＜ＳＡＹ　ＹＥＳ＞ Ｃｈａｇｅ　＆　Ａｓｋａ

一點多餘的東西也沒有 我和你之間　滿滿都是愛情 雖然也有些許的謊言與任性 但那宛若是用來試煉我　是戀人的遊戲 就這樣讓我倆把夢想都放在一塊兒 自由自在的一起生活好嗎 想要感受到愛也必須付出真愛 不要把玻璃盒子並排那般 我要反覆的說　毫無保留的說出 你洋溢在每一個角落 言語無法表達出心意 好想要傳達給你　卻無法表達出真正的心意 好想要見你卻又見不到的寂寞夜裡 守候在屋頂的夜星　瞭解何謂戀人的憂愁 就這樣讓我倆一同迎接晨曦 一直一起生活好嗎 想要感受到愛也必須付出真愛 不要讓愛戀的感覺褪去 我要反覆的說　你是真的 深愛著我 別再猶豫了　SAY YES　別再猶豫了 想要感受到愛也必須付出真愛 不要讓愛戀的感覺褪去 我要反覆的說　你是真的 深愛著我

心理有啲唔平衡，
我係咪喺度打得太多嘢呢ＸＤ
我打啲嘢，一半係想自己記低嘢，可以比阿達伯回顧返佢細個做過啲乜咁．．．
另一半係想比人睇，溝通下，瞭解下架嘛，
但有幾多個人係真係有耐性睇得完我呢啲廢言廢語架呢．．．
哎吔我真係缺乏關懷，想引人注意．．．
ＸＤＤＤＤ我突然間覺得自己同阿儀某程度上係似既，
從日記既冗長煩瑣零碎程度可見一斑。
又差唔多咁八．．．死ＸＤ

去左ＤＭＶ轉地址．．．
跟住去ｗａｌｍａｒｔ買嘢清潔間舊屋喎，就收樓。
見到ｍｅｌａｎｉｅ．．．傾左幾句＝口＝’
跟住竟然聽到有人叫達仔ＸＤｍｉｃｈｅａｌ同ｖｉｎｃｅｎｔ仔喎，仲有陳太，真係轎。
原黎ｍｉｃｈｅａｌ生日，屈阿陳太買ｐｓ２比佢．．．
咁我就同兩個細路玩左好耐ＸＤ
ＢＢ傻傻地架．．．睇奬門人學左句「殺你全家！」ＸＤＤＤ
好笑既係佢要講「殺你全家！陳文華！」
而陳文華係佢阿哥．．．咁即係殺埋自己？
同我聽過既阿媽鬧個仔「小四倒數」（請自行配對適合聲母）有異曲同工之妙。
成日拍我ｐａｔ　ｐａｔ跟住跑走等我追，又叫我錫啖佢，又白白淨淨哂唔黑ＸＤ唔好由細就咁性向不明確呀，要培養定佢對女仔既興趣至得。
陳小ｂ仲話佢兩隻門牙開始鬆．．．ｍｉｃｈｅａｌ有牙仲已經鬆左添．．．嘩熬比我睇，好核突。
我記得我第一隻牙鬆果時好似係唔知咩事的，後黎知會換牙時仲好大疑問點解要換牙．．．因為有啲真係換得好鬼痛。
又咩左ｂｂ一陣．．．佢係咪輕得有啲唔正常呢。
吖．．．有時啲細路都會同我玩假，點解阿ｂ會咁驚我架嘖ＸＤ

嘩我呢排個ｉｎｔｅｒｎａｌ　ｃｌｏｃｋ好似行得幾正常！
起碼訓果時個天仲黑起身果時個天仲光．．．
好勁呀我戴寶ＸＤＤＤＤＤ

怒發衝冠，憑欄處，瀟瀟雨歇，
抬望眼，仰天長嘯，壯懷激烈。
三十功名塵與土，八千里路雲和月，
莫等閑白了少年頭，空悲切！
靖康恥猶未雪，臣子恨何時滅？
駕長車，踏破賀蘭山缺。
壯志饑餐胡虜肉，笑談渴飲匈奴血，
待重頭收拾舊山河，朝天闕。

