開左一晚夜車, 為既就係等一個電話, 唉......

鬼叫我有事搵你咩......點知原來你唔係未返home, 而係已經訓左, 激死我la!!!

今朝早, 我係房, 媽咪就大大聲係廳叫我, 話三姐架車有問題叫我去停車場同爸爸睇下咩情況..........

我幾驚架車俾人偷左ar, 媽咪又唔講清楚wor

之後我再問佢, 佢先話係架車個防盜係咁響, 叫我即刻去睇下wor...

因為我係最後掂過架車架嘛, 我幾驚架車因為我既問題而俾人偷左ar....

去到停車場, 爸爸唔係度, 不過架車係度

安心囉

我打返屋企, 原來爸爸又返左home....

佢返去換遙控既電......佢話無電wor....

終於ok la^^

不過媽咪好似真係當我萬能咁架wor

有咩事都係叫我幫佢整........@@

門鎖要我幫佢整, 算, 返正我識, 電腦有事, 又係我.....IT人都唔係咩都識la, 居然連電視都要我整.......但我又居然整得好wor.....@@

之後就連洗衣機都要我整, IT 人唔駛整洗衣機架, 我真係要高呼一句, 我的媽ar......

但奇就奇在, 當我叫我的媽果陣, 佢又真係應我架wor........@@

無奈....

今次居然連架車既防盜都要我搞, 唉......遲早有一日, 我會成為超人架........咩都要識, 仲慘過會考.......嗚嗚....

下午, 訓左一覺, 無計la, 開左一晚夜車, 係攰d 架la

不過, 下午訓一覺, 一個小時會= 晚上既兩個小時架, 唔知點解架wor, d 書真係咁寫......@@

而事實上, 我真係下午訓左4個鐘之後, 果晚我玩通宵都唔攰架wor....

大家可以試下, 仲有一個, 大家練下你地既左手字la, 開發你地既右腦, 會醒d 架, 唔駛成日都好似豬咁蠢, 成日俾我叫豬蠢就唔好la, 嘻嘻^^

一早起身, 無野做, 唔想溫書, 用左陣電腦

訓練右腦^^

10點幾11點, 返左學校幫jenny 溫左陣書

11點8, 佢走左, 我就係學校磨鞋, 同埋食lunch

之後我又見到阿kai

佢話溫書wor, 打死都唔信ar

1幾就2點果陣, 我換summer U, 阿沁既U........@@

之後, 就出港head

到左就見到一個我係隊裡面, 我指既係全港咁多隊裡面最恨果個, 呃鐘怪魔

佢原來都有份面試, 不過佢唔認得我, 咁就緊係la, 佢返左幾多次meeting 姐, 一個service 裡面開左咁多次, 佢有出席既得果2~3次

佢認得我先奇la, 咁又係, 我唔做野ar ma, 咁佢未唔認得我囉, 我唔俾鐘佢ar ma, 佢點會認得我姐, 佢只會認得d 俾鐘佢既人姐

又一個敗類!

面試, 我知我唔掂架la, 返正無心理包伏, 無所謂la^^

平常心面對就最開心架la, 哈哈

除左對住d 同我原則不符既事, 例如呃鐘! 做人最重要可以對得住自己, 對得住神! 睇你第日點向神交代!

呃鐘怪, 哼哼

全日都超勁無癮, 我只係想收到個電話, 話我知個情況姐, 咁都做唔到.....唉......

我知有時係情況唔許可你打俾我, 但我總唔信你走入個廁所打個電話俾我都做唔到囉, 話你又唔係, 唔話又唔係, 都唔知點講好.....

唉....

今晚, 我去左美麗華既翠亨邨參加一個舊鄰居既婚禮, 以前佢地住我隔離架咋, 以前我住922^^

超掛住以前既日子ar, 人情味絕對會比依家濃!

