今日返左stjohn 既meeting^^

終於都番到la

之後就照舊上左課室, 做左呢日既開場白......

跟住就去左玩marker problem

即係話要將個right marker 係隊度拉走, 拉去唔知邊度, 之後就要個commander 將隊伍操返過去個right marker 度

都幾好玩^^

不過tiger 真係玩到我死咁滯, 其實到我玩果陣, 我真係想同gloria 講, 叫佢放d 人兩三分鐘時間, 俾佢地休息下先.......

不過都係繼續la.....

玩完我就負責帶番d 舊隊員, 而tiger and kath 就帶新隊員la

真係唔知點解D 舊隊員會咁架, 操左咁多次, 點解都仲係好似岩岩學識操果陣咁, 操極都仲係操左個open order 出黎.....

陰公.......

結果真係激到我又發火, 以前都唔會操得咁差, 就算係操得唔好, 退步左, 都無理由會操成咁架..........

係gloria 面前鬧左佢地幾句, 佢又唔出聲wor, 都唔知係咁專登叫我做衰人架.......嗚嗚.......

不過鬧完佢地又真係操得好左好多^^

太好la

操到超時, wsc 同gloria 都唔話dismiss.....咁我都無計架, 咪唯有繼續操囉, 加時約15~20分鐘左右la....

之後同gloria 食飯, 好唔捨得佢ar.....嗚嗚......

佢請^^

之後就諗住去海翠幫家姐阿嫂油油la....

點知佢地又話唔駛wor.....

番屋企囉....

今日我9點50分先起身, 我就起身睇左陣書同打機la, 當媽媽出門口果陣, 舅母同表姐個仔黎左, 之後我就要同佢地一齊la, 因為佢地無鎖匙入home, 所以只有過黎囉, 結果個死仔包就係咁大肆破壞........

唉...........

如果我唔係最近耐性好左, 我真係打佢架la, 連電腦椅都咬爆.......

crazy.....

之後我到左四點就番sch 同佢地一齊出門口囉......

番到學校又同wsc 傾左陣, 之後既結果..........唉.......

同吉吉傾左D 籌委會既野, 結果我打一次電話問到既仲多過佢同我講既..........

無陰公

之後又同張傾左陣計la, 結果都係..........唉......

今日好似咩都唔多順咁......

唉....

今日朝早打機打到下午4點, 跟住就落工廠幫手做野, 又係做印刷, 一路都平安無事, 點知........

我爸一沖涼, 得我一個果陣, 傾電話既時候, 部機突然之間出左問題, 扯料........

結果印出黎d 料岩岩隔左半個袋......

唉, d 袋晒左la, 唯有回收囉, 好環保架, 只要生產過程中出錯既部份, 產生出黎既廢料工廠都會回收, 呢個過程大家可以絕對放心, 一定唔會產生二噁英, 唔似得早前咁d 叫超市響應唔用膠袋既所謂團體所指既咁...

無錯, 膠袋大部份係生物不可降解物質, 但依家工廠所製既垃圾袋大都係生物可降解...

而其他生物不可降解膠袋, 只要大家用完, 收集, 次過攞去回收, 咁就一定無二噁英, 但如果大家攞去燒, 聚氯乙烯就一定會產生二噁英, 因為含氯...

唔好以為回收係無$.....

其實係有架, 係斷磅計架, 不過我唔記得左一磅既值$ lu.......

大家如果真係要環保而唔用膠袋, 我只能夠講, 大家都係白痴既!!!

如果大家係環保, 就唔係唔用膠袋, 而係唔扔膠袋, 因為扔左一係攞去燒, 一係攞去堆填, 咁就會破壞環境架la, 重有既係唔好以為政府話堆填區內一噸之中含有高比例既膠袋, 其實果個係政府玩野, 因為d 膠袋佢係計濕重架, 而膠袋大家知係唔透氣, 所以d 裝水之後, 係重幾十倍至幾百倍都有架, 其實個重量比例之中, 膠袋話佔1% 已經好誇張, 點會有幾十個%咁多先得架, 唔好聽政府吹水la

呢d 資料我由細都係工廠聽到大, 實際情況係點, d 無做過膠袋既人就唔知, 自然就聽政府亂講架la, 我依家話俾大家知, 你地有咩關於膠袋既環保資料, 你地就係度問la.......我會依我最新既資料盡量同大家講.....

講多左其他野tim......

返到home 之後就同tiger & gloria 開會, 開之前當然都係出左個order la......詳情問stella

之後蘭蘭打俾我, 問我點解我唔幫手打電話, 如果有得既話我會唔打咩? 總聯絡唔止做聯絡架, 係做埋資料整理同情佈收集架, 好似你咁得閒wor, 你咁想打, 你幫stella 打埋la

開會開到12點30, tiger 又唔知死左去邊la, 唉, 開會wor......

開會開到20號meeting 後ar......

今朝早, 8點幾9點先起身, 就打電話去電盈度攪野, 攪左一輪之後, 交$$

銀包大出血la.....

跟住打機, 打到1點

之後落工廠食飯, 跟住就幫爸爸手搬貨同埋印刷

我一開始果陣印出果d ar, 真係超爛ar......

結果用左兩舊料, 即係1千幾個膠袋, 先令我可以完全摸到點樣印果隻樣版既袋la

真係好開心, 仲有ar, 今日自己一個第一次係個印刷機既後面調版ar, 仲要自己第一次駁料, 第一次係吹料機度做野, 真係好開心ar, 我敢話以前我家姐阿哥佢地都未做過呢d 架^^

今日就幫爸爸手, 做左一日野, 由下午1點幾開始, 做到8點幾先走, 講真, 對住部印刷機真係好晒精神同時間, 少少唔留神都會令到好多膠袋走晒樣, 到時就白做架la

真係好攰, 個都做到好多野, 真係有好多野唔係理論就學到架, 真係要靠自己既經驗先得, 依家真係俾我應驗到讀萬卷書不如行萬里路既名句la^^

為左睇部印機, 真係睇到頭暈又眼花, 唔怪得爸爸會叫我做, 然後自己走去幫媽媽la, 睇得耐真係會好攰架

我決定左la, 以後我一定會接手佢地間工廠, 我就唔信呢間廠真係會係我手上執左

我係呢間廠養大既, 我就要令佢做到有聲有色, 人地創業都要本金, 我依家連本都唔駛, 我要做到比人地白手起家更好, 聲勢更浩大!!!