隻手個傷口依舊好痛, 只要有少少手汗or 水氣, 都會令個傷口超乸, 仲要係痛到得果隻手指係度震......

居然唔係全部一齊震, 而係得果隻手指係度震......

近6點到la......

kath call 我, 阿沁唔出duty??!! 病左la....天氣變, 要小心呢!!

希望你快d 好返la.....

大家都要小心la, 天氣轉變好易病架!

我都有少少傷風tim....

唉........

點算ar, 左手既二頭肌大過右手既二頭肌ar.....嗚嗚........

可能隻右手因為出唔到力而用少左, 所以唔及得左手la...

我想對稱返ar.......

呢兩日兩夜, 我所搬既貨, 總重量超過4000磅ar.......

我到今日返home 之前已經唔夠力去搬貨la..........

一個料有100磅, 我搬既貨超過40個料......

傻左......

今日, 個傷口爆左2 次, d 血都依家係一爆傷口就係咁流出黎..........

今日換左3次膠布.....都唔知點解, 每次搬完野, 個傷口一定會爆架wor....

傻左.......@@

唉.....

ok 痛la, 不過媽始終都唔知咩事, 只知我隻手果度傷左, 我諗佢應該以為係輕傷....

一朝早, 我係度整野果陣, 我居然超唔小心咁整到自己隻手指.......我既右手食指傷左, 係咁瘋狂出血.......

直接, 間接壓法都用齊先令血流量減慢....

係減慢咋......

痴線架.....

全隻右手既所有可以做間接壓法既位, 我都加左壓, 先開始止到血........

俾我幫佢止過血既人都知, 我所謂既間接壓法, 係完全封死血管, 禁到少少血都流唔過果種........@@

我成隻手加晒壓先止到血......可以諗到有幾勁la, 個傷口.....

不過費時阿媽見到我流血, 又要例行送我去醫院探下個縫針既護士, 所以, 我只係用左塊普通既膠布貼住左....

因為傷口面積唔大, 所以膠布ok la.......但其實個傷口超深, 我用間尺度過, 只要我個傷口深多dd 咁多多, 就可以見骨la....

1mm 都唔駛就見骨wor, 個傷ok la......

我果陣係整緊個摩打, 衰唔專心諗緊目標人物, 所以就中左招la.......嗚嗚....

不過都算係為佢而傷, 都抵既^^

我果陣成手都係油漆同埋機油, 我即刻沖去廁所以用蜆液洗手la.....

因為岩岩受傷, d 血未咁快流出黎, 所以阿媽都唔發現.......

洗完手, 入左去辦公房......

今日總共用左6塊膠布, 而個傷口係第一次凝血之後, 先後再爆左7次, 每次都係咁流血.......

每次都痛到想死咁滯, 不過無計la....

野, 依舊照做, 傷口依舊照爆.....

佢, 依家照痛, 痛到痴肺ar.......

不過真係唔可以俾媽知, 再講, 我去醫院, 阿媽又跟住黎, 又係趕唔起貨俾人.......唉....

所以都係照做la.....

鬼叫自己要掛住人咩........自己攞黎衰.....

不過今日對佢黎講, 都係比較重要既日子, 諗起佢都唔出奇la......唔怪得我架wor.....

給大家一個忠告

當做緊危險野果陣, 千祈唔好諗起自己既愛人, 否則後果自負la....@@

唉....

成隻右手既手掌出唔到力, 陰公囉......

希望可以快d 用得返隻右手掌la.....好彩我左手都識寫字, 只係樣衰少少姐.......

最好唔駛變殘癈就得la......

唉......

我記得我有一次祈禱, 係因為佢病左, 我話過, 如果我可以代佢傷代佢病而佢無事既話, 幾辛苦都得, 希望今次傷風同受傷係代佢受la.....最起碼當佢病果陣唔駛好辛苦就ok la......

9點, 準時到學校, 幫it team 手安裝伺服器, 而要安裝伺服, 就要係全校所有電腦度較野.....

整完2樓mmlc, 肚痛, 去完廁所之後再努力過.....

整緊1樓電腦室果陣, 辯論隊入黎la....

我都知你地要上網, 但全校真係暫時未有機用到ar ma.......

我盡快起好左超過5部機之後, 就去左一樓課室整機.......

其實, 在場都有好多既人手係度架, 不過佢地無咩點做野姐嘛, 多數都係我同邱哥做......

BB 都返左黎幫手

大家一齊努力之後, 我就整同邱哥BB and 其他既人一齊初步整好左所有既學生機........@@

不過初步整好果陣已經係下午1點幾la......

tim sir, tommy, roman, 邱哥and i 一齊去食lunch.......

tim sir 請食飯.....

之後返到學校再努力, 所有搵返黎幫手既學生, 得返我同邱哥.....

我地下午第一樣野就係整教員C, D室既所有電腦......

慢到嘔電.....

之後就係教員A室.......

想死.....

再落就係教員B室la....

哈哈, 何sir 返黎改簿果陣, 我岩岩整好佢部機, 轉去整wsc 部機, 佢見我坐係wsc 個位, 佢呆左, 哈哈

呢個時候蘭蘭打黎, 我叫邱哥聽, 之後何sir 同邱哥講, 咁大膽坐係呢度講電話!!

教員室有學生坐係老師個位度講電話, 迦密奇景^^

之後整埋wsc 部機就到miss 許部機.......

痴線架, 都唔知咩機黎架, 所有教師只要佢無教電腦科, 佢部機就係d 舊電腦, 慢到嘔ar......

都唔知點解佢地會咁有耐性去用部機架, 仲慢過我自己果兩部.....

低能架.....

教員室完成之後就去左DT RM la....

dt rm d 機仲快過某d 教師既電腦......我o 左咀....

dt rm 既機, 其實係學校it 人裡面公認係第二慢既機黎架, 最慢係library 既機.....

整好dt rm, 整校務處......

果陣已經係下午既5點45分la.....

我岩岩整完第二部, 阿媽打俾我叫我去工廠, 幫佢開通宵wor.....

佢話要開一晚通宵, 咁我當然幫佢la....

爸爸返內地ar.....

真係一晚通宵.......@@

第一次既maths test 係可以做晒覆埋卷都仲有15分鐘剩wor

之後15分鐘, 我用左黎研究禮堂上面d 抽氣, 研究果d 扇葉郁果陣, 摩打成為發電機既時候, 裡面既磁場磁場線同埋電流, 哈哈, 右手握拳定則

好快咁做完, 太好la

phy 我放棄左lu....

我根本就唔鐘意phy, 讀黎都無用, 我係生物人ar, 唔係數學人ar, 我唔想再讀呢d la........!!!

都唔係人讀既, 痴線......

個心一路都好唔舒服, 當然, 我指係我既心情......我個心臟暫時都仲好正常^^