我記得以前住果度既時候, 每一日返學放學都會見到隔離左右既鄰居, 佢地都超級錫住我, 卡卡

好彩我無俾佢地寵壞姐

今晚我去見返佢地, 講真ar, 我真係有好多人都唔認得la

我搬走果陣, 記得係98年, 即係8年前既事, 果陣即係9歲既事

印象好模糊

不過住係隔離而又最好交情果幾個, 一定會記得

今晚我參加左一個, 我自出娘胎以黎, 最靚最好既婚宴, 講真ar, 由細到大, 所參加過既婚宴都近100場架la

但最好係呢個

超感動, 我係成個宴會中, 只係感到愛, 係其他宴會之中好難可以突顯到呢樣野出黎, 超正

我就係當時, 決定左一樣野, 我第日攪既婚宴一定要比呢個好, 如果好唔過, 我唔擺酒la

一係就唔擺, 一擺就要係最好既, 俾個最美麗既回憶老婆^^

今晚, 既感動, 都係其他宴會俾唔到我架, 我決定左la, 到我結婚之前, 我一定要教一批人出黎, 俾佢地學攝影攝綠, 俾佢地係當時發揮佢地既能力^^

無計la, 家姐阿哥結緍果陣, d 攝影攝錄師既技術超唔掂ar, 唉.........

一首我覺得超正既歌, <<你的名字 我的姓氏>>

裡面所講既, 係我既心聲

你的名字 我的姓氏  張學友

曾經說過  尋覓愛情
就像天與地別離和重聚過程
而我跟你  平靜旅程
並沒有驚心也沒動魄的情境

只需要  當天邊海角競賽追逐時
可跟你  安躺於家裡便覺最寫意
只需要  最迴腸盪氣之時
可用你的名字  和我姓氏
成就這故事

從此以後  無憂無求
故事平淡但當中有你
已經足夠

如果要說  何謂愛情
便是跟你動盪時閒話著細情
和你走過  無盡旅情
就是到天昏髮白亦愛得年青

不相信  當天荒不再地老不合時
竟跟你  多相擁一次便愛多一次
只相信  最迴腸盪氣之時
可用你的名字  和我姓氏
成就這故事

從此以後  無憂無求
故事平淡但當中有你
已經足夠
從此以後  無憂無求
故事平淡但當中有你
已經足夠

快樂同樣像你我一對
已經足夠

今日, 都唔知算開心就唔開心

一朝早8鐘返到sch, 見到kary 係學校外面練稿, 我知, 又要辯論la, 比心機

我再一次搵過尋晚我所行過既所有角落, 連我無去過既地方都搵埋la

都係搵唔到銀包, 我超唔開心, 因為裡面有d 野對我黎講, 屬於就算我死都用黎賠葬既野, 對我真係超重要!!!

搵唔到, 超唔開心

連埋貓果度, 我都仔細咁去搵過

每個角落都仔細咁去搜索過, 無ar

之後我返學校la, 再搵過d 廁所之類既地方, 都係無ar

到最後, 我去左校務處寫左簿先, 打算早上都搵唔到, 完左meeting 就會去警署報失

點知, 呢d 時候總會有神蹟出現! 我寫簿果陣roman 係度, 佢話會幫我上mmlcb 睇下wor, 就當我今日做第三次社工果陣, 書記搵我ar, 佢同我講搵到, 原來真係跌左係tommy 個位度......因為我入過佢間房度坐........=.="

感謝主^^

要請返你食飯先得, 哈哈

所有証件搵返, 所有野係齊度, 哈哈

不過有件事, 真係令我更唔開心架, 今日返學校果陣, 我係度諗緊隻貓既事, 點知突然間係我面前出現一隻啡色貓, 佢完全唔怕我, 我行近佢, 我見佢係咁仇視我, 我好奇點解佢會有呢種眼神la, 當我發現原來佢其中一隻眼流緊血果陣, 我想幫佢處理個傷口架, 點知我都未郁, 佢就走左入草叢裡面, 之後回頭繼續仇視我, 我當時只有一種感覺, 內疚! 或者佢都知係我間接殺左佢既同伴!

