好耐無打日記la.........

唉........

無計la, 依家都正式返學囉, 點都會少d 時間掂電腦架la

一朝早上電腦堂.....睇返上年一位電腦攞A既同學, 佢所打既報告, 同我既相比, 我發現佢攞到16.8分, 係佢應得架

佢做得真係好好

唉.....

lunch 前上PE, 我同邱哥, 巨健and 龍哥一齊打羽毛球.......

點知呢個死人龍, 明明同我同一陣線打架嘛, 佢搶我波黎打, 跟住就一支羽毛拍兜野打落我個頭度, 仲要係用拍框........

痛到ar....

好彩我自細頭硬, 如果唔係真係俾佢碎腦........

lunch 後, 上生物堂, 點知對返上星期四既ut 卷

點知77分滿分, 我先得52.5.....

唉.....

得果6成8, 7成都未到

我後面攞B攞C 果d 重讀生, 佢地都有6字頭

但雖然攞D 姐, 總唔可能今年都只係得呢個分架嘛

唉.....

勁唔開心

放學meeting

係咁叫錯command, 再唔係就唔記得command, 唉......

我feel 到我唔係一個做commander 既料ar.....

我居然連操都操得唔好, 邊有資格去要求其他人去聽我既說話去做?

以前就話因為我識操, 識叫少少command姐, 但依家我既優勢都無左la......

我係時候重新做返一個最基本聽人指令既人la.....

唔知點解, 我最近會成日都因為一d 好少既事而令情緒起到變化.....

以前就算俾人打都可以心如止水, 但依家只要俾人用粗口話兩句就已經令我有一種打到佢瞓係度既想法.......

點解會變到咁暴力?

呢個係未真正既我?

我唔想成為5C 班既超級破壞王ar.......

唉....

都唔知以前學武術係岩定錯

我最近總係怕我有朝一日真係要用到呢d 武術黎同人打交

以前打過一次, 我已經知武術既威力, 但我唔想用到

好痛苦ar.....

成績唔好, 就話比心機

做唔好command 就話再讀過d command la........

情緒有問題, 就話冷靜d la.....

但屋企既問題又如何?

我由出世後幾日就去既工廠, 我係果度長大, 係果度同好多既小動物玩, 好多既機器操作係果度學返黎, 對物理, 電子有興趣因為呢間廠, 對電腦有興趣都因為呢間廠, 由細到大都係間廠渡過

果度已經係我第二個家

但依家居然話要收起佢?

唔通你地唔記得我曾經講過話我要讀完書之後接手你地既心血咩?

阿哥唔接, 唔代表我唔接

一個可以代表我童年既地方ar

我細個果陣, 養過既狗, 養過既雞, 都係果度架, 唔通你地唔知我對呢個地方有幾多感情咩?

你地創呢間廠, 你地收返, 好正常, 但點解你地就唔可以等多我一兩年, 第我讀完書出黎接手?

你地知我幼稚園就識得用果d 機架la.....

俾我接唔得咩?

你地寧願咁多年黎先後用成百幾萬買果十幾部機, 但依家用20萬當廢鐵賣返出去都唔俾我接手?

呢個地方代表我童年, 代表我興趣, 代表我既長大, 更代表我既愛心ar, 幾多$ 都買唔番架!!!

唉.......