今日搬左張床黎嘞卒之，唔使再訓床鋪。
唔該哂阿輝，佢哋就執執砌砌左成晚，我就打機打左成晚ＸＤ
爆左ｄｏｒｏｒｏ　ｌｕ，幾好，幾忠於原著。
但最後ｂｏｓｓ真係打到我發忟憎，原黎一早可以ｆｉｎｉｓｈ，但我睇唔到要噤三角形．．．
唔，完左，有啲空虛感添。

話說我起身諗住唔訓啦，
起身睇康熙，細Ｓ有左，咁咪好快會唔做．．．

跟住心血來潮拆左盒砌圖，
諗住睇下佢係咪搽啲螢光漆上去就算啦．．．
點知就受佢既神奇力量影響砌起上黎嘞。
砌到唔記得哂時間。

五六點倒我爸黎訓，
十二點個ｃａｂｌｅ哥仔先黎整。
整好嘞，梗係要ｏｎ９。

放榜了．．．
兩年寒暑日日夜夜的耕耘，
花，就在今天綻放。

阿ｆｅｅｌ有５Ａ，不負眾望啦。
阿譚都有３Ａ，
戴寶話佢文科同班既都有３Ａ，
另一班文科都有幾個．．．阿潘生豐收啦今年。

考得普通，或者唔滿意既，千祈，千祈唔好灰心氣餒。
Ａ　ｌｅｖｅｌ只不過係入大學既門檻．．．
而大學係為入社會做準備，
真正既人生，還早得很．．．
Ａ　ｌｅｖｅｌ只不過係人生入面一個好小好小部分，
唔可以睇唔起佢，但都唔好睇得太重呀。
好擔心老味添．．．見字說聲好吧＠＠’
而衛哥呢，冇Ａ佢好失望．．．
可能你字樣衰，寫嘢亂，個改官印象差啫，
你既勤奮同腦入面既嘢，都係無可置疑架．．．
唔好覺得唔抵，因為知識已經係你既成果黎。

呢個日子，大家實好ｏｖｅｒｗｈｅｌｍｅｄ．．．
畢竟兩年既努力，係好係歹，個ｏｕｔｃｏｍｅ都出左黎，攞左喺手上面嘞。
而且同讀左七年既學校，同學，老師，正式講拜拜ｌｕ，
我多想自己都身處其中，感受一下那種氣氛。

跟住好似中ｖｉｒｕｓ，啲ｍｅｎｕ黑哂，
ｎｏｒｔｏｎ搞搞佢，我都返屋企訓覺ｌｕ。

一訓就訓到十一點零，過黎新屋，砌埋個砌圖，唔，諗緊仲咩好。

仍然係搬屋ｉｎ　ｐｒｏｇｒｅｓｓ，
但今日加入左個新力軍喎，
就係ｅｖａ嘞，聊勝於無啦．．．哈ＸＤ講笑，唔該哂至真，唔好睇佢奀支支。

拆左電腦枱，兩部電腦，ｐｓ２，
勁多無謂嘢咁啦，塞滿左兩架車。
本來仲想借楊太架ｖａｎ搬床褥既，不過砌完張枱，淋完花，夜ｌｕ。

返屋企食埋飯，就返番去新屋，
我哥話聽日有人黎裝ｃａｂｌｅ，叫我守門狗．．．口，
所以我就連伙都未入就喺度過左夜嘞。
阿ｗｉｌ同ｐｅｇｇｙ姐都黎左，仲以為想打麻雀添＝口＝’
咁ｖａ姐走左，佢哋喺度睇小魚兒，點零就走哂ｌｕ。
我就打下機聽下歌咁，兩點幾就去訓，驚聽朝起唔到身。

漆黑中的新屋，是絕對是靜。
在張開眼也視而不見的環境，我甚至感受不到自己的存在．．．
被黑暗所吞噬，被死寂所包圍。
睡不着ＸＤ感官都失了效，所以腦中沒停過。

呃，前幾日同戴寶傾，幾有意思。
講佢細個，玩蟲ＸＤ
我未聽過佢講，原來佢都幾鄉村細路下．．．
果日佢哋去ｃａｍｐ，佢好英勇咁捉左隻跳左入黎既草蜢喎，
啲男男女女全部都花容失色，草臉失綠ＸＤ呢幕應該幾好笑。
但係佢驚蚯蚓同鼻涕蟲果科既動物播，咁得意，
明明啲蟲呀曱甴果啲樣衰好多。

