最近呢幾日都無打到日記la
因為我唔可以俾自己得閒, 我要令自己好忙好忙, 唔俾自己停手, 我怕會諗起往日既回憶
今日, 同邱哥, phoebe , handsome and 阿金, 去左沙灘行
我發現我最近少去左沙灘, 或者可能我怕係沙灘就會諗起往事la
不過我今日照去, 因為我地一班人會有話題, 唔會俾自己諗得太多野
之後返碼頭果陣, 我係部汽水機度見到巨峰既飲品
我即刻諗起左好多好多既往事, 以前我原來我點去做, 我都仲係唔識去愛, 我總係用錯既方式去愛, 當到左我識得去愛果陣, 所有事都已經變成回憶
一支巨峰, 令我諗起往既種種既片段, 但又如何?
我晚晚都做到令自己超爆眼訓之後先訓, 結果上堂訓覺
尋晚我好早去訓, 結果我今朝雖然好精神, 但我就好唔開心, 我未試過我訓之前, 我居然會係咁諗係咁諗
我只係想我有一刻唔諗起呢d 姐, 我已經唔俾自己諗, 我逼左自己好多個月, 要自己好忙, 要自己無事搵事做, 結果只會更加想諗呢段情
我真係覺得好辛苦, 我仲記得好多個月之前, 我聽過一句令我超傷心既說話, 我俾人話我唔認真, 係玩玩下
我真係好心痛, 早兩日, 我再聽到呢句, 結果就令我超勁想走埋一二邊發泄
真係好辛苦
上年會考備戰果陣, 當我壓力大既時候, 總會有人係身邊支持我, 就算點都好, 都會用說話鼓勵我
但今次備戰, 連最後一股會支持我既聲音都消失, 我真係好辛苦, 好大壓力
就算我會考幾多分都好, 就算俾我攞到30分, 無你係我身邊同我分享, 我都唔會開心
就算我真係做到一個法醫, 無你同我一齊面對呢個喜悅, 我都唔會開心
呢幾個月, 有放棄學業既時候, 有重新振作既時候
要玩, 玩過la, 溫書, 有排溫, 總係無咩心機
我發現原來無論我點做都好, 點讓自己努力去溫習, 做野, 唔俾自己得閒都好, 當自己訓之前, 就係自己最痛苦既時候
因為我總係會讓自己諗起過往愉快既回憶, 而自己唔識去珍惜, 依家走黎後悔, 我真係好痛恨自己, 點解當初咁死蠢
以前仲會話自己係殘暴不仁, 鐵石心腸, 但我居然發現, 我會為你而改變
中三果陣同潘講, 求學時期唔好拍拖
結果自己走去拍拖, 搞到依家個心就好似碎開晒咁, 只有痛可以形容
呢幾日, 重新振作起黎, 要努力既去為我既理想前進
阻力好大, 或者真係要好大既意志先可以令自己有中興學業既決心
呢幾日, 特別尋晚, 我諗左好多野, 我決定左la
從此以後, 無論邊個都好, 只要任何人任何事阻礙我去達到我既目標, 我會不惜一切既方法, 去達到我要做到既野
擋我去者, 雖不致死, 必遭一擊!
|
