今朝早, 同邱哥去飲野, 結果見到自修枱上面有包野飲, 好明顯係人地留係度既垃圾, 佢即刻講左句, 痴線.....

我問佢做咩, 佢就話果d 人唔應該咁做la.....

其實, 好多學生既父母, 細個都應該有同佢地既子女講過, 要有公德心, 人地幫完你之後要唔該之類.....

好多人都知架la.......

但點解佢地唔做?

其實係未真係無學過咩叫易地而處, 已所不欲勿施於人?

要人地清理自己留下既垃圾, 咁自己同個廢人有咩分別?

果d 人真係同癱左既無分別, 因為癱左既人佢地要排泄排遺, 都係要人幫佢地, 咁呢d 唔識自己清理廢物既人, 真係同殘廢既無分別囉

又正如好似我之前係MMLCB 裡面幫tommy 做野, 有個中二既女同學走黎問我攞釘書機, 一句唔該都無, 好似我幫佢係必然既, 其實又係未家人對佢地太寵愛呢? 大小姐大少爺? 皇帝仔皇帝女?

世風日下, 想我中華大地數千年既禮義廉耻, 依家仲剩下幾多?

只係禮字, 已經所剩無幾, 點會唔痛心疾首?

物理堂, 第一次咁留心聽彭sir 講野, 因為平時都只係佢教佢既書, 我唔識就聽, 識就自己做練習.....

但今日真係唔知點解由頭聽到尾....

今日講既係家居電路.....

生物堂, 爛泥sir 話個壁報版做得好好, 但就有諷刺成分, 要人拆左佢, 因為佢覺得隻狗係話梁sir......

但講真, 其實果隻狗真係話緊梁sir......@@

英文堂, oral, 我有6分^^

阿sir 話我英文最好果part 係我講野可以講得好快, 所以只要我再練好d, 同埋俾個膽出黎, 都可以有C以上^^

我唔想今年oral 再攞D ar......

我要C, 我要C, 最好一個唔好彩, 攞埋個B, 咁就完美la

哈哈

放學, 都係MMLCB 做野la....

以我極速打字手既能力, 我用左15分鐘都唔駛, 幫tommy 打左份電腦室使用守則^^

一共17條, 各位同學, 你地記得跟住做la, 不過好似唔關我事, 因為我黎緊好快又放假la, 哈哈

辛苦kawai kath kaman and 超la......知你地辛苦架la, 遲下請你地飲野la, 我都知你地好忙, 日日都要執U, 但我會識做架la^^

我雖然未能夠事事親力親為, 但我都知我要點做^^

哈哈

等, 其實都係一種幸福^^

如果可以, 我願意日日夜夜去守候你!

中二果陣, 蕭sir 做班主任, 佢同我地講愛, 佢話:[ 愛, 即係愛與被愛!]

當時我唔明架, 依家明la, 愛係一件唔容易既事!

有一句金句, 一位牧師講既:[ 愛是恆久忍耐, 唔係忍你好耐!]

其實, 愛一個人就係要忍, 就係要接納對方! 時間, 唔怕架, 只要花係對方身上而且係有意義就得架la!

愛一個人唔係就咁講話愛就算, 仲要肯為對方而付出, 我之後聽到呢d 說話真係唔明架, 但我依家明la

愛一個人, 只要你肯為對方而付出, 對方得到你對佢既愛, 自己就會好開心, 呢一種都係一種幸福

為對方犧牲, 係愛既其中一部份, 只要你愛著對方, 你幾咁重要既野, 同樣可以為對方而放下!

我唔知幾時開始, 我發現我已經放棄唔到! 我有諗過放棄, 但我到最後, 已經放棄唔到la

愛一個人, 原來係會令自己堅持住意念架

我愛佢, 所以佢得到快樂, 就代表我得到快樂, 佢辛苦, 都代表住自己既辛苦

但只要可以同對方甘苦與共就係幾辛苦都可以去做到!

我唔知我咁既日子會過幾耐, 但我想信, 我唔放棄, 一年, 兩年, 三年, 只要我既缺點都消失既時候, 你就會明白到原來呢個世上仲有我等緊你! 到你明白愛係咩果陣, 或許已經係好多年後, 你或者已經經歷過好多野, 但你到時, 你必定會發現, 我仲係愛著你!

就好似我二家姐死左咁多年la, 佢男朋友到今時今日都仲係咁掛住佢一樣!

