今朝, 返學, 又見到阿珊la....
依家都係等佢個fd.....
返到學校, 同邱哥去飲野, 之後返課室, 呢d 日日都係咁架la....
但問題在於今日有少少特別, 今日飲緊野果陣, 突然間一個排球飛過黎, 打落我地張枱既枱邊....
估唔到我咁重, 但個波都可以將我坐緊果邊成張枱打到移晒位......
嚇親邱哥, 哈哈
之後, 上到課室門口, 一班領袖生係度, 唔知咩事, 企係度la......
跟住入到課室羅生同我講話, 你本野俾人收左
我話咩野, 佢話讀本問題簿.....
我問佢, 唔係尋日叫你交架la 咩? 佢話佢攞左黎抄, 我問佢俾邊個收左....
佢話係領袖生....我即想打死佢....因為我記得抄功課, 如果個阿sir 係惡d 既都一定會記缺點, 仲有可能唔止記一個......
@@
問題在於我重讀中五ar, 上年都無缺點今年會有, 無可能既..........
第三堂, 中文堂, 梁sir 入到黎第一樣野叫我同羅生lunch 去搵佢......
不但止咁, 梁sir 仲將我同邱哥調位.......
因為梁sir 話我係咁同羅生傾計wor....我頂佢ar, 平時又唔教書, 你唔教書我即係唔駛上堂la, 唔傾計有咩好做ar? 你又唔係我做其他科既野, 今年又唔係教範文, 根本無得讀, 唔傾計真係無野好做架wor!
再講, 你都話我地傾計傾得細聲la, 咁你又唔話下七鬥士? 佢地講野大大聲連粗口都出埋la......
唉.......
PE 果陣, 依家都係練羽毛球, 因為我既發球技巧始終都唔好.....
lunch 返到學校果陣先去見梁sir, 點知佢話我俾功課佢抄, 其實係羅生自己唔做功課而攞左我本野抄, 我咩事都唔知....
跟住羅生自己同梁sir 解釋囉......唔關我事
居然羅生一個缺點都唔駛記wor, 連輕微違規都無..........@@
頂....
生物堂, 我依家超唔想鄧sir 教, 因為佢教得好有問題, 佢識既野比梅sir 差太多la....梅sir 我掛住你, 你返黎教la......
不過係無可能架......嗚嗚.....
跟住, 我同羅生一齊去邀請我地既好朋友白骨先生一齊上堂^^
點解唔係白骨小姐, 因為佢盆骨太細la, 個盆骨係男性既size.....
我諗起當日, 梅sir 請白骨先生幫手教書果陣, 我幫佢去4樓請白骨先生架, 上到五樓, 我記得我搭住白骨先生既膞頭, 之後俾d 中一生見到, 嚇到即刻尖叫, 其實果班人係今年既中二ar
講完書, 送走左白骨先生, 咁就上maths la.......
好悶既maths....
放學lu.....
返屋企
睇書睇左好耐, 因為等一個人返屋企, 某某人話佢會5.9補完習打俾我, 結果到左6點半都無回事, 我打俾某某人, 結果換黎既又係我錯, ok!
又係我錯囉, 你最鐘意有事鐘無艷無事夏迎春架la.....
我當我係你邊個ar? 話我唔尊重你, 但你有尊重過我咩? 你做到你應承我既野, 我會係咁問你, 會係咁煩你咩?
送返一句俾你, 呢句係你當初同我講既:[ 你既然做唔到, 當初就唔好應承我!]
無心情做野, 只係知咩都唔想做, 最好就咁俾我瞓一世
|
