今日湊阿Ｂ湊左成個晏晝，大滿足。十一點零我ｖａ表姐就打黎話走得ｌｕ，我仲混混沌沌。走，同阿Ｂ去左Ｈｅｒｍａｎ　Ｐａｒｋ玩，哈哈，好耐冇黎，我想打韆鞦，但要睇住阿Ｂ，冇打過添唉。仲有Ｓｉｒ滑梯，搖搖板，騎馬仔，擒上擒落，阿Ｂ玩到唔想走，而我過左充滿童真既幾十分鐘ＸＤ玩搖搖板，原黎ｖａ姐＋阿Ｂ＝我播，ｖａ姐驚奇，嘩，我話哂都男仔，有一定重量架播。阿Ｂ開心到個樣勁得意呀下，人真係要保持童心，咦好似聽Ｅｉｎｓｔｅｉｎ都講過類似既嘢。

拉左阿Ｂ走，今日勁熱，又餓又熱咁去左麥記。去ＰｌａｙＰｌａｃｅ隔離張枱食，哎冷氣冇咁涼。咦見到阿Ｍｉｋｅ喎，即係同黑仔打交果個黑鬼ＸＤ噓寒左幾句。唔知係咪耐冇食，覺得好好味，但麥記啲ｆｒｉｅｓ真係十年如一日呀。食完嘢阿Ｂ拉左我去ＰｌａｙＰｌａｃｅ，嘩幾時同你咁熟架ＸＤ一陣就扮哂ｆｒｄ咁，我係拐子佬點算。阿Ｂ又係玩到好開心，真係易滿足，我都係咁就好嘞。

跟住返屋企ｌｕ，阿Ｂ一入屋就揾姨ｐａｕｌ。換完衫佢又比我杯甜茶淋濕哂，又換。跟住喺度玩被玩枕頭，播龍貓，睇一陣就厭，播ｔｈｘｇｉｖｉｎｇ既帶，都厭，跟ｖａ姐上樓上出鏡，比人擺上日記，睇我果日飲貓左既ｖｉｄｅｏ（我指住家家教阿Ｂ講八婆，佢真係講哈．．．希望阿Ｂ記得；跟住睇我個樣又係係幾貓喎哎ＸＤ不過起碼記憶好清晰）之後落返去一路飲橙汁就一路訓左ｌｕ。我帶左ｇａｍｅ黎，打機，冇既話就我都訓。冇耐ｖａ姐話要摷醒佢，我又去，佢醒果陣見到我，就又依起排牙笑嘞ＸＤ嘩ｋａｗａｉｉ到呢我啲父愛又出哂黎。嘩唔係ｌｏｌｉｃｏｎ！ＸＤＤＤ唔好誤會。同佢又玩左好耐，真係比佢牽鼻子走，通屋走，擒上擒落，摷哂啲玩具出黎，嘩湊你真係好嘥體力。阿Ｂ啦我走黎走去期間佢卒之肯嗌我達仔嘞，果然冇啲外人喺度阻頭阻勢阿Ｂ先冇咁怕羞既ＸＤ嗱講笑，咪又有人黎鬧我。最後唔知五六點就走ｌｕ。

返到屋企：

• 睇康熙，潘美辰好靚仔ＸＤ唔知係咪ｌｅｓ架呢。嘩連我媽都識佢，真係睇唔出佢係果年代既人。
• 阿ｌｉｚ　ｏｎ９，話佢去完ｏｒｉｅｎｔａｔｉｏｎ返黎嘞＠＠’仲話我知要七月尾先再有ｌｕ，嚇窒左我。呃．．．其實我好唔想面對。
• ｖａ姐話姑媽話聽日唔使湊阿Ｂ　ｌｕ．．．
• 想訓，阿欣又話玩ｃｈｅｃｋｅｒｓ．．．係咁諗，使唔使咁認真，等我話玩，輪到我ｔｕｒｎ時走去訓先得ＸＤ

悶到勁玩ｍｓｎ啲ｇａｍｅｓ，ｈｅｘｉｃ卒之過左ｖａ姐ｒｅｃｏｒｄ嘞！玩ｃｈｅｃｋｅｒｓ，隻ｇａｍｅ好搞笑播，到最後咁易ｔｉｅ，咁唔完善架，定係我哋玩得咋呢，同阿欣玩，最後我嫌悶自己放棄，跟住佢就好開心嘞。嘩佢得戚到吖，唔記得哂琴日連輸三鋪踩地雷比我。我都幾憎佢咁態度ＸＤ贏左就話係勁，輸左就話係唔好彩．．．我記得我贏果時絕對冇囂張過，仲好謙虛，話其實係運氣添。

我覺得，做人唔可以咁。喺唔同情況下就講唔同既嘢，見風轉舵，見人講人話見鬼講鬼話等等呢啲都係虛偽既行為。但係亦係人性一部分黎．．．我希望自己盡量唔好會咁。

嗱依家絕對唔係針對阿欣而言既ＸＤ阿欣你見到既話唔好火。不過我寫得多你都冇心機睇架啦．．．「因打日記而激嬲人繼而罵戰」呢成日有，我開張唔夠幾日都發生過。人寫日記，大多傾向以對自己誠實既態度寫。坦率都可以係錯，誠實都可以得罪人的話，咁虛偽好似就係解決到問題既方法？虛偽當然係錯，但亦都係人性，係歷練，係手腕，係社交工具，人人表面上唾罵虛偽既人，但同時都做緊同樣既嘢．．．呢個社會根本係矛盾既，或者人類被賜予智慧根本係錯。萬物喺大自然法則下保持到完美既平衡，唯獨係人類既出現推翻所有嘢．．．人類、文明不斷進化，而進化既盡頭就係滅亡，唔知喺我有生之年會唔會見到世界末日呢。

