今日返校溫書, 搵野果陣, 發現衫袋裡面有d 沙.....

我知d 沙點黎既, 之前同佢一齊去沙灘, 天氣好凍, 仲要夜晚, 緊緊咁攬住佢, 加上件外套, 於是外套既袋就有沙~~~~~~

但我真係估唔到洗過咁多次, 事隔咁耐, 都仲會有沙留係度

我即刻諗返過去我做過既好多野, 好多既錯事, 好多令我令佢都感到遺憾既事, 後悔, 真係後悔!

最起碼一開頭唔識珍惜佢已經係最錯既事!

之後去搵會考既學校, 再一次經過佢住既地方, 再一次經過同佢相擁, 結伴而行既每一段路

個心總係覺得好沉重

跟住入左沙灘吹風, 無言以對

坐係曾經相擁既位置, 望住曾經一齊睇既風景, 吹住曾經一齊令我地享受, 令我地凍既風

今日, 無佢既相伴, 無佢既支持, 無佢既相擁, 回想過去種種往事, 欲哭無淚

真係第一次係想喊, 但真係喊唔出, 連一滴眼淚都吝嗇, 果種感覺, 從未試過, 我只知我愛佢, 但呢段感情將永遠留係內心最深深處, 直到我回到天家, 主既面前......

愛, 也許不易, 亦要堅持, 凭着信念可找到明天~~~~~~~~~