竟然同人嗌交嗌左成晚，於我黎講，幾難得＝口＝；所以精神力透支之餘，有少少新鮮刺激ＸＤ

但呢件事，都有ｍｏｒａｌ的。當然就係禍從口出啦ＸＤ所以以後說話牽涉到人哋，一定要ｍａｋｅ　ｓｕｒｅ人哋唔ｍｉｎｄ。但有時候好難避免．．．我既標準係假設自己係聽果個，會唔會唔鍾意人哋咁講，唔會，我先會打出黎。「己所不欲，勿施於人」嘛，我好細個就學啦。但好明顯，我並冇自己想像中暸解人咁多。

而我第二下覺得好ｉｍｐｒｅｓｓｅｄ既，係家家對呢樣嘢既堅持。執着到呢．．．咦，真係有少少藝術家既脾氣播ＸＤ呃，佢講左一句我好深刻：「你自己覺得你唯一會掂, 同你下半世有關既野, 俾人有冇意踩一踩, 你反應一定唔會少囉。」

我諗一諗，真係如受雷亟。關於我自己既將來，希望可以揾到一份ｍｅｄｉｃａｌ　ｆｉｅｌｄ既工作。如果有人突然間同我講，我ｓｃｉｅｎｃｅ其實好唔掂，我都會受打擊。因為我ｓｃｉｅｎｃｅ唔掂，一直係自己懷疑緊既嘢＠＠’可能係中學既學習經歷太差，所以有陰影。雖然我讀理科，但唯一值得提下既，係我中文成績唔錯ＸＤ仲記得果陣時，好鍾意喺ｔｅｓｔ完ｅｘａｍ完派卷時同班同學計ａｖｅｒａｇｅ自己排ｒａｎｋｉｎｇ。如果派剩中文，就算我暫時ａｖｅｒａｇｅ低過佢哋，佢哋都會覺得我仲算係有威脅性既ＸＤ而其他英文呀數呀理科果啲，真係拍馬都追唔上戴寶呀衞哥佢哋。而我對中文既果種微不足道，小小小小小既自負，亦都喺分班後比一個葉佩潔葉小姐輕易摧毀ＸＤ點解會有人文科理科都咁勁！！ＸＤ喺鄧顯讀，真係好易會自卑。

好嘞，過到黎美國，初頭唯一掂既，得ｍａｔｈ，而且仲冇ｓｃｉｅｎｃｅ讀，話我已經讀過＝口＝；我ｍａｔｈ夠讀過啦，你唔計我咋嘛。啲ｅａｒｔｈ　ｓｃｉｅｎｃｅ，ｃｉｖｉｃｓ，爆無聊！！而ｍａｔｈ掂真係假象，讀到ｈｉ　ｓｃｈ盡，都係到Ｃａｌｃｕｌｕｓ　ＡＢ，對比香港，真係門檻不入。佢哋ｐｍ讀啲ＭＩ呀，ｍａｔｒｉｘ果啲，我諗唔知深幾多倍。美國啲ｍａｔｈ唔知點解起步遲，行得慢，但啲大學又可以咁勁，喺度ｈｉ　ｓｃｈ　ｍａｔｈ勁＝ｎｔｈ。而ｓｃｉｅｎｃｅ，我唔知比起香港點，但我讀得好卒苦ＸＤ我好驚，自己係咪真係冇天資，上到ｃｏｌｌｅｇｅ唔知點死，究竟自己有冇資格做想做既嘢．．．而且我喺呢度都唔掂既話，仲使諗同香港既比？

思前想後，驚覺自己點中家家死穴，我只係無心戲言架咋，喺度再次表達我既歉意。

畢竟我社交圈子細，朋友唔多，會無聊到咁樣陪我玩既，我諗得你架咋ＸＤ所以我會好珍惜你架，我自問對你一直都一片好心ＸＤ點會無啦啦踩你，中傷你，搞到你唔開心呢．．．如果為呢件事搞到彼此心中有刺，我會好失落ＸＤ我知道你唔會介意冇咁我呢個朋友，但我絕對唔係囉，笑一個吧∼ＸＤ

呃，悼念六四。去世者，安息吧。

同家家嘈左好耐，我對佢ｘａｎｇａ既意見好似真係激嬲左佢播。

佢講，咁介意係因為自己對呢范係真係唯一對自己有自信既嘢，或者下半生會靠呢樣嘢揾飯食．．．而我咁樣樣踐踏於呢樣嘢之上，好打擊佢。

的確我冇深思熟慮過就打左篇日記，若果因為入面任何一句令你唔高興，我點都可以ｄｅｌ左佢算囉。

我要你明白．．．我絕對唔係有惡意咁講。好對唔住。

－－－－－－－－－－－－ＩＭＰＯＲＴＡＮＴ－－－－－－－－－－－－
－－－－－－－－－－－－ＭＵＳＴ　ＲＥＡＤ－－－－－－－－－－－－

4e今日fax左封email黎話好重要, 我媽嗌我盡量通知所有朋友.

