今天係人哋國慶，ｓｃｈｅｄｕｌｅ：夜晚去ｍａｌｌ睇煙花，然後自己玩煙花。
上次玩完剩落既，我覺得夠，但ｖａ表姐就串我：「呢度，夠ｐｈｏｅｂｅ玩定阿輝玩呀？」
所以七點零八點就同佢同ｐｈｏｅｂｅ去左ｗｉｎｎ　ｄｉｘｉｅ買多啲。
返黎時，ｓｕｚｙ同ｐｈｉｌ＋佢湊緊既兩個塞豆窿都黎左。
我係咁同陳小Ｂ對打．．．好好玩ＸＤ搞極佢個頭佢都係咪起眼笑住嘴咁叫我咪搞，唔識嬲既。
入屋去嗌阿輝哥仔，點知佢發脾四唔去．．．做親拉仔既都會有細路仔脾氣的嗎ＸＤ
ｃａｒｏｌ同佢妹都喺度，跟住話行出去郵局果頭睇，點知個個都揸架車。
途中ｇａｒｙ都到左嘞，泊車時，先見阿ｗｉｌ同ｐｅｇｇｙ姐都一早到左，冇耐四姑姐，姑媽，阿Ｂ都到．．．阿Ｂ又唔認得我Ｔ︿Ｔ
等左幾耐嘞，我哥都到埋。
跟住見到啲我唔識既人．．．
等等等．．．九點個天都未黑得哂。
期間喺度吹水，幾得意呀，ｍｉｎｉ　ｇａｔｈｅｒｉｎｇ咁，
唔知幾時，卒之捨得放嘞，嘩嘩嘩．．．冇咩特別。
搶左ｅｖａ部ｃａｍ影影影，有一半以上係影個天，影個煙花飛緊未爆咁囉，佢ｓｎａｐ得太慢嘞，好難捉到時間。
ｂｏｏｍ　ｂｏｏｍ聲，嚇親阿Ｂ，所以喺第二三個煙花左右姑媽就啦佢走左嘞。
好似放左半個鐘，
同朋友一齊睇煙花，唔嫌單調的話，都算係一種幸福。
陳小Ｂ好笑：「啲煙花都唔驚既！」煙花唔係放出黎嚇你既，咁講即係你驚啦。

係咁影煙花其實係咪一個白痴行徑呢。
唔爭在白啲，ｕｐ埋上黎嘞。

睇完，佢哋話去球場，可以邊打波邊玩煙花。
我哥，ｖａ姐同ｐｈｏｅｂｅ留低等ｓｔｅｌｌａ，其餘就去左先，點知我哋去到，ｓｔｅｌｌａ都黎埋嘞，我哥佢哋就拎住煙花喺度乾等ｓｔｅｌｌａ，我就喺度乾等啲煙花．．．＝口＝’
阿ｗｉｌ買左酒黎．．．不過唔多。
好笑，陳太都落埋場打波．．．ｍａｒｋ住自已個仔，打仔咁款。
煙花黎到，發覺冇火，火柴黎到，三兩下燒哂，最後卒之去買左隻火雞。「有某火雞？」ＸＤＤＤ
我哥頻頻撲撲，辛苦哂。
啲煙花唔多掂，呃錢既，冇隻襟玩，又唔識飛。閃！響！冇鬼用。
最後十二點未夠就返歸ｌｕ。

阿ｐｈｉｌ對佢架ｓ２ｋ既感情．．．遠超我想像咁深＝口＝’
我永遠都唔會明架嘞。
我都唔識點安慰佢，唔好諗過去左既嘢啦．．．下。

今日都要去公園仔，
但琴晚訓唔着，所以起身起得幾辛苦。

禮拜日有阿勇媽喺度做，吹左成晏晝水ＸＤ時間好快過。
碰到傳說中既「Ｋｅｅｐ　ｔｈｅ　ｃｈａｎｇｅ」ＸＤ一個ｑｕａｒｔｅｒ。
冼太都好似唔係好分到邊個發仔邊個達仔．．．
全日賺左既都唔知夠唔夠比人工我哋．．．

夜晚，我哥失左蹤，不過擔心都係無謂，最後都唔係去左ＳＣ．．．

揾醫道ｄｌ，六十四集成十二ｇｉｇ幾，到依家都未ｄｏｗｎ完。

ｃｒｏｓｓ　ｇａｍｅ第十話．．．太過分，安達充諗乜架，勁ｓａｄ。

悶ｓ。

琴晚捱左成晚眼訓，先校返啱到個ｉｎｔｅｒｎａｌ　ｃｌｏｃｋ，
今朝要十一點零起身，對於放緊假既我黎講好難。
我發覺我喺正常人訓覺既時間訓得最唔好，札醒左不下三四五六次。平時香港時間咁就一覺訓到醒．．．
第一次一個人一架車咁揸返公園仔，哈．．．

