比人話我日記太長太尋太多廢話，搞到佢冇心機睇，我超！！ＸＤ咁就超左架８６嘞。
我打日記都係想記低啲事，記低啲感覺，第時睇返啫，而依家得閒，梗係記得乜都打哂落黎啦。
之前十九年，有過幾咁開心，幾咁激動過既時光，依家都只剩模糊既輪廓喺腦入面，唔得咁。
即使冇意義，都要記低開心過既事。

話說喺ｗｉｌｆｒｅｄ張床度訓得勁唔好既下，訓得三個零鐘已經自然醒ＸＤ
醒時都覺得唔掂架嘞，跟住聞到阿ｗｉｌ煮咖啡啲味，嘩，煎熬，個胃在翻騰。
上次都係飲四支，都唔見咁唔舒服，今次訓醒先係咁凝住想嘔，但又冇嘢好嘔。
辛苦，呻吟下都比人冷嘲熱諷插科打諢，咩世界。
唔該哂家家碗麵同ｖａ姐杯蔘茶呀下，但我食落真係味同嚼蠟，嘥左啲嘢添真係唔好意思。
跟住佢哋去畫畫，我就又走去訓，妄想會舒服少少。
點知起身嘞都仍然係咁，飲左杯凍左既蔘茶，同返屋企飲杯奶，咦舒服左，唔通心理作用。
第時知道要劈酒，帶定支奶去。

嘩聽日去Ｃｈａｒｌｏｔｔｅ果度唔知邊度玩呀下，但一個二個出哂狀況，阿瓊阿欣又唔去，已經冇乜興緻。
之前仲幾期待既，依家咁。反正咩都唔會如我所願，希望月大失望月大，我既心態變為去勁玩機動，自己開心過算好啲。

返到屋企ｈｅａ左陣，睇殘叮，爆炸猛男真係冇得頂，超騎呢呀下，但點夠刀郎砌吖。
睇康熙，講結婚．．．我諗以我性格，如果所有條件允許，我會係想結果個，時下年青人咁諗法，我思想都幾封閉。

跟住我哥興沖沖咁想執屋，ｓｕｍｍｅｒ搬屋就是好在這。慢慢開始執都得，但真係幾慢。
執書櫃，揾到好多嘢睇，一睇就停唔到咁，好懷念，這些所有都是我經歷過的。
其實唔鍾意搬，我性格係安於逸樂，要改變，要「格式化」，我會抗拒。
但都好既，到時有自己間房。不過其實同我哥同房係完全冇問題，呢樣嘢好多好過人。
煩哪，電腦枱ｘ２，床ｘ２，都係要拆完拎去再砌的，一屋雜七亂八的東西，見到已經提不起勁了。

呃，聽日五點就集合走人，早啲訓好。

嘩我仲好清醒播，可能酒醒。

嗱首先晏畫訓到成四點ＸＤ因為朝早好有興緻同戴寶玩ｇａｍｅ，成八點幾先意外地訓着左，本來仲諗住唔訓算添。

跟住就睇ＡＶ．．．ＸＤ家家極力推薦。阿ｐｈｉｌ朝早走黎時聽到ＡＶ以為真係ＡＶ，哈佢反應好笑。其實唔係好知套戲想講乜，點解好似要強調釣魚台ＸＤ

ＸＤＤＤＤＤＤ我啱啱ｍｓｎ竟然同人搭錯線，唔通真係有啲醉。

講返ＡＶ，情節有點扯，有啲唔合情理，對話唔多流暢咁啦，有啲位幾好笑，個舅父亦蠻好笑ＸＤｕ　ｆｘｘｋｉｎｇ　ｐｏｏｒ　ｇｅｎｅｒａｔｉｏｎ！！ｕ　ｕｐｓｅｔ　ｈｋ　ｐｅｏｐｌｅ！！ａｎｄ　ｄａ　ｈｋ　ｕｎｃｌｅＸＤ仲有句好笑，咩ａｌｌ　ｕ　ｗａｎｔ　ｉｓ　ｎｕｄｉｔｙ，ｓｅｘｕａｌｉｔｙ，ｓｅｘ　ａｎｄ　ｔｈｅ　ｃｉｔｙ！！ＸＤ但話時話以ｓｅｘ黎做ｔｈｅｍｅ既戲而又咁多ｃａｓｔ，都幾難得。