內容大概係...

當你收到電話或email, 話你屋企人or親戚有什麼事
入左醫院又好, 撞車又好...比人拉左, 又或者係中左唔知個幾百萬prize都好
嗌你打個電話查訊, 而個電話既area code係
８０９，２８４，８７６
你千其唔好打, 係千其千其唔好打
後果係你會無啦啦比人收左二千四百大元一分鐘既電話費

－－－－－－－－－－－－ＩＭＰＯＲＴＡＮＴ－－－－－－－－－－－－
－－－－－－－－－－－－ＭＵＳＴ　ＲＥＡＤ－－－－－－－－－－－－

好的，我承認我生活太苦悶，要寫下日記解悶。但其實我想寫好耐架嘞，睇住啲ｆｒｄ既日記，偶爾會很有感受。

我一直都係個悲觀，消極既人，即使發生過好多開心既事（再即使淨係得我覺得開心），我好快會唔記得；反而唔好既，傷心既事，一直藏於心底，所以我想好好地記一下自己覺得開心既事。

而另一個目的呢，我好想將我出得街既心事寫出黎，自己宣洩一下都好，比人暸解下我都好啦。

我發覺我一直都冇乜渠道比我宣洩一下煩惱，嗱我信得過既會傾心事既人，例如ｖａ表姐，都會有自己既事，唔得閒理我啦，（好似呢排佢就好煩ｃｏｌｌｅｇｅ啲嘢，在此為她打氣 ）我貿貿然走去同人講，有時都唔知點開口。又唔似得人哋可以同家人溝通得咁好，可以講心事，例如阿ｃａｒｏｌ同佢姊妹媽子，阿瓊同阿欣咁．．．

比着我如果心血來潮我哥講心事，我諗佢既反應會係愕然 ＋噁心 。就朋友既ｓｃａｌｅ，我會將我哥歸類為「唔投緣既酒肉朋友」ＸＤ事關同佢既話題，不外乎吃喝玩樂，最多還有學業之類的吧，全是很ｍａｔｅｒｉａｌ，很ｒｅａｌｉｓｔｉｃ的，根本沒有ｓｐｉｒｉｔｕａｌ一點的對話。可是我珍惜佢，始終一世人兩兄弟嘛，雖然偶然會鬧交，但係我無法想像如果我係獨仔我會點。呃，硬要說，我肯定係欠佢既，應該心懷感激之心呢．．．我同佢關係都算係咁架嘞，起碼我唔會好似家家咁覺得自己個哥「唔理」過我啦。呃呃，心入面點諗一回事，會唔會表現出黎係另一回事，我諗我呢個人到死果刻都唔會對屋企人講出心底話。好似頭先我哥放工，我就反射性咁ｍｉｎ左個ｗｉｎｄｏｗ 。我冚家都係硬性子的人呢，這跟我爸媽個性都有關。講個「旱」啲既比喻，就係刺蝟。即使幾想傳達體內既温暖，身上既刺總是令彼此受傷。十幾年黎如是，將來都會如是。

算，回到正題．．．咦哪來的正題 。呀，這日記，係見到阿ｖａ表姐果個我先申請既。好似唔錯，我偷睇茄豪個ｘａｎｇａ，簡單得黎，比到人好舒服既感覺，或者同內容有關，希望我個日記都可以比到人果度感覺。唔似得某位姓梁叫穎家人仕既ｘａｎｇａ．．．整到花碌碌，作為一個ｗｅｂｓｉｔｅ，靚就靚，但已經冇乜日記既味道啦ＸＤ佢仲好ｐｒｏｕｄ　ｏｆ自己個ｘａｎｇａ咁．．．靜靜雞：成日話阿ｐｈｉｌ鍾意車係糼稚，你都唔差啦！！ＸＤ真係ｎａｉｖｅ！！ＸＤＤＤ他是特首！！我不支持他支持誰呀！！

黎得頻的，ｒｅ多啲ｐｌｙ啦，唔該