接媽下班途中，前一分鐘還是風平浪靜，一分鐘內就開始下着傾盆大雨，奇怪的是陽光仍然普照。
車尾濺着水花，在太陽底下，每架車都拖曳着一束彩虹而行，好不絢麗。

睇我猜，睇星期日檔案，好感動．．．乜依家節目興咁煽情。

我猜果個女仔，佢之前有憂鬱症，但佢媽不離不棄咁陪住佢，佢依家冇事嘞，仲走黎上電視，要多謝佢媽，
講佢媽啲瑣事，佢媽點咁偉大，朝早晨咁早就起身幫佢煮早餐煮早藥補補佢（佢得三十幾ｋｇ），唔到最後都唔嗌佢起身等佢可以訓多啲，趕時間就飛車送佢返學，有啲咩雞毛蒜皮唔記得簽名之類就飛撲返學校揾佢，一日七八次都試過．．．
好似好多辛酸，唔知佢有啲咩故事，一路講一路喊，跟住個個又喺度喊。
我發覺我有見人邊講邊喊就會想喊既毛病Ｔ口Ｔ’
真係有媽會緊張仔女到咁，仲重視過自己條命咁滯。
原黎話「生仔即係拋棄自己生活，成為仔女生活一部分。」係真既，生兒育女責任好大呀，唔係咁簡單。
喺我驚嘆於母愛既偉大ｍｅａｎｗｈｉｌｅ我媽又喺度哦我嘞．．．
一家人都唔識坦率地表達自己。

星期日檔案係講呀咩吉場，我諗佢既故事好多人都知，個ｗｅｂｓｉｔｅ我以前都去睇過：http://meredith.com.hk/
呀咩去左三年嘞．．．但佢身邊既人全部都冇將佢遺忘，羊爸咁堅強，仲會喊，佢哥講起妹，都好感人，羊媽為左個女個ｗｅｂｓｉｔｅ，咩都唔識學到識，真係好難想像，五十歲人，ｔａｋｅ啲電腦ｃｏｕｒｓｅ呀盛，賺錢為ｍａｉｎｔａｉｎ個ｗｅｂｓｉｔｅ．．．整整三年，日復一日，哎我都唔知點表達。要講感想，ｇｕｅｓｔｂｏｏｋ太多，但心入面既感覺同震撼唔係咁容易形容得到。
倪匡話「我手寫我心」，其實好難呀，感覺呢樣嘢太抽象，講出黎人哋ｇｅｔ到既好模糊，唔會完全瞭解得到．．．
要睇呢個故事，唔係要覺得憐憫呀同情呀咁（呀咩比任何人都要活得開心樂觀），而係要自身省思一下，自己有冇好好珍惜眼前既一切。
人就係咁，擔心窮，怨成績差，驚冇前途，為戀愛煩惱，好多人都會為某啲嘢要生要死，唔知道相比起某啲人，自己既焦慮係幾咁微不足道。
然而，喺世俗人眼光中呀咩既遭遇係幾咁不幸幾咁慘都好，佢都會樂觀面對自己人生，唔怨天尤人，呀咩既性格好值得所有人學習囉。
講易行難．．．

家家個Ｃｏｓｔａ　Ｒｉｃａ之旅．．．

火山口，好靚呀，我仲以為ＣＧ定畫黎。

好大隻呀，好彩冇曱甴咁樣衰。

原黎係食蕉大的ＸＤＤＤＤＤ唔怪得咁靚仔，識唔識剝皮架呢。

好得意ＸＤＤＤＤＤ額頭好大呀。

租車，今日諗住正式黎搬啲大件嘢嘞。
太遲訓，十點時我哥叫我起床要用吼的。
睡眼惺忪地返舊屋執嘢．．．

屋企完全係ｉｎ　ｃｈａｏｓ，
ｄｅｌｔａ　Ｓ　ｍａｘ既狀態。
租果架ｔｒｕｃｋ就冇頂，又蚊咁細。
頭七十五分鐘廿蚊，之後五蚊十五分鐘，
廿蚊實唔夠時間啦。
阿輝唔知幾時又走左黎幫手，真係好人呀，一大助力。
質到架ｔｒｕｃｋ冇哂位，牙牙煙煙咁，
總之最後車左兩輪，搞左三個鐘，
但Ｌｏｗｅ’ｓ果個人計少左個鐘，所以比少廿蚊．．．搞笑麼＝口＝’

體力透支哂既一日。

嘩，個用左廿年以上，仲老過我既鐘卒之都壞左唔識行嘞．．．

ＸＤＤＤ真係勁到震。

砌緊張床時．．．
我哥：「阿輝，扭兩下（粒螺絲）吖。」
輝：「ｐａｔ　ｐａｔ牙？」
ＸＤＤＤＤＤ爛ｇａｇ！