由細到大, 我都好有動物綠, d 小動物只要見到我都唔會調頭走, 反而會走過黎同我玩, 所以就算街邊既流浪狗我都唔怕, 我從來都唔怕自己有會動物傷害到架, 佢地第一眼望我既眼神總係好似望住朋友咁! 但我唔知點解, 今日隻貓見我就調頭走, 見我就仇視我, 我真係超唔開心!

今日, 操緊果陣, 我睇到咩情況架, 唔識叫command 唔緊要架, 比心機學囉, 有咩問題姐?

呢d 叫咩態度? 自己唔理會commander 既指示, 自己行埋一二邊, 俾說話我聽, 你知你錯咩就唔駛係咁話你la

超勁唔開心, 全日都係, 超唔開心

散集會後, 同miss tiger ka kawai kaman 一齊去食野, 之後我返去學校, 真係超眼訓, 我居然係咁坐左係度訓左個幾2個鐘........@@

跟住返home la

好攰, 要休息, 但就唔係屋企, 都唔知去邊既......

今日, 返學果陣, 依然見到貓仔訓係路邊

感謝尋晚果位先生, 令貓仔唔駛再俾車輾過

貓仔, 我真係對你唔住, 我真係好內疚

我如果第一時間唔係諗救唔救你, 唔係諗報唔報警, 我係絕對會夠時間救你, 而且我都唔會有事

你既生命, 因為我一時既發呆, 一時既思量, 就此而消逝

我只能夠就你而禱告, 就你講句對唔住

lunch 果陣, 我見你都仲係訓係果度

經過一晚而又一日既日晒風吹

你依家都只係默默咁訓係路邊, 我只係feel 到個心超痛

lunch 後, 我約左邱哥去幫手埋左隻貓, 其實講真, 貓死後, 係應該掛係樹上而唔係埋係地上

但我真係唔忍心見到佢因我而死仲要因我而曝屍

今晚, 我唔見左銀包, 裡面有身分証, 回鄉卡, 學校圖書証, 圖書証, 八達通, BFA, BHN, 三年既學生証, 器官捐贈卡, 一張我同我最愛既人第一次係學校約會果陣, 佢返學校果陣買既車飛, 一張佢係沙灘寫俾我既野, 我一直都無諗過我會唔見銀包架, 所以我就一路都放係銀包度, 等我可以好好保管, 結果就唔見左! 我真係好唔開心, 最有紀念價值既野, 我居然咁都唔見, 真係好嬲自己, 之前害死隻貓, 今日唔見左最重要既野!

返到home, 11點幾la

沖左涼, 食野果陣, 我同媽講我呢兩日既事, 佢只係講左我一句, 你太心軟la

但我真係心軟咩? 佢迷信既性格又出黎la, 又引經據典咁俾左本野我睇今年運程..........唉.......

今晚, 我返home 果陣諗左樣野, 其實今個星期都好黑仔

星期日出比賽果日, 我唔見左一隻幾百蚊既手錶, 生日禮物黎架, 潛水深500米既錶, 就咁無左, 仲要係更衣室唔見, 唉.......

星期三, mp4 壞左, 整左一個月多少少就壞過, 仲要裡面原裝既零件都俾人換晒, 價值398既mp4, 連之後整過一次150, 唉......

又係生日禮物

星期四睇住貓死, 係對我心靈最大既打擊, 再一次令我思考生命既意義

星期五, 唔見銀包, 裡面既$ 只得50, 但係証件既$$ 都超過1000 la......

