今朝一早就去左九head la

因為今日係劍擊班既考試日.............

而考試既形式就係打比賽

我第一埸贏7比4, 第二場就險勝4:3, 第三場就7比5, 第四場就阿sir 親自做評判, 以7比4贏左^^

哈哈

不過我發現左一樣野, 我既右手係強手, 但如果我對上左手係強手既人, 我會好難攞分, 咁多埸比賽, 其中兩場係同左手打

結果就係險勝................

原先, 我打第一埸果陣, 個對手係女仔, 結果先讓兩分..............

但都係3分領先^^

第二場, 對住之前上堂打比賽果陣既對手IVAN, 佢係左手人, 結果我就打得好痛苦..........

因為佢左手超大力, 每次我把劍同佢把劍接觸果陣, 我隻手既虎口位都超痛, 係震到痛

諗都諗到佢有幾大力la

之後第三場, 我對一個超高既女仔, 高過我............

打果陣, 佢雖然唔大力, 但就好快, 好靈巧.........

因為佢都係左手人, 所以又係打得超痛苦..........

IVAN 打到我隻手都未痛完, 又打多次左手.......

仲要讓兩分, 無計la, 係女仔ar ma.........

嗚嗚.........

好彩都贏到^^

第4場, 都係對女仔, 又係讓兩分, 但呢次個對手超聰明, 因為佢知佢一開始領先我兩分, 所以就唔郁, 只係格我把劍, 唔俾我刺佢........

衰到震, 好彩我既搶攻都打得到^^

由打淘汰賽到8強, 再到4強, 然後再到決賽, 打到我氣都喘........

阿sir 話, 抵你死la, 鬼叫你係男仔, 唔准休息............嗚嗚......

車輪戰ar...........嗚嗚

劍擊冠軍ar, 睇邊個敢野我, 哼

哈哈