曾某年某一天某地
时间如静止的空气
你的不羁给我惊喜
曾说同你闯天与地
曾说无悔今生等你
也不担心分隔千里
多少欢乐常回味
天空中充满希冀
祈求再遇上不放弃不逃避
今天失落才明白
默默道理
越是怀念你越怕没法一起
谁得到过愿放手
曾精彩过愿挽留
年年月月逝去越是觉得深爱你
如果失约在这生
无需相见在某年
完完全全共醉一生也愿意
来这年这一天这地
重见曾似相识的你
笑得轻松中带伤悲
谈你谈我的新趣味
无法忘记当天的美你的关心不过演戏
多少欢乐常回味
天空中充满希冀
祈求再遇上不放弃不逃避
今天失落才明白
默默道理
越是怀念你越怕没法一起
曾得到过愿放手
曾精彩过愿挽留
年年月月逝去越是觉得深爱你
如果失约在这生
无需相见在某年
完完全全共醉一生也愿意
完完全全共醉他生也愿意

雖然我依家已經唔會打人鬧人, 但我依家夠膽借慈禧太後既說話講一句 : "邊個要我一刻唔開心, 我要佢一生唔開心!"

邱哥哥講得岩, 係龍族裡面如果俾人PK 死左, 唔會憎對方, 只會希望自己升高d lv, 打返佢

同樣地, 我相信有朝一日, 我lv 高果陣, 我可以收復失地!

暑期學習內容: AFA, CPR, AED, 箭術, 騎術, 考電單車and 3.5噸以下車輛牌照, 直升機機司牌照, 電腦伺服器維護, 槍械射擊, 剪接練習, 音效控制, 舞台燈光控制, 攝影練習, 其他既時間安排去duty course and 追女仔

愛得越深, 傷得越深, 只可惜你輕看左我所受到既創傷, 但唔知點解, 咁耐la, 我好似仲未能忘記你, 你既影像總係我心裡面出現, 你當時輕輕既搖頭, 就好似一把刀直接刺入胸口既痛楚, 又愛又恨, 好辛苦

面對會考, 今年要孤軍作戰, 得定唔得? 我怕到時又只係差一兩分, 我會恨不得馬上衝落海

有個同學當年臨近會考先分手, 結果作文係亂寫, 我唔知又會唔會呢, 嘿嘿

可能到時我作文作到一半, 你既影子出現係我腦海, 我真係亂寫......依家交俾大番薯既作文全部都係亂寫, 只因為有你既影子, 唉.....

好痛, 好慘, 好驚, 我怕我會失敗, 我個心已經唔能夠忍受任何挫折, 我要時間, 我要時間, 或者一個月, 或者一年, 或者..........

早上, 1點, 訓唔著, 跟住我就起身溫書, 不停咁唔俾自己亂諗野, 只係要溫書, 終於, 45分鐘之後成功溫熟左成課bio.........

今日, 唔知為咩, 上堂只係feel 到頭痛, 頭暈, d 眼水會不自覺係咁就出黎, 但我明明果陣好留心上緊堂.........好奇怪

放學之後, 我去左搵社工姐姐傾計, 無計la, 實在好多野睇唔過眼, 上堂講咸濕野既人太多, 攪到我太火

為左避免有打人既情況出現, 緊係自己搵社工姐姐傾計la

好la, 跟住去左蝴蝶M記, 搵BB油佢地

到左7.半果陣, 去左新屯M記, 其實依家我對新屯好恐懼, 不過都去左果度

幫嘉嘉溫書

溫到10點, 返home, 返home 果陣唔知點解我發現一時之間講唔到佢個名

真係講極都講唔出佢個名, 發唔到果個音

好凍, 今晚真係好凍, 不過點都唔及我個心咁凍, 我只係知自己個心已經好寒

其實我好好奇, 點解今晚幫嘉嘉溫書果陣, 我會完全做唔到平時既我, 我居然收起左我口花既性格, 收起左我平時會發火既憤怒, 收到左我平時會打人既衝動.........