咦我其實對中史係有興趣架播，
不過只限於啲古人啲古仔．．．啲制度呀，ｃａｕｓｅ＆ｅｆｆｅｃｔ之類我就頭痛嘞。

仲睇多集，前一輯既歷史幾狼都有，第一集秦始皇啦，笑死我，毓民搞ｇａｇ喎，「陳議員我而家裁決你冒犯左林局長因為你話林局長指鹿為馬而指鹿為馬呢個典故呢出自秦二世既太監趙高咁啫係你分明暗示林瑞麟局長係太監所以你冒犯左佢。」ＸＤＤＤＤＤＤＤＤ我真係ＬＯＬ。

睇唔知幾時既星期日檔案講我愛ｌｏｌｉｔａ．．．仲以為係講ｌｏｌｉｃｏｎ添ＸＤ原黎係ｌｏｌｉｔａ　ｓｔｙｌｅ啫。
真係．．．唔敢想像ｌｏｌｉｔａ太流行，到時行街會係咩景象．．．

今朝阿ｐｈｉｌ　ｏｎ９喎，到左步嘞。
話佢搭飛機時隔離坐果個人好似韓國仔ｊｉｎ，話９０％似，我話係咪作大呀，對眼有冇佢咁細先．．．咁。
阿ｐｈｉｌ哥呢就無啦啦發神經攻擊我話我眼細喎，我就叫佢度啦，我又去度．．．
我就３、４倒ｘ１、２倒，佢就４．７ｘ２．．．嘩，可能佢平時成日戴粗框眼鏡多，冇留意佢隻眼咁鬼大既原黎。
跟住我就發神經周圍問人啦喎．．．問既都差唔多，ｖａ姐仲同我一樣咁滯．．．而意外係我印象中眼好大既藍嵐，呎寸仲細個我？！？！
最後結論我諗，眼大唔係真係指比人哋大，而係比例上比起臉呀五官呀果啲大．．．

其實一個人最重要的是他的思想。
樣貌，姓名，學歷，都不重要．．．
能不能到達想要的目標，要觀乎自己的想法怎樣，和貫切此想法的毅力怎樣。
對嗎．．．

吖一朝早就比我爸鏟起身，但我起唔到，佢就鏟左成個鐘。
跟住見ｊａｓｏｎ　ｏｎ９，佢話收到寄黎啲嘢，仲話佢去ｉｒａｑ係做ｇｕａｒｄ啫，唔係叫佢出街殺人，佢個ｕｎｉｔ冇人出事過，唔使擔心咁話。
去車三叔，去睇雪櫃，去睇鏟草機，睇左好鬼耐＝口＝’
嘩我對腳仲痠緊，同埋皮膚仲喺紅卜卜既狀態．．．

咦阿ｐｈｉｌ今日走啦播．．．玩得開心啲＝口＝’
同唔到佢做一啲喺ｈｋ先做得既嘢嘞，本黎我都返架嘛，唉。
我發覺熟啲既ｆｒｄ之中溝通最少係同佢，佢都唔興ｍｓｎ吹水既．．．見面先多水。
我又係咪真係要檢討下ｍｓｎ同真人既水量分別呢，
其實我盡量想冇分別架嘞，我幾時都係會直接將自己想講出黎既想法變成文字或言語架啦，
但ｍｓｎ可能真係比左個空間我去諗多啲先ｒｅｐｌｙ，咁可能會搞到我言語上會ｓｌｏｗ啲＝口＝’
我都唔想．．．凡事總要三思而後行架嘛。
其實一個人既文筆比起人哋睇到既印象唔同好正常架播．．．
我睇余光中本散文某篇，佢都話朋友話佢本人比佢既文章內儉．．．

