今朝早, 唉...........睇黎你真係唔知我會為你所做出黎既事感到心痛??

個紀錄又花多一達la

我諗你應該唔會知, 我個心依然係你度?? 你做既任何野都會令我有feel, 當然, feel 到咩感覺要睇你做d 咩.........

唔好再避la, 成熟d la

maths

由4.3測到5.9

54題有14題MC唔識, 果14題靠我既MC 技巧撞左佢, 應該都岩到3分之一既, 即係果14題撞得中既都應該有4題多d la......

算係咁la.........

之後馬上搵tommy 印野

印完之後就搵社工姐姐, 跟住同佢傾計傾到6.半, 佢走人為止囉..........

我發現原來我真係有好多想法都唔太成熟, 最近呢幾日似乎有d 野諗到, 但又捉唔到呢個念頭, 好怪.......

似乎脾氣開始好左好多, 最起碼我未還口未打人, 呢幾日我日日係咁俾人撩, 都唔知咩事

唉........由佢地講la, 睇佢地講得幾耐, 最多都只係呢幾個月, 忍埋佢la.......

梁sir 終於將記左我既果3個缺點都取消左la, 嘿嘿, 唔取消一定投訴, 嘿嘿

交左功課都要記缺點, 傻架......

唔知點解, 最近睇既野好似真係清楚左好多

有時甚至會覺得兩三個月之前既自己好幼稚, 點解呢??頓悟??

原來會考報7科真係好好架, 我都係岩岩先認清呢個事實

我只要英文合格, 其他科高分過英文, 而又高分過14分, 咁我下年就可以升到la

暫時目標:

中文三級.....2分

英文二級.....1分

數學C.........3分

生物B.........4分

化學D.........2分

物理D.........2分

電腦C.........3分

總分就係16分, 計左最佳六科, 我有16ar, 即係只要英文唔會失手, 攪到唔合格, 我就可以讀到中六la.........

不過我有無果一日?? 今朝先又嘔完血

不過一嘔, 我即刻咩都唔理, 飲左大量既人, 沖返d 血落個胃度, 話之佢會係個胃凝血又好, 點都好la, 血液含有豐富既蛋白質, 鈣質, 鐵質, 葡萄糖.............仲有好多好多

嘿嘿, 唔好浪費, 身體吸收返^^

係時候計畫下暑假有咩玩la, 上年只係用個暑假黎玩, 今年一定要係咁學野, 係咁學係咁學, 時日無多la, 學多d!!!!!

由4點15分測到5點45分

其他級既人放左學都好舒服咁溫書or 去玩

我, 嘿嘿.......辛苦

唔知點解, ut 之後上左圖書館溫書, 跟手睇左本醫學書, 然後當我想溫書果陣, 胃痛........

超痛, 不時個胃完全唔會痛架wor, 今次痛到標冷汗........

好辛苦, 做咩呢??

不過時間真係唔多la, 要努力d la, 得閒死唔得閒病

就算真係死, 都要挨到個中六學歷返黎

今日wsc 返左sch 之後又俾佢照左肺

stella 真係好多謝你, 唔係你既話我都無得免費照肺, 衰人

PE 打羽毛球, 唔會點解, 好似手同腦有d 唔協調

明明見到個波飛緊埋黎, 打極都打唔到

無lala 打唔到平時個水準.........仲要連波都開唔到, 連開三次都唔得, 真係有問題la.......

18之後我要去做返個body check 先得

之後玩踢毽

原來可以用手打.......我真係唔多知......

之後打比賽, 由原先既落後4:6 打到7:6 返超前

阿sir 話打7分, 輸左要掌上壓.......=.="

原先輸果4分係因為唔知可以用手打, 之後係咁用手打, 結果除左開波果陣用腳之外, 其他既都係用手, 哈哈

真係踢既?? 似打多d........

一朝早起身, 真係嘔血.....

都ok 多......

加上呢幾日經常性既偏頭痛, 好辛苦..........

日挨夜挨, 為既都只係升讀中六, 第日可以做到一個法醫, 俾到一個好d 既生活俾你, 嘿嘿.......

太過天真......

身體機能唔知點解, 呢兩個星期起日日都係不停咁下降, 係未真係生左d 野??

時日無多?? 努力ar, 無時間la......

你真係令我太傷心了, 呢一首歌, 太應景

你以往既承諾去左邊la?

今日聖經科睇左一段片, 真係好感動, 至死不渝既愛情!

但我...........

我第一次係學校睇完片之後,

真係流出左淚水, 好感動

或者你會話我懦弱, 但有時我真係覺得淚水同懦弱真係無關係, 為左你, 你知我傷心左幾多次?

白千層

人地唔理點撕開樹皮, 都會用最雪白最真既心去面對

不理你對我係點都好, 我依然會用最真既心最真既愛去對你!

你會成日話我唔成熟, 其實果個係你, 做咩要係咁避開我??

你只會讓我越黎越唔放低你, 只會係對我既一種折磨

中左招la

嗚.......

我咩都諗唔到, 我真係覺得個頭好痛, 呢幾日成日都頭痛, 咩都食唔落, 仲要小腸出血(家居護理學有教點睇架@@)........

晚晚失眠, 仲要日日返到學校都超眼訓, 想專心都做唔到, 只係知我真係好多大大小小既毛病現晒出黎, 死火喇, 總唔係生野 ar......

真係好奇, 自今個星期起, 經常頭痛頭暈, 手力急救都無用, 只係可以靠意志去忍, 痛!!!

呢個星期係我六年中學生涯中, 最經常上堂訓著既日子, 點解呢?? 我都想知, 聽少左好多野, 死火

今日第六堂時間中文UT, 去左禮堂測, 唔知點解, 總會有你既影子係我腦海出現, 唉.........

最麻煩既係我呢幾日仲要諗唔到野, 結果, 嘿嘿, 300字既文都寫唔出, 唉...........

其實寫左最少500字既, 不過質素就緊係...............比垃圾更垃圾

我真係未見過自己會寫得出呢d 咁既廢物, 簡直係浪費紙張, 浪費天然資源

唔知點解, 每當我聽到有人係度話阿RAIN 果陣, 我真係會個心好唔舒服, 但想嬲又嬲唔出, 想鬧人鬧唔出, 想打人更打唔到, 唔通我真係已經變成一隻小羔羊???

以前既粗口戒左, 以前鐘意跑跑跳跳既性格走左lu, 換返黎既係更文靜既我, 以前既武術已經俾返王sir, 劍擊技巧已經俾返晒孔sir

就連影相都既技術都俾師父鬧, 以前影得好好架, 點解依家會越影越差??

依家連錄影都唔到我la, 我已經俾師父叫左去長駐後台, 負責個音效, 可能遲d 我就咩都唔駛做lu, 唉.......

健康情況惡化左, 連日常既野都影響到, 嘿嘿, 你甩難la

到我日朝一日如果可以完全回復狀態, 我諗我會再一次追求你

只怕我無呢個機會...........唉.....