點解呢, 我都唔知, 我只係知我真係變左一隻小羔羊

唉........

但我唔知點解, 我今日會對3樓, 1樓, 兩間既M記都充滿住恐懼..........

不過我依家只係有一種feel, 從今日起, 我要不論幾多時間都好, 我都要成為一個中六學生, 我要學既野太多, 時間太少

我真係無咩幾可會10點都仲著住校服未返home, 仲等BB油佢地話要係M記通頂wor, 傻架

我先唔制, 不過study leave 可以諗諗

今日, 中三既莫同學走左去禮堂同偉大既副校長傾計, 嘿嘿, 我始終都覺得趙副校好過羅副校, 羅副校成日都唔出聲, 好似好cool 咁, 但趙sir 最起碼會主動同人打招呼, 雖然佢既聲譽差d..........

嘿嘿

今晚, 我重遊尋晚所行過既地方, 突然間, 我發現原來我個心裡面仲係不停咁發緊癲, 但我不停咁用理智咁去控制住, 唔俾自己發出黎, 不過講真, 壓力真係好大

其實, 尋晚, 我真係第一次產生左一種好想殺人既感覺, 而今日放學, 我都同handsome 講過, 如果依家返到古代戰場, 我一定係殺得最多人果個, 但同時都會係好快死果個@@

無奈

搵完社工姐姐傾計, 係會開心d 既

第一次同佢傾計果陣, 傾左75分鐘, 第二次同佢傾, 傾左45分鐘, 第三次唔知會係幾時呢

我真係唔想每次都係有好大壓力, 大到就死果陣先搵佢

其實我都真係好慚愧, 每次搵佢都係因為自己有著好大既壓力, 好大既情緒問題先搵佢

第一次係隊裡面既問題, 第二次就係班裡面既問題, 唔知第三次會係咩, 但我真係唔想再搵佢, 當然搵佢食lunch 另計.........

講真ar, 原來當心情好煩果陣, 溫書係可以紓緩下個情緒架

仲有, 就係當自己食緊糖果陣, 心情都會輕鬆d

最後, 仲有一樣, 就係聖經, 我居然今日係M記好想發打人果陣, 為左逼自己冷靜, 叫自己去睇阿金本聖經, 就係呢個時候, 我不停咁去睇, 雖然唔知d 經文講既詳細含義, 但我都竟然可以變到心境平靜, 仲可以開始有傾有講, 呵呵

聖經真係掂^^

今晚ar, 又要溫書lu, 死都要死上中六, 我要達到我既目標!

今日靈修時間聽到一句, 無目標既帆船, 就算係風都幫佢唔到

呢句真係好岩聽, 我既目標係法醫, 依家所差既就係幫我既風!!!

不過似乎暫時要靠自己條船既摩打行住先, 呵呵^^

升到中六, 會係我依家唯一既目標, 就算點都好, 呢個都係我既主要目標, 當然, 會考完之後, 主要目標就會係追女仔同埋學野

呀係ar, 我今日又諗多左一種新既比喻方法去教bio 既第3課^^

酶係專一, 而且可以重覆使用^^ 媒人婆ar, 哈哈^^

雖然依家個心都仲係好酸, 好痛, 但唔理點都好, 我總唔信我會一生留係呢個黑暗面, 我始終相信有朝一日, 你會返黎!

望清楚我ar, 你會發現我心深處依然有你!

missing you

今日, 我居然會見到d 會令我痛心既事

好, 好好, 居然可以令我自出娘胎以黎, 從未諗過既一個念頭, 死!