今日又返學lu....

開學果陣, 我記得同邱哥傾計果陣, 有一句話:[ 放假果陣就想返學, 但一到左返學既日子, 又諗起放假, 唔想返學.] 呢一句說話今日再一次俾我感受到!

呢幾日放假, 我一路都係度做緊stjohn 既野, 有幾多去左學業? 好似無咩.....

我記得爸係我要repeat 果陣講過:[ 你自己諗下今次會考後, 咁長既假期, 你有幾多時間係放係讀書度? 3分一都無, 唔好講3分一la, 你連4分1都無ar!] 果陣我心諗, 我係連10分1都無!

果陣我好慚愧, 結果我話我今年一定要比心機讀好佢, 但依家, 又好似返去上年既開學果陣咁, 唉.......

今朝早, 梁sir 靈修分享, 佢話, 人如果只係順從肉體上既感覺去做野, 就係順從左罪....

因為人始終都係想懶, 我果陣心諗, 呢個好似講緊我....

唉.....

今日d 功課, 多到阿媽都唔認得, 我諗返起上年, 邊有功課架........=.="

結果.........唉.......如果stella 係度, 一定會話, 你唔好又想當年la.......

唉....

忘記過去, 努力面前最重要!!!

maths 堂, mr.zee 好似我地班主任咁, 幫人調位, 仲話以後都係.....@@

哈哈.....型ar

英文堂, 方剛發威.........

有幾個人由上堂到落堂都瞓緊, 方剛叫左幾次, 都唔醒, 或者醒左再瞓過.......

結果落堂前, 佢問我地有邊幾個要listening 既datafile 果陣, 得我地幾個repeater 理佢, 果幾個都仲瞓緊, 佢叫人起身果陣, 果d 人真係唔理佢......@@

勁....

結果......佢嬲到雙手攞起本書, 成對手抽左去頭後面, 睇佢個樣係想打人架la, 點知佢唔知係忍定點, 去到最後, 放低左本書係枱面, 嬲到一路鬧人一路又手震又口震......

我最嬲果次, 好似都只係手震, 無口震wor.....@@

佢太激la......

再之後, 佢發晒脾氣咁打開晒d 門同窗, 嘭嘭聲咁.......

之後當住外面d 中二既面, 係咁鬧人, 當然係望住全班人鬧la, 其實, 係人都知佢只係鬧果幾個瞓覺既........=.="

今日係204 室上堂.......但因為有中二聯課所以........大把中二行過, 係度睇show.....黑人憎.......

不過唔關我事, 呵呵, 睇囉, 無所謂架, 我都係其中一個睇show 既人姐嘛, 不過我入面睇, 你地外面睇...........@@

我仲有得坐tim......

結果遲左2~3個字落堂, 我就衝上4樓攞野, 再衝上5樓CL, 上堂la.....

CL 裡面除左我地上英文堂果班之外, 其他人都已經到齊, 等緊開始..........@@

chem 堂完左, 我就直接去2樓MMLCB la.....

幫tommy 睇住個電腦室ar......

收獲都唔錯, 最起碼知道左幾個中三既人既名, 佢地都係我一早想知, 但一路都唔知佢地叫咩名既......

1730後, 返歸.....

1800online....結果mandy wong 就問我數........

中二既多邊形外角和, 內角和之類既野la....

又係出動好多高學歷人士都唔識既低form 數........

都唔知點解架wor, 依家d 低form 數真係超難, 中三既數, 中六都唔識.......

中二既數, 大學生都唔識.........死囉.........

到最後, 係佢講返我知點計, 都好, 又學多樣野la^^

有野學, 總係最開心既^^

我從來都唔會放棄知識架!!!

不過數學, 算吧la....識多d 都無壞, 唔識? 算la.......會考呢科合格得架la^^

一朝早返學, 又見到阿珊

點解最近經常見佢既??!!

都係唔好理la....

返到學校, 照樣上堂, L1L2英文堂, 不過......唉........

尋晚溫個測驗溫到好夜ar....

今次呢個test 又唔知得唔得.....

英文太差la....

要比心機ar

之後小息, 好多野諗, 行左去走廊既邊沿度, 諗野.........唉.....

其實, 我係未真係咁多缺點?