仲講細個煲蠟，
我好想試下呀ＸＤ細個唔識，媽又唔比，
問阿ｐｈｉｌ，原黎佢細個同我一樣都真係ｌｉｔｅｒａｌｌｙ「煲蠟」。
煲滾啲蠟就算．．．後續就沒了。
但戴寶話原黎跟住要用水槍噴落啲滾蠟度，先會有火，
高起黎成層樓都有，
簡直係細蚊仔既浪漫。
好笑，有新聞講細路用．．．用「人體水槍」玩煲蠟，射水果個ｓｔｅｐ。
結果燒到受傷，嘩，咁細個就．．．真係冇陰公。

細個住井字屋邨，中秋時就喺門口呀欄杆咁玩蠟燭，玩到成條杆都係蠟。
欄杆出面就跳得落去架嘞，諗起都牙煙。
咁樣就好滿足架嘞，玩成晚都得。
好懷念，呢度哪有賣蠟燭呢下。

其實我係兩點上左床，到四點都訓唔着，
所以跟住就起身諗住算，唔訓，
當係聽日啦。

我哥突然好有動力咁想要搬嘢．．．
咁就執左兩次，堆到架車滿哂，後座＆ｔｒｕｃｋ。
唔唔，第一次覺得搬屋唔再係遙不可及嘞＠＠’
我哥話叫我聽日喺果度訓，後日朝早等人黎裝ｃａｂｌｅ。
嘩．．．自已一個對住間吉屋牙．．．ＸＤ
發覺我間房擺左張床，張電腦枱，個電視，真係冇乜位剩．．．
呀，快啲搬，執好間屋佢，好。

睇返前幾日康熙．．．張帝果集，笑死我嘞，六十幾歲既伯伯仲玩ｏｎ９　ｇａｍｅ玩到沉迷果隻，點解可以咁心境年輕。
我諗我爸媽都仲ｏｕｔ過佢，佢哋實唔知乜係天堂乜係ＲＯ架播。

睇返禮拜一兩代，兩代電力公司，雖然又係講細路唔想返學老話題，但今集好似探索得幾深播．．．
學校教既，的確有好大部份都拎唔出社會用，如果個學生真係日日訓覺玩樂，連自已覺得嘥時間，會唔會早啲步入社會好啲呢。
而同時亦唔可以話佢出到社會一定會失敗架喎，如果佢有自己想法，做四年嘢，累積到既經驗，唔可以話差過人哋讀四年Ｕ格。
高學歷重要還重要，但呢個時勢，通街都大學生，喺大陸，博士都去行乞添。
諗返成立學校既意義，係因為社會需要啲有知識既勞動力．．．
但隨住社會月黎月富裕，學校慢慢唔再係先可以學到謀生知識既首要地方嘞，有啲人話出社會一年，比整個學校生涯學到既多。
咁學校變左ｍａｎｄａｔｏｒｙ，我覺得，意義被扭曲左，本末倒置。
大炳舉左佢細佬做例子，中二時，頂唔順學校啲繁文縟節，申請左美國寄宿家庭，努力過後，入讀維也納音樂學院云云。
ｍｏｒａｌ係，要成功，唔一定要走人哋為你鋪好左既路，只要你自己有方向的話。
我覺得我自己問題係慣左走果條安穩既路，連自己想點走既諗法都冇，莫講話果份自己開第條路既勇氣。
十幾年黎，我爸媽都灌輸啲唔讀書就冇用既觀念比我．．．時代變嘞，讀到書，唔代表啲乜，唔ｐｒｏｍｉｓｅ到任何嘢。
．．．好迷惘。

＜今夜月が見える丘に＞（今夜在能看見月亮的山丘）

Ｂ’ｚ

譬如　想個辨法 就這樣　經過你身體 從你的淚水中看看自己的話 我或許會多少明白為什麼 越愛得深 越會陷入迷霧之中的道理 牽手同行吧 山丘上的月色如燃燒般發出光彩 你要在那　等我　我會來接你的 即使是碎片也不要緊 今夜我會保持清醒　直至知道你的感受 傷痛的 快樂的 大家的取向也有所不同 不過是小小的錯誤而己 這一絆再次令我觸目地跌倒 受傷後我終於明白 這樣也好 為時未遲 牽手同行吧 在怪異行星上隱閉的山丘 進入茂密的深淵 受傷也不要緊 強顏笑臉背後我願窺一窺 牽手同行吧 山丘上正圓的月亮正閃閃發光 照耀每一個人 映照在天空上的內心 就這樣經常不露微笑 即使是碎片也不要緊 今夜我希望跟你一起存在　直至知道你的感受為止