我第一次會係街上自己飲悶酒, 第一次會係街上面發癲, 第一次會係街上亂打野, 第一次, 我既第一次都似大多都係因為你

我發現原來就算肉體上幾咁痛都蓋唔住心裡面既痛, 我發現原來自己係咁脆弱, 咁易流血

我發現原來我唔係想像中咁堅強, 我發現原來你每次病痛果陣, 我所面對既血光之災係白廢既, 但制止唔到

我真係第一次, 會係街上面不停咁打野, 返到home 繼續癲

我真係好後悔, 好後悔, 我過往所做既野, 而唔識去珍惜

如果我有用心去珍惜, 最起碼唔會失去果陣再後悔

我原本以為, 你只會留係我心深處, 唔會再令我爆發, 原來唔係

或許, 你唔知, 我要上中六, 為既係你!

我成績差, 因為想你, 但我依然永不放棄, 要繼續努力, 因為你給我鼓勵, 成也蕭何, 敗也蕭何!

醉la, 我真係醉la, 我寧願一醉不醒

錯la, 我真係錯la, 我錯在唔應該去新屯

我錯在我無同邱哥佢地留耐d, 我錯在早走

你給我希望, 讓我滿心歡喜, 再將希望親手毀滅, 讓我尤如下地獄!

我依家超想周街打人, 真係好想好想死!

今晚我睇左海猿第一擊

好多野諗, 愛情, 人命, 友情, 理想, 呢4樣野究竟係我心目中既咩位置??

我會唔會為左自己既命, 放棄友情, 放棄左一條人命?

我會唔會為左理想而放棄一段愛情??

我第一樣野我會諗, 如果俾我去做一個法醫, 而放棄我自己心目中既愛人, 我一定唔會, 我知如果我放棄我既愛人, 我一定會一生後悔

但理想呢? 我諗左一陣, 我發現原來我係一個重感情多過理想既人, 我寧願一生遺憾都唔想失去一個愛人

但如果生命同愛情呢, 諗多左陣, 我決定左, 就算死都要一齊

朋友呢?? 我會好似教官咁, 放低朋友定係自己好似主角咁?

睇呢套野之前, 如果問我, 有朝一日同隊友出勤, 會放下隊友定係永不放棄, 我會答放下隊友

依家呢? 或許會, 但呢個決定既機會好微

突然間, 我會好想再走埋去你既身邊, 係你耳邊, 溫柔既同你講一句, 我愛你!

如果話要我得到全世界, 但結果要失去你, 我會一生後悔, 遺憾, 我永遠都唔可能成為最開心既人, 因為我失去左對我最重要既你!

或許我想得太天真, 但我真係諗左好耐, 如果我他日成為一個法醫而無你同我一齊分享呢分喜悅, 我都唔會開心

如果我有你係身邊, 而做唔到呢個理想, 我會覺得東家唔打打西家

唔知幾時開始, 你已經變成我生命中既人部份, 就好似我身上既肉咁, 失去你=割肉

呢幾日, 我不停咁溫, 不停咁學, 為既, 只係升到中六

點解要升上中六? 以前係為理想, 今日既答案係為左可以以後同你一齊生活而做既事前努力! 都即係為左你

我記得你有本中醫既書係我度, 依家我已經唔會日日望住你係電腦既想黎諗住你, 我係會望住本書諗住你, 我會覺得本書就係你爺爺對我既監察!

我, 依家係以前既我, 永不放棄係我既天性, 我從不會放棄同你相處既日子, 以前係, 今日係, 將來都係

我, 絕對唔會放棄任何機會, 我仍舊會對你努力追求, 就算他日七老八十, 我依然會

請記緊一點, 以後, 唔理邊個同我結婚都好, 我心深處都仍有你既影子, 沒齒難忘

呢兩晚, 我終於我諗通左la, 與其為左一個愛字, 不停咁去做d 完全無用既野, 倒不如努力去讀書, 做一個中六生

到時再去重新追求

依家時間太緊逼la, 一年中五有7個用既時間, 結果就俾我用3個月黎做左d 無咩用既野, 時間太少, 努力

我唔知依家仲有無人會黎我度睇, 特別係某人, 但係我只係希望你會知道, 我係永不放棄既人

只要你看清楚, 我仍然是愛你