Ｈｅｒｍａｎ　Ｐａｒｋ，Ｋｉｗａｎｉｓ　Ｃｌｕｂ喺果度有個ｔｒａｉｎ　ｓｔａｔｉｏｎ，比細路仔玩，隔離有間ｓｔｏｒｅ仔，賣啲ｓｎａｃｋｓ呀咁。
本身個長工話去ｂｅａｃｈ，ｇａｒｙ揾我去ｓｕｂ佢。
整ｃｏｔｔｏｎ　ｃａｎｄｙ，不ｓｎｏｃｏｎｅ，整ｐｏｐｃｏｒｎ，賣糖呀ｃｈｉｐｓ呀雪糕呀汽水呀等等，一日廿五蚊，四粒鐘。
嘩．．．個ｊｕｓｔｉｎ做左幾個月整啲ｃｏｔｔｏｎ　ｃａｎｄｙ都仲係一劈嘢咁。
冇乜客，拍哂鳥蠅，應該係ｊｕｌｙ　４ｔｈ既關係。
有個阿伯好鬼意興闌珊，話咁ｓｌｏｗ，應該執鬼左佢，費事嘥錢咁話．．．使唔使咁悔氣。
好開心喎，啲細路仔好得意，哈．．．但大個少少果啲已經好現實嘞，係咁問我可唔可以免費比啲嘢食佢咁。
做完返左屋企冇耐就落大雨，落早啲嘛，我咪可以早啲收工囉。

家家ｏｎ９喎，佢去左ｃｏｓｔａ　ｒｉｃａ，話果邊好靚，玩過下激流，跳過下火山（？）咁。

http://img.post.mop.com/picture/200503/17/40/11340/20050317143410561.wmv
好好笑．．．

新聞透視，講ＢＴ。
我哋個社會果然係充滿住矛盾，我果然唔啱做關於社會呀政治之類既工作。ＢＴ同影業，實在唔可以斷定話任何一方啱或者錯，情況唔知會點發展落去，我呢啲名副其實係「隔岸觀火」。
啲人上哂鏡話支持ＢＴ，唔驚架咩，有個麻甩佬仲好笑：「呢套美國既，美國既，呢三套就ＡＶ．．．」ＸＤＤＤ
佢知唔知佢係對住全港觀眾講架，第日出街比人認得：「咦你咪就ｄｏｗｎ三套ＡＶ果個？」都幾汗顏．．．

When history witness a great change,
Razgriz will reveal itself.
First as a black demon.
As a demon,
it uses its power to lay death upon the earth.
And then it dies.
However after a short slumber,
Razgriz returns.
This time,
as a great hero.

月尾ｌｕ，新屋の匙手入，登登登凳，好嘢。但真係冇乜動力執嘢，唉，慢慢黎。
吖，好不容易有少少習慣呢頭啲路，就話要搬，算點喎。
我完全係路癡，遺傳哂我媽呢方面既基因，我爸教我路，教識去嘞但又唔代表識返，教今次識又唔代表下次都識，佢差啲發火鬧我ＸＤ
我真懷疑個腦少左忽，專係管方向感，同數字記憶的．．．因為我永遠記唔到電話同埋日子，屋企既電話，要比幾秒我摷下個腦，先醒得起；爸媽既生日，我勉強記得月份，真係不孝。而得意既係我自問ｍａｔｈｓ唔係差架播．．．

去新屋睇睇，兩間細房都唔大，廢話，不過我寧願大啲，同我哥同房都冇所謂，哎，不如打通佢。
主人房大，廳普通，個ｆｉｒｅｐｌａｃｅ好阻掟耶，ｄｅｃｋ唔大，ｂｂｑ會逼．．．唔，算啦，屋企唔係有米。

睇旺角黑夜，原本對警匪片冇乜期待，所以咁耐先睇，但幾驚喜播，睇咁播都唔覺悶，
好多個ｓｃｅｎｅ都好正，吳彥祖原黎唔單止靚仔既，張柏芝都做得幾好，啲國語都好似好犀利ＸＤ但聽人講其實佢哋講得好唔掂，我唔識分啦下。
林雪好搶戲ＸＤ乜套套戲都有佢架，真係唔使愁冇得撈。
好睇得黎，套戲都幾言之有物，爾冬陞，唔錯。
比起黎，套漢城攻略都．．．有少少好鬼垃圾ＸＤ

玩返ａｃｅ　ｃｏｍｂａｔ．．．ｃｈｏｐｐｅｒ原黎未死．．．＝口＝’