跟住又開始自閉嘞．．．

睇返上幾禮拜啲奬門人．．．到最後真係喊播＝口＝’
睇殘叮，有個叫梁穎嘉ＸＤ梁穎家見唔見。
睇我猜，咦講過乜呢．．．
睇桃色蛋白質喎，蔡康永，難得去做人ｇｕｅｓｔ．．．
真係．．．原黎喺康熙笑笑鬧鬧既背後有咁多觀眾唔知既嘢。
佢話佢第一次講咁多關於主持既嘢，我都係第一次聽．．．
淡定既背後不知有幾多焦慮．．．
佢同細ｓ真係幾夾，仲有講下林志玲既主持類型ＸＤ好好玩，講既果幕我都記得。
仲有講佢性格咁搞怪係因為佢媽ＸＤ細個時佢媽成日整蠱佢。
佢媽會無啦啦叫佢離家出走，睇佢點反應ＸＤ
又試過佢訓緊覺，明明喺隔離房，佢媽打比佢話，依家喺超巿，你要咩嘢，我幫你買，要唔要個甜甜圈呀咁．．．
咁蔡康永就答，好呀，食甜甜圈呀．．．佢媽答：吃個屁啦，我在房間裡，ｃｕｐ線ＸＤＤＤＤ痴筋架！
仲有佢講佢對競爭既概念啦，「我覺得競爭根本不重要，我們為甚麼一直要訓練小孩說，世界上只可以有第一名第二名第三名，然後剩下的人都該去死嗎。」
我一方面其實好有咁既諗法，但另一方面受既廿年教育，我爸媽觀念等等令我其實都有競爭之心的．．．太現實了。
淡泊到細個演講比賽，借自己份稿比人ＸＤ因為對手係女仔，抽到唔識既題目喺度喊。
其實佢真係好ｇｅｎｔｌｅｍａｎ，ｇａｙ都可以ｇｅｎｔｌｅ的．．．
喻可欣話希望爭取到精子，想有個細路，佢會想要馬英九，蔡康永或者謝震武既精子．．．咁記者就問蔡康永反應啦播．．．
佢心諗，馬英九同謝震武唔會話好呀，咁如果自己都話唔好，咁喻可欣就會三個都話ｎｏ，咁會好下不了台，唔想咁，就話好呀咁。
唔想因為自己答案令個女仔，即使係唔識既喻可欣，難做咁。
推薦呢集呀，真係幾欣賞佢風格的。
哈哈，寫到咁多內容，當然係一路睇一路打的，我想記低佢，唔好話我無聊。
呃仲有女Ｆ４，真係救命，依家乜組合都有。

半夜唔知兩三四點，今次係我哥同我媽講左今日會去Ｃａｒｏｗｉｎｄｓ喎ＸＤ唔關我事。
好在阿媽都算只係輕微咁哦左佢幾下。
當然係訓唔着既，四點倒開返電腦，阿ｐｈｉｌ喺度ｏｎ９＝口＝’話，平時佢朝早八點先訓．．．點訓得着，嘩佢陣間點揸車呀。
準備好嘞先叫我哥，去到輝度，個個都到左ｌｕ．．．我哋遲到。

跟住就出發，又同輝同ｅｖａ同家家同車，不過冇上次咁好興緻玩真心話啦ＸＤ
ｖａ姐喺度曬命，話家家手信有食得又有唔食得咁話，ｏｋ啦，我明白自己個地位架喎，呵，即使我付出左幾多都好．．．
喺度偶爾搭下訕，睇下雜誌咁．．．幾好笑既係唔知本乜嘢話薛海琪「姣溝」房祖名云云，大家都覺得個執筆記者幾有創意。
去左麥記食早餐，我飽．．．吖。
同家家係走到邊嘈到邊既，傑仔都話呀，以前大家都對我好好！而家個個都變左嘞！！ＸＤ唔好再講如果我點點點你就即嫁比我好冇．．．無奈。
上返車又嘗試過訓，但都唔多訓得着．．．評評理，我冇ｐｔ咁話佢泰傭佢都嬲一餐，換轉佢話我呢，就好有ｐｔ，矮呀，冇安全感呀，奀呀，爆瘡呀，針針見血。
某時間我哥攰得滯換左傑仔黎揸，阿輝掉左去阿澄車，好似甩難咁款。
兩位姐仔又嘗試氹傑仔玩真心話喎，傑仔邊有輝咁順攤吖，冇乜風走漏。
反而係傑仔ｄａｒｅ返家家，叫佢向阿ｐｈｉｌ示愛ＸＤ即打電話，但我諗佢手提喺袋，搞左震機啦，冇人接，錄黎嘥氣添。
但絕對唔可以就咁帶過架嘛，落到車見到阿ｐｈｉｌ，我即刻叫家家啦，佢就：「阿ｐｈｉｌ我愛你呀！！」ＸＤ好笑。 
不知不覺就到左Ｃａｒｏｗｉｎｄｓ嘞．．．真係，同一堆人，同一撻地方，但阿瓊已經離開左我哋嘞ＸＤ少左個人會陪我玩。
嘩數數人，有我啦我哥啦ｖａ姐啦家家啦輝啦ｐｏ啦ｐｈｏｅｂｅ啦ｓｔｅｌｌａ啦ｃａｒｏｌ啦ｈｅｂｅ啦ｐｈｉｌ啦傑仔啦ｓｕｚｙ啦澄啦文玉啦．．．十五個。