咦，我都幾吹得水播。今日呢仲教左ｖａ姐好耐數，其實呢啲嘢好需要練習，我天資其實唔係好架，如果唔係中四時讀左年ｃｅｒｔ　ｌｅｖｅｌ　ｍａｔｈ日日做數做到我叫苦連天，我自己喺度都會ｓｔｒｕｇｇｌｅ。諗一諗，其實我讀到鄧顯唔可以話係好事。我咁性格橫掂都難成大器架嘞，仲要逼自己死讀書，搞到中學生活咁辛苦，無謂。全心讀書係ｓｏｃｉａｌ　ｓｕｉｃｉｄｅ也，特別係中三計成績分班時，簡直瀕臨自閉邊緣。若果我讀書壓力少啲，我諗我會比較識同人相處。呃．．．我既人生路究竟點走呢。

嘩，停，吹水都要有個限度，亂ｕｐ都要適可而止的。

沒有康熙的日子總覺得少了點甚麼．．．ＸＤ
有人有這本書的網上版嘛？？犯法的事總有人做的．．．

家家生日播，呵，祝佢老當益壯，月黎月壯。梁家用左「一個ｐａｒｔｙ，三個屋企人用」既生日優惠計劃，文玉聽日生，阿澄下禮拜生，一齊搞。都祝哂佢哋生日快樂先，正如文玉所講呢生日係一個要感謝阿媽既日子黎既，因為生仔睇起黎真係好痛。女既可以唔使咁感因為都有機會要受呢種苦，男既呢就一定要好鬼死感嘞！尤其是阿ｐｈｉｌ果啲，要對阿媽好啲呀。

一覺訓醒呢都一點零ｌｕ，訓左六個鐘，咦我哥成晚都冇返架喎可以。過冇耐家家就問我哋幾點黎，咦ｅｖａ原黎要温書做功課唔去，有啲溝通不足添。跟住叫左我哥，去ｐｉｅｒ　１　ｉｍｐｏｒｔ度揀禮物，皆因我唔知送乜比佢，佢自己揀算。冇誠意係冇誠意左啲，但鬼叫我唔瞭解人，唔知人鍾意乜咩。行行行，照梁穎家講呢就係「我唔鋸到你一頸血我唔叫梁穎家！」到最後家家揀左一個風鈴，一包香；原黎佢鍾意呢隻味，等我逢初一十五都燒呢隻比你先下。跟住又去左ｍｉｃｈａｅｌ’ｓ度行，睇左好耐，但乜都冇買，埋單都係用左廿蚊唔夠啫ＸＤ我比得起有餘播！定係原黎你叫梁詠嘉，哈。呃，多謝女俠手下留情ＸＤ

跟住返屋企拎左部ｐｓ２，去ｗａｌｍａｒｔ買士多啤梨同汽水，就去家家屋企ｌｕ。佢哋整好多嘢食．．．家家你知唔知自己好幸福架ＸＤ你爸媽對你幾好。到咁上下，阿ｐｈｉｌ，ｈｅｂｅ，阿立阿瓊阿欣，同ｅｖａ都黎左ｌｕ。打牌，玩ｕｎｏ，阿立唔止唔識玩咁簡單，仲要成日自作聰明ＸＤ好笑。跟住開餐ｌｕ，我哋唱左三次生日歌呀救命ＸＤ阿澄文玉真係ｓｗｅｅｔ到爆。吹完蠟燭，食嘢嘞，真係淨係食，異常地靜。個個食之餘都有啲尷尬ＸＤ可能係因為少左啲傑仔之類既ｇａｒｒｕｌｏｕｓ人仕，在席各位都唔係啲主持大局既角色啦；又可能係我哋呢一班人喺梁家呢個地方做緊開餐既動作，組合之下，唔慣啦。個個喺度揾話題既同時，我就成為左犠牲品嘞，叫我講嘢喎，我不嬲唔多嘢講架啦咁情況，跟住成班人玩「望我」，阿ｐｈｉｌ又趁機搏亂，變態架咩ＸＤ原黎社會上有咁多精神病患者。人果然唔悶得，悶就會癲架嘞。跟住玩「篤我」、「震我」諸如此類玩左好耐，搞到文玉以為我有被虐狂傾向，汗。但隨後佢哋又攤哂喺度，點解會冇乜玩既動力架唉ＸＤ果然群龍無首。好不容易文玉黎一齊玩ｂｏｏｍ　ｂａ　ｗａ，玩到好ｈｉｇｈ－我自己ｈｉｇｈ，哈。輸左個罰清咁啲嘢食佢，文玉果然身經百戰，好似冇輸過。我係幾ｓｌｏｗ，但實冇阿瓊咁ｓｌｏｗ架，幾好笑。跟住玩非洲話事啤，我連中兩元耶真係黑仔，佢哋仲要加到個杯滿哂，冇人性的。但好快又意興闌珊咁嘞，喺度睇護苗。家家忍受唔住嘞叫打牌，打左三圈，我食左兩次喎ＸＤ雖然第二次係阿瓊玩到冇心機出充比我，但我第一鋪食左佢哋話唔知成十幾番。跟住就走人ｌｕ，返屋企。

十八歲嘞，卒之長大成人嘞，係呀，你之前做左十七年都唔係人黎架，你咪串你爸。我諗以後都唔會有機會再喺梁家開ｐａｒｔｙ架嘞，今日呢，對於個自閉仔好少可出黎玩既我黎講都算好開心架嘞，但對於個見慣大場面既家家黎講就實好悶啦，但都叫做笑過，唔，好，再一次，生日快樂呀喂ＸＤ