空訓練」呀！所以梗係冇得玩啦！
係國家天文台到睇到好多有關探月既資料，真係大開眼界呀！好快就會有中國月球車登日，好期待呀！仲睇咗好多月球既相，最後，仲有睇返月球成個月面地圖添，好Happy呀！
參觀完國家天文台，我地就去上堂，不過唔返航天教室，係去天文台附近既一個演講廳，課程內容係有關「宇宙之謎」，為我地講課既係中國科院國家天文台博士生導師──李競教授，佢講既題目係ET外星人在那裏？其實一直以黎，我都好有興趣有關外星人既事，因為好有神秘感，我成日心諗，有地球人冇可能冇外星人「因為地球人係火影人既心目中，咪一樣係外星人，所以我認為一定有外星人既，只係機玄巧合之下，我地見唔到姐，而李競教授都話：「至今尚無具有科學驗證確切既答案，但係點解科學家會繼續去研究？係因為有個科學理念：生命的起源和演化係宇宙中既一個普遍現象，而係宇宙中凡具有生命誕生同埋繁衍所需的條件和環境既天體上，都會出現生命，所以科學相信可能有地外生命，可能有外星人…暫時講到呢到先，其實仲有好多好多，不過如果大家想知道更有關星人ET既野，可以上http://setiathome.bakeley.edu睇下，又或者同李競教授E-mail啦！
我返到hotel，Maggie仲未到，冇房入sad，不過教官好好人，想比佢張飯票我，我點好意思收！
到咗下午，就真正開始受訓體驗了！首先我地去學整火箭，不過更係要聽下，發射原理呀，基本結構呀，等等既野，再嘗試分組整，我去返月組，月組呢，又再分男仔組同女仔組，之後就開工啦！整咗一陣，又要stop，要去下個訓練場地，真係煩呀！不算呢句說話要當去第二個訓練場就要收返，因為我係去緊學習著太空衣呀！雖然唔係「飛天號」船外太空衣，只係「神舟號」船既太空衣，但已經好開心啦！因為真係好難得，嫁仲要係神七，三位太空人所著過既，而我著果件，唔知係咪神七航天英雄習志剛所著既呢！如果係就好啦！因礻咁咪代表我將來可以好似佢咁叻囉！不過真係唔知啦！唔知好過知啦！如果知道現實同理想唔同既時待，就一定好失望，所以為免自己失望，就唔好問啦！（但絕對唔係科學神呀！）我知= =”不過都係令自己既心理狀況好D既方法姐！心理素質好，壞，係成為航天員既重要條件呀！係未？
能夠著住重10kg既艙內航天服，感覺好興奮呀！原來太空人係太空到，要係5分鐘之內，著好成件艙內航天服，返黎地球，如果唔係就好容易發生危，險做太空人真係唔容易呀！不過我要多加努力啦！
著完太空衣，我地就返去航天教室，繼續整火箭，快手快腳，拿拿淋搞掂枝火箭，就可以影相相啦！弊！ｄ貼紙黏錯位，搞到「伴我小衛星」冇「太陽能板」添，唉∼失敗乃成功之母，加油啦！到咗全組A組都okay咗之後，我地就可以同我地既制成品影相啦！（其實只係模型姐，做乜咁Happy）因為好難嘛！
等其他組都okay之後，我地就接受「火箭發射任務」去到一個發射場（其實係草地足球場＿，我地A組先發射，聽教官發號司令「10、9、8、7、6、5、4、3、2、1，發射！起飛！」按制起飛之後，枝火箭飛得好高，不過呢…偏咗，最後跌咗落棵樹到，好o咀囉。之後呢，Bernice就喊曬口，要返枝火箭，（But係棵tree上面，點攞呀！）我知，之後我地個教官就叫我地返去集合，唔準望後面，原來佢係想幫我地執呀！好man呀！
好唔容易完成咗今日既課程，不過好Happy呀！因為火箭經過拯救後，凱旋歸來呀！到咗夜晚，就Happy啦！不過呢好緊張呀！Why？因為可以見偶像，回復小Fans本色呀！
未同航天員聯歡前，要去Fessica度練習一次，我地要表演既歌──《衝天巨龍》，要介紹返呢首歌先，原曲係《風雨彩虹，鏗鏘玫瑰》，經過改詞之後變成一首同太空夢想有關既歌！由於要練習，到咗走果陣，唔記得拎「航天筆記」比航天員簽名，真失敗，不過我之後都問人借咗張紙黎搵航天員簽名…
係我地未表演之前，我地除咗睇人地表演之外，仲去搵ｄ航天員攞簽名…咁我呢，就同咗楊利偉，習志剛佢地影相啦…好難忘呀！之後呢就黎到我地表演之前，我地又影一ｄ好鬼馬既相，有ｄ白痴XD，不過真心呀！
到咗我地表演啦！本來之前練習得3男3女 + 1個小提琴手，之後無啦啦出咗20個，真係呀！有冇搞錯，不過算啦！開心咪得囉XD係咪？我地唱出《衝天巨龍》，幻想緊自己就好似係巨龍咁，一飛衝天，真係有ｄ忘我呀！不過最後都回復現實，唱完一首咁激昂既歌，我地就返去坐位，再睇表，演不過其實係我地既簽名大動呀！加油！
晚會一完，有ｄ航天員已經急急腳走，好彩，航天英雄楊利偉未走姐…乲後我地仲同佢黎張合照呀！哈哈！聖母係我地既攝影師，冇得入鏡，哈哈哈！
之後就返屋企，呀唔係！係方房呀！But Today is so happy呀！返到房先知，我都攞齊六位航天員既簽名呀！真係好開心呀！明天繼續加油呀！
|
|
