今日, 朝早就係屋企釘自己d 章

下午去家姐度食飯, 之後返學校攞阿ka 既U, 幫佢釘.......

佢釘果個, 我真係好想拆左佢.....@@

不過都係算la

6.半, 出門口, 去尖沙咀美麗華.......

放低左禮金之後就返home, 因為我有野做.......

好多野要做

今晚, 我又再一次收唔到電話la.....

唉.....

究竟你去左邊?

唉....

今晚, 我終於都攞返個心出黎, 拎起支毛筆, 寫返毛筆字.......

好耐無練過la, 生疏既....

講真, 人既生命太短la, 但我既興趣太多, 訓覺對我黎講, 係浪費生命, 但偏偏唔訓又唔得....

好無奈, 只好係真係唔訓唔得果陣訓囉, 其他時間, 除左平時用黎溫書既時間之後, 其他既都希望用到係自己d 興趣度la....

今晚, 呢個通宵, 做左好多野, 幾充實架, 只係練毛筆字都已經練左近3個鐘.......

之後就係洗衫, 晾衫, 不過做咁多野, 為既都只係唔令自己去訓, 因為我仲要等電話, 一個超重要既電話

我記得有個人同過我講, 當你係呢剎那聽唔到呢個電話, 好可能會做成一個無可能彌補既後果, 所以, 以後無論咩時候, 我都唔希望會有miss call 出現........

既然我要等電話, 就係清醒既情況下等la

一陣仲要釘章, 磨鞋, 一晚既時間太少

下午同芳姐傾計果陣, 講起聖經, 我同佢都有一個同感, 就係今日同聽日分別睇一次同一篇經文, 果篇經文總係有新既意思講到俾自己聽

幾好架, 不過太大本, 夜晚唔睇得, 因為睇就會訓著, 到時就聽唔到電話架la............@@

今日隻手指既傷口由原先已經埋左口, 變成再次裂開, 因為我今日著鞋果陣, 唔小心整到個傷口, 攪到再一次爆開, 當然, 又係痛到傻左...........

或許, 呢個爆裂就係要提醒我多一次, 以後唔好再係做危險既時候諗起自己既愛人........

也許, 呢個傷口會有一條疤痕出左黎, 要我永遠, 一生一世既記得佢.......

..................................