跟住都冇咩做ｈｅａ左陣，係有兩通陳淙程小姐來電我幾開心囉ＸＤ同佢喺電話嗲左幾句喎，竟然。吖，阿Ｂ出巡，ｖａ姐唔嗌埋我，淨嗌左家家，唔制！我恨！恨一世呀！ＸＤ到十點零果時交還阿Ｂ果時車埋我去，見左佢一陣。點解阿Ｂ咁跟家家而唔跟我架．．．Ｔ口Ｔ阿Ｂ唔要我，有啲受打擊添。跟住就去ｖａ姐度玩ｌｕ，姑媽就返，機會唔多架嘞。途中家家好難得咁請我哋食雪糕播竟然，佢自己又食，多謝你還多謝你，不過都係果句，肥死你呀。返到去，我哥拎左盒蒸魚飯比ｖａ姐食，而我就喺度打打左好多次都打唔過果關ｇｈｏｓｔ　ｏｆ　ｒａｚｇｉｚ嘞，仍然係打唔過既。過冇耐阿ｗｉｌ都返ｌｕ，嘩原黎有好值得慶祝既嘢呀下ＸＤ亦都係好藉口去癲。買左成三打酒，飲唔哂。跟住就開始嘞，飲係主，麻雀係輔。成晚就係個個發下癲咁啫，冇咩。佢哋話我醉，因為我做啲嘢平時唔會做ＸＤ都唔係架，我不知幾清醒架都，可能我平時太拘束自己啦。其實好想試下爛醉如泥，神智不清，記憶都冇哂咁樣樣醉，一醉解千愁！ＸＤ哎其實有啲唔開心，始終開脫唔到自己，我係咁架嘞我唉。酒過三巡，ｏｒ三樽，家家就劏左嘞ＸＤ第一次，咁就獻左比阿ｗｉｌ。佢真係好唔飲得播原黎，喺ｈｋ時小心好呀，咪比人灌醉溶左都唔知乜事。好快兩三點大伙就沒啥勁兒了，我仲想飲架如果佢哋仲繼續玩，飲得四枝啫。我想要珍惜呢個美好時光，但心中既鬱悶係咩回事呢．．．

依家個個都冧哂ｌｕ，我ｍｓｎ同人吹水吹左好耐，都係時候訓，時六點零二分ａｍ。

尾二一次去整牙，嘩係咪上顎整會痛啲架呢，麻醉針打左唔知幾支，ｎ個針口，連個鼻都有一邊冇左知覺，好彩人有兩個鼻哥窿架嘖，但係！整果時竟然仲識痛，嘩救命，真係多行不義。

整時痛，整完嘞，乜事都冇喎，上次明明流血流到叭叭聲格，好事。我媽琴日就煲定粥ｌｕ，食慣左，幾鍾意，因為唔使咬乜滯，啱哂我呢啲輕度殘廢，呢個時候就好掛住香港啲油炸鬼嘞，有冇人識ＤＩＹ呢下。以前喺隔離名都就有間海皇粥店，去食艇仔粥呀炸兩甚麼的，好方便，但依家就冇ｌｕ，海皇粥店做到黎美國咪好囉。有得食果時就唔會覺得點，到失去左嘞，先至會掛念，先至會後悔當初唔好好珍惜。呢個道理仲旱過撒哈拉，但真正明白，會真係識得珍惜現在既人又有幾多呢。

晏畫就睇ｐｒｉｄｅ，有啲失望，我ｅｘｐｅｃｔ既係一套熱血運動日劇架嘛，講ｈｏｃｋｅｙ點精彩法，講木村點樣拯救隊球隊之類架嘛，但睇左好幾集，ｈｏｃｋｅｙ完全淪為襯托品咁，臨做完先有一兩分鐘畫面咁，未睇ｈ２，如果一樣係掛運動頭賣戀愛肉，安達充在天之靈係唔會安息架．．．咦唔係，安達充未死既。失望還失望，但ｐｒｉｄｅ都睇得落，睇ｃａｓｔ囉，可能我睇開運動漫畫既方式啦，咁心態去睇日劇唔好掛。呃．．．睇多幾集可能會多啲返番去主題掛。

康熙今天又有大明星來了，歡迎黃秋生先生。咦原黎佢做拓海老豆，套頭文字Ｄ都幾值得期待播，但又希望佢唔好掛車頭賣ｊａｙ肉啦，如果到時有鬥車畫面，個ｃａｍ一直ｔａｋｅ住阿ｊａｙ表情，都唔影下鬥成點，架車飄成點，都幾納悶，阿ｐｈｉｌ嬲到除褲都似。唔知幾時上畫，到時可能又會亂捉ＢＴ　ｌｕ，呵。

玩ａｃｅ　ｃｏｍｂａｔ啦成晚就．．．玩到ｃｈｏｐｐｅｒ死左呀！！嘩我完全冇心理準備劇情會咁走向既，換左個黑鬼，叫ｓｎｏｗ，汗，當堂冇乜心機玩添。我玩空戰時倒冇咁投入，係鍾意睇古仔嘖。

返上黎，同阿ｐｈｉｌ玩ｐｏｏｌ，竟然比我贏左兩鋪，真係羞家唔羞家ＸＤ

勁玩ａｃｅ　ｃｏｍｂａｔ　５，嘩好有電影感，幾好玩，係有時我玩得唔掂，同埋有啲ｍｉｓｓｉｏｎ悶左少少嘖。

今日冇乜嘢做過。我就因為冇嘢做先打日記，咁但冇嘢做過所以日記冇嘢打，咁．．．咁係咪應該喺日記度打我今日打日記，咁我日記內容就係我打日記，打左篇日記入面記我打左日記，咦喂．．．

哎，悶到咁，都幾可悲。