今天實在沒甚麼做過。

食左個杯麵，唔好話酒醒，簡直啲精神返哂黎ＸＤ
我冇醉！！！ＸＤ我清醒到不得了！！ＸＤ

呃，阿ｗｉｌ，頭先佢ｏｎ９。第一次ｍｓｎ　ｓｅｎｄ　ｍｓｇ比我ＸＤ姑且當佢唔係飲太醉搭錯線啦（佢飲左半打都有），我都幾開心。佢肯再重出江湖，唔再ｓｔｒｅｓｓ自己ｔｏｏ　ｍｕｃｈ，絕對係好事。佢肯打開自己，我當然好樂意可以同佢溝通下啦ＸＤ

今日呢．．．等我諗下做左啲乜，ｈｅａ囉，但就睇左ａｎｎａ　ｓｕｉ果集真情指數嘞。嘩，個姨姨好大來頭呀ＸＤ以兒時一直以黎既夢想，同埋自己既天份，白手興家，成為一個ｇｌｏｂａｌ　ｄｅｓｉｇｎｅｒ，家家真係要學嘢啦。即使我對ｆａｓｈｉｏｎ完全唔感冒，但ａｎｎａ　ｓｕｉ既故事仍然比到我啟發。佢有夢想，堅持自己既夢想，不屈不撓，即使幾咁旱，我依然覺得佢既古仔好有教育意義。

四點零，我哥都未出現去車家家返工播ＸＤ我哥真係冇黎踏圾。見到ｃａｒｏｌ　ｏｎ９，先知原黎佢喺ｃａｒｏｌ度整電腦．．．以我所知，佢應該四點就車到家家返工，四點半車我媽放工，同埋四點半要去返工的ＸＤ但佢一樣都唔記得．．．

到夜晚，ｖａ姐想揾我哋打牌ＸＤ揾着我呢個麻雀殘障，都真係幾冇腳。九點零就黎左接我，去接埋家家放工，時間尚早，去玩．．．唔係，係去揾阿Ｂ。阿Ｂ今晚超得意ＸＤ成鬼日依起排牙對住我笑，我啲父愛出哂黎呀下，雖則唔肯比我抱，但就成日撩我，分明欲拒還迎咁樣樣ＸＤ哎吔咪怕羞啦，玩左陣快樂不知時日過就走左ｌｕ。呀．．．搞到我真係好想生返個。

到ｖａ姐屋企，都就十一點ｌｕ，但我哥，阿Ｗｉｌ，同阿君都仲未黎。喺度ｈｅａ，家家又沉醉喺自己既世界入面嘞。十一點零佢哋就拎左好多酒返黎ＸＤ跟住家家成日想佔我Ｗｉｌ表哥便宜，你你你．．．咪咁好男色啦！！ＸＤ好，打牌，阿Ｗｉｌ，阿君，我，家家。ｖａ姐同我哥做左我臥龍雛鳳，但都係一鋪都食唔到播，見佢哋攞酒飲，我又攞，因為好甜，冇乜酒味，唔排斥；啤酒就咪搞我嘞。佢哋個個好似好想睇我醉，因為我第一次自己攞黎飲，仲成支隊添。期間阿Ｗｉｌ又好ｈｉｇｈ，ＸＸ既力量果然偉大。飲左兩支倒啦，家家等唔切我醉就走左ｌｕＸＤｖａ姐車完佢返黎我飲緊第三枝，跟住我哋四五個清鬼哂啲酒，我攞埋最後一支嘞。而我全晚竟然食到一鋪餬喎ＸＤ呃，已經好過自稱勁左既家家架嘞。嘩我直情當啲酒果汁，青蘋，芒果，係想試埋桃嘖。家家明明話佢果次飲一支就ｗｉｎｇ　ｗｉｎｇ哋格，我第一次飲，飲左四支都冇事播ＸＤ依家四點幾ａｍ，仲打得出一篇咁∼有條理既日記添。佢哋話我ｇｅｎｅｓ作怪．．．哈，原黎我天賦異禀，枉家家訓練有素，我諗佢都唔夠我砌！！ＸＤ不如星期日鬥下，睇邊個會冧先。之後冇哂酒飲，我哥想去油站再買，自己出左去，去左好耐都唔返，阿Ｗｉｌ好驚佢比差佬截ＸＤ到最後佢兩手空空返黎，因為過左時間唔賣得酒ｌｕ。之後阿Ｗｉｌ同我哥好似想氹阿君落踏咁既語氣叫阿君喺度過夜算，但阿君係都要走，冇戲唱了，期間我喺度打機。到最後，臉色最白果個竟然係我，佢哋三個紅到關雲長咁ＸＤ阿二弟！！！特別係阿君，對眼紅到呢．．．套家家一句白痴但貼切既形容，係「嘩你隻眼紅到想爆咁滯！」ＸＤ咦成晚計埋我哥飲左五支啫，返到黎就攤左喺度ｌｕ，但我反而清醒左唔少。唔，都係時候訓，飲完酒，訓喺度蠻舒服的。

