今日, 放學依舊幫tommy 手, 整好一樓電腦室既電腦, 走果陣, 我去攞單車
我係攞單車個位, 我睇下馬路果度有隻動物, 黑色, 係咁郁條尾, 訓左係度.
我呆左, 我就只係企度望住, 我心諗, 如果呢個時候有車駛過, 一定會即刻車死佢
我想打999 報警, 但我又諗如果等警察黎到, 佢都車死左la
我唔知點做好, 我就係唔記得自己都可以出去救佢, 我恨自己
突然間有架的士駛過, 我睇住架車駛埋去佢度, 我只係驚, 我驚會車中佢
結果, 好清脆既兩聲, 架車車過左佢, 我只係睇住佢係咁典左幾下, 跟住就郁都唔郁, 我知佢已經死左la
我恨自己點解唔把握時間即刻衝出去救佢, 我只係知如果我救佢, 我係絕對有時間係架車駛過黎之前救到佢架
我身邊有位男士, 佢都同我一齊睇住果隻野俾車車過左, 佢問我攞左張紙, 話要執開隻野
佢話隻野俾車車到又未死得, 好慘架, 執野一二便好過佢俾車攪到咁........
我好慚愧, 我當時就只係攞出兩張紙, 俾左果位先生, 佢行埋去執開左隻野, 但我睇到果隻野已經無郁到, 死左la
佢返埋去佢架單車度上車走果陣, 我問佢果隻係咩, 佢話係隻貓
我果陣超勁想喊, 我知我又做左件對唔住二家姐既事!
中一果陣, 我去到醫院, 只係可以睇到二家姐既遺體, 果陣我恨自己點解係佢在世我唔對佢好d 而係成日激佢
之後我對住佢既遺體, 決定左, 以後我唔容許任何一條生命係我睇前消失!
要死既話, 係我睇唔到既地方死la, 睇到條屍, 我唔會有咩feel, 但要我睇住一條生命係我眼前失去, 就係我最大既痛苦
我都係果個時候同自己講, 我要做法醫, 我一定要做到法醫, 因為我唔能夠係死者生前幫到佢, 都要係佢死後幫到佢
所以之前成車人叫我踩死一隻蟬, 我都無咁做!
之後我仲記得, 爸爸同我講, 你如果果陣踩死左隻蟬, 我會好嬲你, 因為你唔識去珍惜生命, 蟬都有生命, 佢話唔定都要養家, 佢都有親朋好友, 你唔可以因為成車人叫你去做而去做, 如果你踩死佢, 對得住你良心, 就去做la
我知, 如果我果陣真係踩死佢, 我對唔住我自己!
除左我養果隻狗仔死果陣, 我為佢而感到傷感之外, 我未試過為其他既動物而咁傷感!
今晚我無去救果隻貓仔, 我真係覺得自己好衰
話唔定, 佢同樣要養家, 同樣有好多野要做, 但就只係因為我一時呆左而令佢既生命流失, 我痛恨自己ar!
恨自己對唔住自己良心, 更恨自己做唔到對住二家姐所決定既事!
由二家姐死果刻, 我已經變到鐵石心腸, 之後, 我個心因為一個人而軟化, 同樣地, 今日再因為貓仔既死而變得冷血, 我真係feel 到自己既冷血
我開始feel 到 stella 話我話得岩, 我係變態架
|