一∼入去就玩個ｔｏｐｇｕｎ，最高ｓｐｅｅｄ，係咁ｆｉｎｇ果個。玩完個個ｗｉｎｇ哂ＸＤ但感覺冇第一次玩咁刺激呀．．．
傑仔又顯示出佢既天生既領隊才能嘞，但我好心地，冇心地串左佢一下＝口＝’「傑仔！我哋黎過架嘞！」ＸＤＤＤ
好緊湊咁去玩ｔｈｕｎｄｅｒ　ｒｏａｄ，上到好高跟住好鈄咁落黎好多個山坡咁。
上次玩過ｆｏｒｗａｒｄ，今次緊係試ｂａｃｋｗａｒｄ啦，佢哋話刺激啲．．．
但係玩完ｂａｃｋｗａｒｄ玩多次ｆｏｒｗａｒｄ，覺得ｂａｃｋｗａｒｄ舒服啲喎，下坡時根本訓喺度。
跟住繼續返上次既行程去玩個ｂｏｒｇ　ａｓｉｍｉｌａｔｏｒ，訓喺度既ｒｏｌｌｅｒ　ｃｏａｓｔｅｒ，好多人排呀，
排左半個鐘以上，真係救命．．．都幾好玩喎，訓喺度真係唔同啲，但個安全拘束好大陣汗味，救命。
玩完訓喺度既，去玩企喺度既．．．叫甚麼來着，ｖｏｒｔｅｘ。
死，唔係好記得點架添，都係行行ｆｉｎｇ　ｆｉｎｇ架嘞。玩完去食ｓｕｂｗａｙ．．．
席間悶悶地，喺度玩手指ＸＤｌｉｔｅｒａｌｌｙ既「悶到玩手指」。 