自小學到依家, 其實真係無咩朋友, 就黎又一年, 熟既會走, 新既會黎, 我唔知其實佢地可唔可以叫做我人生中既過客, 但我只知我呢生人唔知點解總係有好多生離死別係我身邊發生, 我仲記得<<爸爸的花兒落了>> 果篇文, 其中一句:這些人都隨著我的長大沒有了影子了。是跟著我失去的童年一起失去了嗎？同埋呢篇文章最後果兩句既意思: 不得不長大的無奈!

我真係唔想成日都有面對依d

唉......

我都發現我好耐未試過咁靜la....

或者真係失去左d 野, 先會學識珍惜, 正如我細個見到電單車, 唔敢楂, 但係到我返黎香港就好想學

到再擁有果陣, 就會好愛護好珍惜.....唉....

人既感情太複習la, 一生人之中, 最愁既都係感情問題............

唉.....

L5, 中文堂, 我未試過上中文堂係咁靜架, 好開心, 但我知梁sir 係好唔開心, 因為佢超嬲.......

文朗然係咁講野, 激到阿sir 扔咪, 指住佢鬧, 發晒脾氣咁

其實每個人都有一個壓力既上限, 有時有d 無聊人會想挑戰下人地既上限, 睇去到幾多, 就會係咁做d 野俾激下人, 攪下人

唉....比心機讀書好過la.....

阿sir 發威之後, 全班都安靜晒, 可能係阿sir 最近記人缺點記得密左, 連七鬥士都開始收斂左d^^

今日雖然阿sir 嬲到教唔到書, 但我地就可以自己做阿sir 派既notes^^

其實, 比著我, 我唔止扔咪tim la

我會真係指住佢黎鬧架la, 更可能會打人, 其實我都唔知我學武術黎做咩, 我只怕有朝一日真係會因為武術而出事....

EQ 最近好似低左, 因為好大壓力ar, 方sir 成日都話要test 默書, 咩都要做, 好似科科都有好多野要溫咁....

唔夠時間用la.....

kath 講得岩, 想暫時忘記一個人, 只要不斷要自己做野, 係咁做就得架la, 不過我唔知點解係咁做都會諗起佢.......

呢隻藥好似唔多得wor, Dr. kath.......@@

週會, 福音週, 睇片, 我一睇到最後, 唔知點解開始感觸, 其實, 愛一個人唔係要改變佢既性格, 而係無條件咁去愛, 只要愛就得la

係未我真係太著緊佢呢?

可能係.......

唉..........點解自己唔係花心既人wor, 成日都要煩感情野, 如果我係朱既話, 會好好多, 最起碼唔駛煩感情事, 個個月換畫......=.="

唉...........

聽日要集會, 後日又要溫書, 都唔知返唔返鄉下好, 外婆死忌, 媽叫我要返去睇下wor......

無計la, 因為死左成38年la, 我都未返過去拜過佢.....不過其實我真係唔想拜佢囉....

唉.......唔同既宗教信仰, 要我去入鄉隨俗, 好難架, 再講, 我返到去都只係鐘意楂電單車.....

都唔做其他野架la.....=.="

好耐未試過係公路上時速120km/h 既滋味la.......唉....對上一次返係中三升中四, 我好掛住d 電單車ar.......嗚嗚

其實我真係唔明, 點解楂車一定要18歲姐, 我6歲果陣已經識楂la, 早d 俾人考牌唔得咩........要我等多咁多年, 好難等架嘛......

不過.......算, 返正都等左咁多年, 再等多幾個月我就18歲la, 哈哈哈

到時我一考完會考, 即刻考牌, 連搵師父練車都唔駛, ^^

一定pass ^^

諗到就興奮la

不過最想都係可以俾佢做我第一個乘客, 最衰電單車要P牌, 如果唔係, 我早就載人通山走la.......

要我19歲先有得載人, 嗚嗚......不過我一定會考埋私家車同客貨車, 唔駛P牌, 嘿嘿

唉.....

唔想溫書ar, 好想去玩射箭同埋燒槍........

好耐無玩過la.....

上次去camp 果陣玩過, 果陣有潘係度, 一齊玩得不知幾開心^^

唔知我依家仲可唔可以百發百中呢, 希望得la

你知la, 呢個世上既神射手唔係好多架咋

好悶ar.......

如果入到槍擊港隊就好la.......日日都有得玩^^

最衰學校無箭會, 如果唔係我一定係最勁果個

呵呵

唉....

都係溫書先la, 好想同佢出下街ar........

唉....