今日係我有生以黎最多野做既一日ar.......
第一樣既測驗係一個大測黎架, 化學科既偵測與測試, 第一條LQ 就已經唔識la, 不過, 好彩農夫都唔識, 所以都唔會衰得太難睇, 之後我地問MR WONG, 佢話呢一題係好深既一條, 可能比會考更深wor........我係呢一題都答到幾分架^^ MC 同另一題LQ 都唔錯既成績la.......
第二樣既測驗係數學, 小測黎架, 一份早幾年既pastpaper, 阿sir 將MC 題轉做LQ 題, 18題裡面先岩得果10題, 慘囉, 點會考ar...仲要lunch 前上電腦堂既時候有E班既人通水, 如果唔係成績仲差ar.......數學, 始於都係弱項........
第三樣既測驗係生物, 話大測又唔算, 話小測又唔算, 總之介乎大與小之間la.......阿sir 話C 班d 高手都係岩岩好夠時間, 總分25分, 我地只有22分既時間作答, 叫我地快d wor.........但唔知點解, 我居然係仲有3分鐘果陣就做完la, 今次我真係好聰明, 我居然事先無人通水既情況之下, 估到有5題MC同2題LQ ar^^ 呢次一共測兩科<<生殖作用>>&<<生長與發育>>, 都係我強項, 我無溫書都可以有5成以上ar^^ 一個字, 勁^^
第四樣唔係測驗la, 係英文進修班ar, 一上完生物堂就放學, 點知阿sir 遲放, 結果我到左RM.206果陣已經係1625la....當然算係遲到la.......之後就即刻埋位開工la...雖然好想去廁所, 但都無去到, 之後MISS LEE 播LISTENING 既機出左問題, 要攞去換, 結果又係我la.......(一定係我做架la, 都唔知點解, 好似由中四開始, 呢d 就已經成為我既工作...上至幫佢上堂果陣MARK 平時分, 下至幫佢整一d 唔係一個正常科長OR IT大使應做既工作都要由我做, 即係打雜囉.......)之後做完listening 之後就走lu.......(其實我仲拖住MISS LEE 好多既功課^^, 不過都就會考la, 唔做lu.......係做都只係作文la, 其他既都係浪費時間........)
除左呢d 之外呢, 今日都有d 特別事架, 上生物堂果陣, 我地全班一齊向MR MUI 唱生日歌, 呢次係今年度繼MISS CHEUNG, MISS LEUNG 之後, 第三位老師la.....(之前MISS CHUENG 係唱中文版既生日歌, 因為佢教中文, MISS LEUNG 係唱英文版生日歌, 因為佢教英文, MUI SIR呢?唔通唱生物版既生日歌?? 生物文??嘿嘿, 係唱英文版架, 唔知點解呢^^) 之後當然唔少得問阿sir 幾歲la...一定架la...之後佢無講, 只係話25歲零唔知幾多個月wor.......嘿嘿, 之後佢唔小心爆左佢係91 年會考架, 即係今年一係就30, 一係就31 la^^(因為佢之前又講過佢只係考過一次會考)
今日放學果陣, 又見到全校最型既阿SIR----MR. ZEE 全校得佢一個係有兩執野係度........佢今次見到我踩單車, 佢話: 你都幾正架wor...我心諗, 緊係正過你要日日搭巴士la^^之後就走左lu.......... |