呃．．．其實我想醉呀。

今日爸ｏｆｆ，出Ｒａｌｅｉｇｈ搞保險啲嘢。吖我成六點先訓得着，訓左三個鐘就起身出發咁嘞，仲話要我揸車添。我混混沌沌咁就揸左上ｈｉｇｈｗａｙ嘞，差啲一車三命呀下。第一呢就係衝黃燈啦，我唔識判斷距離點為之要停點為之要衝囉，我爸我哥又ｖ哇鬼叫嘞；第二呢就係ｃｕｔ人線嘞，ｐａｓｓ人時又係唔識判斷幾多距離先安全，嚇死我哥，「你ｓｈｏｒｔ左牙！！」咁嗌ＸＤ第三又係ｃｕｔ人線，我爸叫我轉，我發夢，跟住睇都唔睇就擰呔過去，我哥又黎「睇車呀！！」ＸＤ扯恆哂黎嗌，因住失聲。而後面真係有架車好快，好彩都冇撞，哈。哎，揸得多冇事架啦。

卒之去到出面見到個陳美詩，我爸唔知點識既ＡｌｌＳｔａｔｅ　ａｇｅｎｔ。咦，後生女黎，我聽佢電話仲以為阿嬋黎架添。我諗佢一係就ＡＢＣ一係就好細個就黎左，唔識睇中文，廣東話有點兒吃力ＸＤ仲講到好多捲脷音添。吖訓左一覺我唔多記得佢個樣，但印象中都幾靚女，唔講嘢果時ＸＤＤＤＤ一講嘢呀笑呀就表情誇張呲牙咧嘴根本係個鬼妹。佢五官都唔係精緻，唔係得天獨厚果類，但係識扮靚，識藏拙，有自信，大方得體，一樣都比到人靚既感覺。美醜唔係個天決定的，我好似學到嘢ＸＤ哈，佢幾好人，不過我諗個個ａｇｅｎｔ第一次見你果時都會好人．．．搞左陣，佢話成間公司既ｃｏｍｐｕｔｅｒ　ｓｙｓｔｅｍ都ｄｏｗｎ左，之後先ｆａｘ到張嘢比我去ｔａｋｅ　ｒｏａｄ　ｔｅｓｔ。

之後去左ｃｒａｂｔｒｅｅ，因為唔遠。始終我都揀唔落手，唉，神呀救救我吧。行左陣就又上返ｈｗｙ　ｌｕ。去ｈａｒｄｅｅｓ食晏，咦喂，ｓｅｒｖｉｃｅ使唔使咁好ＸＤ唔通啲ｓａｎｄｗｉｃｈ壞左，愧疚感作崇。但都好好味。唔，食完揸返Ｓｍｉｔｈｆｉｅｌｄ又行，仍然，仍然係唔知買乜，比自己既倒是買了不少。

返到屋企就昏睡左陣，阿欣ｓｅｎｄ張相黎，Ｂｏｂｂｉ？我唔識，ｐｏｓｔ喺度唔驚掛：

ＸＤＤＤＤＤＤ點索法呀，我睇唔出，阿欣咁鍾意鬼妹，第日去到ｔｅｘａｓ溝個ｃｏｗｇｉｒｌ返黎啦。