熱到無倫，下半場又開始嘞，記憶已經有啲唔ｗｏｒｋ添，跟住好似去．．．係咪去玩果個類似激流？
六個人圍圈喺隻船仔度，浪呀浪ＸＤＤＤ我拍低左ｖｉｄｅｏ，真係ｂｅｅｌｉ　ｂｅｅｐ　ｂｅｅｐ　ｂｅｅ！！濕哂。
跟住係咪去玩個艇仔？又係排隊排左好耐．．．一隻艇，行到好高，衝落水度，似海洋公園果個不過迷你版。
同阿ｐｈｉｌ落後左，後黎先插隊ＸＤ咁算點，唔敢望比我哋ｓｋｉｐ果堆鬼妹。
仲同埋傑仔搭埋同一條船，阿ｐｈｉｌ坐頭ＸＤ我中間，擋哂，傑仔簡直完璧，我同ｐｈｉｌ都濕。
應該呢個時候我眼訓，唔ｓｕｒｅ跟住係咪去玩個ｃｙｃｌｏｎｅ？傳統過山車，冇乜特別。
跟住好似就係ｄｒｏｐ　ｚｏｎｅ跳樓機嘞！同傑仔ｓｕｚｙ家家快樂跳樓去！ＸＤ
我哋見第啲人都嗌唔出聲咁，就想挑戰啦，點知跌時真係好勁！ｔｅｒｍｉｎａｌ　ｖｅｌｏｃｉｔｙ！ＸＤ開始減速時先出到聲，哎。
落黎時我完全不覺咩事咁話ｅｖａ去玩啦好好玩，點知唔妥，佢唔舒服呀，熱得滯，冇哂力．．．即刻就叫佢飲水坐坐咁啦。
唔知幾時ｖａ姐叫過我咩佢架，但我自己都腳底冇力，如果知佢唔舒服，點都咩陣先啦＝口＝’
佢完全係臉色忽紅忽白既，成班都好擔心．．．但跟住又去玩最後果架木頭車。
好快＠＠’落坡時真係捉到實，ｆｉｎｇ黎ｆｉｎｇ去時又撞到鬼咁痛。
最後就玩完時，竟然停左ＸＤ故障．．．我哋算好彩，玩完先故，望上去，另一架車上緊坡就落時停左ＸＤ好好笑。
啲ｓｔａｆｆ走上去同啲人講嘢，但太高，腳軟ＸＤ
曬左不知幾多時間，傑仔同ｓｕｚｙ都見我哋，我哋瘋狂咁叫ｅｖａ傑仔ｓｕｚｙＸＤ癲哂，之後ｓｕｚｙ嘗試幫我哋影相．．．
最後得左嘞，可憐後面果批人故障完整返好都未落得車，要玩埋先ＸＤ
五點零，好似一共玩左七個幾八個鐘，決定走ｌｕ，累人的一天。
今次玩係遠比上次滿足既，上次得得閒閒咁周圍逛．．．

嘩，由呢度行返去，對依家既ｖａ姐黎講係煎熬。我哋即刻出動護駕小組，揸遮既揸遮，撥風既撥風，仲要睇住佢搖晃晃隨時累低，老佛爺！小達子侍候！ＸＤ
好不容易先至返到去車度．．．佢真係好唔舒服咁。即刻極力降低氣温啦，敷冰甚麼的，總算臉色好啲，但佢話好頭痛，咁訓囉。
我都攰，第一次訓得着呀今日，三個零鐘倒去到間日本泰國餐廳嘞，ｖａ姐話好似冇咁頭痛，但成個人都係洩左氣咁既。
文玉朋友阿ｊｏｅｙ喺度做，傑仔家姐阿ｒｏｎｎｉｅ都喺，阿ｊｏｅｙ姐真係把口利到咩咁ＸＤ好搞笑，喺度食左滿足既一餐啦。
壽司呀，同埋啲熟口熟面既泰國嘢食，唔錯。我，我哥同ｅｖａ一張單，叫唔多嘢，但我右手邊七位叫左好多．．．分食，爭食，七國咁亂。左手邊五位都叫唔少。
席間插曲：

• 阿輝喺度變魔術；
• 佢哋叫左個咩所謂炸蛋飯，皇家鴨，勁搞爛ｇａｇＸＤ救命，笑死；
• ｊｏｅｙ喺度估人年紀幾大，估估下去估阿輝唔知邊度幾大；
• 見到ｊｏｅｙ，見識到原黎世界上有ｗａｉｔｒｅｓｓ咁樣ｓｅｒｖｅ客人既ＸＤ
• 講下眾人既關係，果邊ｈｅｂｅ同ｓｕｚｙ同ｐｈｉｌ係三姊弟啦，阿ｐｈｏｅｂｅ阿ｐｏ阿輝又三姊弟啦，ｓｔｅｌｌａ同ｃａｒｏｌ姊妹啦，到呢度阿ｊｏｅｙ都冇乜問題，但聽到我同我哥係兄弟就：「嘩！一個ｔｏｍ　ｃｒｕｉｓｅ一個八両金，點會呀！」ＸＤＤＤ極盡誇張之能事，場面話講得太場面就未免貽笑大方嘞！

食完飯，就返屋企ｌｕ，ｖａ姐功課未做哂，聽朝八點要返學，我話我去幫佢，佢又話唔使＝口＝’
最後返屋企，攰死，寫日記，ｅｎｄｅｄ。