我個blog 會正式改去xanga la

係呢個版總係會有好多回憶

我永遠都唔會忘記你對我所做既事, 多謝你!!!

我永遠都會記得你呢個曾令我有咁多改變, 咁重要既人, 呢一段感情, 我永遠都會記係心深處, 沒齒難忘!!!

再見la, qooza! 我既新blog 既網址係........

xanga.com/luison888

今日返校溫書, 搵野果陣, 發現衫袋裡面有d 沙.....

我知d 沙點黎既, 之前同佢一齊去沙灘, 天氣好凍, 仲要夜晚, 緊緊咁攬住佢, 加上件外套, 於是外套既袋就有沙~~~~~~

但我真係估唔到洗過咁多次, 事隔咁耐, 都仲會有沙留係度

我即刻諗返過去我做過既好多野, 好多既錯事, 好多令我令佢都感到遺憾既事, 後悔, 真係後悔!

最起碼一開頭唔識珍惜佢已經係最錯既事!

之後去搵會考既學校, 再一次經過佢住既地方, 再一次經過同佢相擁, 結伴而行既每一段路

個心總係覺得好沉重

跟住入左沙灘吹風, 無言以對

坐係曾經相擁既位置, 望住曾經一齊睇既風景, 吹住曾經一齊令我地享受, 令我地凍既風

今日, 無佢既相伴, 無佢既支持, 無佢既相擁, 回想過去種種往事, 欲哭無淚

真係第一次係想喊, 但真係喊唔出, 連一滴眼淚都吝嗇, 果種感覺, 從未試過, 我只知我愛佢, 但呢段感情將永遠留係內心最深深處, 直到我回到天家, 主既面前......

愛, 也許不易, 亦要堅持, 凭着信念可找到明天~~~~~~~~~

居然臨會考先黎病, 攪鬼錯!

朝早起身手軟腳軟, 一探熱, 37.5度

都係燒左少少姐, 無所謂la, 跟手又係咁嘔@@

去左訓覺, 訓到11.幾12點, 居然好似咩事都無咁, 鬼打都無咁精神, 咁我就再探多次熱la

點知..........踏正39度, 痴線架, 隨左發燒, 身體完全好似已經好返晒咁@@

又唔肚屙, 又唔想嘔, 究竟想點呢??

今日訓左好耐, 未試過訓咁多既

今日溫唔到書, 太攰la, 同萍姐係咁傾msn

聽日應該都好得7788, 係時候要努力la

岩岩嘔完, 都幾辛苦, 係第一次嘔得咁辛苦, 唔關9成熟牛扒事, 都唔關間餐廳既事

而係關唔快快趣食埋d 野走人既事, 因為我感應到d 野, @@

不過算la, 主必與我同在

最多都係少少唔舒服, 因為有全能既主係我呢邊^^

有時真係會因為自己係基督徒而感到高興, 最起碼有咩事都好, 主都一定會同我一齊行, 好好既, 哈哈

下次如果我話快快趣走左之類既事, 而話之後講你地知既話, 你地要知發生咩事la

清明節, 願主保守大家既身心靈都不致受到邪靈干擾!

首先好多謝阿敏, 係佢部電話搭正果陣sd 左個生日快樂既meg 俾我

不過我部電話顯示係4月4日23點58分46秒既..........

跟住, 好多謝阿殷, 都係搭車果陣隔住個電話吹左首生日歌俾我聽, 吹得算太好, 不過有心意, 我鐘意^^

多謝

多謝kath 係早上7點幾果陣sd 個生日快樂meg 俾我, 仲要加多餐?? 我怕食到你破産ar, 哈哈, 不過你話請就無理由唔食既, 呵呵

多謝阿哥, 專登打個電話俾我同我講生日快樂, 仲要資助我今年考車牌既費用, thank you

無理由識楂車都唔考牌架嘛, 無牌駕駛雖然好型, 但係有張牌係度仲型ar, 哈哈

多謝kawai 專登打俾我同我say 生日快樂, 好開心, 多謝你^^

多謝邱哥請我飲左支酒, 香港法例准許我飲酒, 無理由唔飲咁笨既, 不過就算佢唔准, 我都成日靜靜雞飲架la, 哈哈

多謝蘭蘭同mo 佬, 專登去荃灣度買左兩隻18禁既片俾我睇, 我超鐘意ar, 哈哈, 解剖片^^

多謝小彤既meg, 有messenger 都唔用要sd meg, 哈哈, 都幾型, 好特別^^

多謝宛殷, 阿敏, handsome, 邱哥, 陪左我成晚, thanks^^

好懷念上年過生日, 因為晚上最起碼都仲有一個自己可以愛到要生要死既人相伴, 我唔介意你唔同我講生日快樂, 因為我知你一定會記得既, 但我真係唔明, 做唔成情人係未真係=做唔到朋友?

邱哥哥話過分手之後, 一定會話好愛對方, 好掛住對方, 但過左一個月或者幾個月之後, 就唔會再咁講

其實, 係因為你所經歷既愛未夠深刻, 如果你拍拖所經歷既愛係真係深到你可以係分手果陣發癲既話, 你就唔會有呢番講法

癲, 我真係癲過, 愛, 我真係深愛過, 但我依家仍然懷念

講真, 你會係我一生中都難以忘記既人, 因為你對我既生命黎講, 絕對佔有一席之位

我依家雖然仲係會對你日思夜想, 但暫時我只係想同你做朋友, 好簡單姐嘛, 其實點解要避黎避去?

唔理點都好la, 願主祝福你!