今晚媽咪令我諗起我細個果陣對生命既追求, 對生命既執著

小學, 二家姐養左隻蒼鼠仔, 我同佢玩, 玩玩下, 佢突然間唔郁, 我望住佢望左幾個字都唔郁, 我心諗你唔會咁好演技既, 聽朝再同你玩, 結果第二日佢都仲係果個姿勢, 原來佢已經死左, 果陣我超唔開心, 因為我覺得我殺左佢, 二家姐最愛既小動物ar

都係小學, 仲住係湖光樓果陣, 係樓下執到一隻雞仔, 超細隻, 應該出世無耐, 攞左落工廠養, 日日見佢同狗仔一齊開餐, 超開心, 但之後攞左俾當時住泥圍既5叔公養, 結果就俾佢隔離屋既狗咬死左! 當初仲以為佢講笑, 但當我搵左好耐都搵唔到果陣, 5嬸婆話我知, 呢個係事實果陣, 我先信, 結果我為佢既死而內疚好耐, 因為我唔能夠好好照顧佢而令佢死!

都仲係小學, 都係住湖光樓果陣, 都係執到雞仔, 但今次既已經ok 大隻, 都係攞落工廠養, 日日都同佢玩^^ 但有一日, 我放學落到工廠, 見唔到佢, 原來係佢半夜果陣, 因為工廠其中一個窗無關, 所以佢走左出去, 我果陣超擔心佢會唔會搵唔到野食, 會唔會餓死, 我果陣真係超掛住雞仔

仍然係小學, 但已經係龍門居既日子, 有次狗仔大病, 我平時摸佢既腳, 佢就已經好嬲, 但今次佢無嬲, 佢只係望住我, 佢果種眼神我一世都唔會忘記, 但我果陣真係唔知咩事, 我只用彈彈波同佢玩, 但佢無再好似前咁理我, 我果陣超嬲佢, 因為佢唔理我, 我就咁走左, 無理到佢, 但果陣, 我唔知原來就係我呢一世人最後一次見到佢, 我記得第二日, 三叔應該係同佢睇醫生架, 點知爸爸落完工廠後同我講, 狗仔死左la, 大家姐即刻係度喊, 我安慰佢, 當佢唔喊果陣, 我就入房自己喊, 我仲記得我果陣係知佢死後三日, 每晚訓前都係掛住佢, 每晚都係咁喊, 但我又唔敢俾屋企人知, 因為佢地總係話, 男仔唔准喊架!我記得佢係自我出世就陪我玩, 玩到我11, 12 歲果陣, 佢先離開我, 係我細個果陣最好既朋友, 但就咁離開我, 我仲記得佢死後第7日, 我問媽咪狗仔既靈魂會唔會返黎睇我, 佢話狗仔咁乖, 佢早就上天la......之後我落工廠, 見唔到狗仔, 我真係超唔開心, 因為以前我落工廠佢總係會跑黎同我玩, 但呢次佢無咁做, 因為佢已經離開左........直到依家, 我仍然係咁掛住佢, 我細個最好最好既朋友

中一, 4月26日, 我人生最灰暗既一日, 二家姐係呢一日離開我, 全身器官能力衰退, 死亡原因有好大既爭議, 因為屯院話舌癌, 瑪嘉烈話腎癌, 保險賠唔到, 因為死亡証由屯院出, 呢個死因無得賠, 我對住二家姐遺體講一樣野, 我要做法醫, 我唔俾任何一個生命係我眼前流逝, 我要努力讀書, 為你檢屍, 我要幫你查清楚你既死因, 我唔可以令你死得不明不白! 我仲記得, 果一日放學, 我原本想同潘一齊離開學校, 因為平時我都係同佢一齊走, 但果一日, 我唔知點解我要自己走先, 結果返到home, 爸就打返黎叫我同媽去醫院, 到左先知佢已經離開我, 我細個果陣最錫我, 最愛護我既, 就咁就扔低我, 我後悔我無對佢好d, 等佢死左先後悔! 我就係佢死果一日開始, 我個心開始冷la!

我就係呢d 事中, 開始諗生命既意義, 我個心痛!

唉........個心又開始痛, 係心痛ar, 我做唔到我原本應承二家姐既事, 我覺得第日會無面見佢.........