中午阿世搵我陪他剪頭髮,我食ｌｕｎｃｈ後,就搵他,不過首先要返學校搞退中五手續,返到學校,所有老師都出外食飯,驚訝!幸好都是等了一會,其後老師就陸陸續續地回來,場面勁誇張,嚇了一跳,同ｍｉｓｓ ｔａｎｇ傾了一陣,就搵副校長,比家長信,走人,我好驚校長會問長問短,不過都好快完成,再同ｍｉｓｓ傾多一陣,下次搵佢食飯,再見了鄉中...........阿世不知去那裡剪髮,我就叫他搵姑爺仔,但是他可能食ｌｕｎｃｈ,不在,於是我地就周圍行,阿世話肚餓,去食Ｍ記,我地傾偈,講前幾日同小學同學食飯,不過阿世都未約小學同學食飯,覺得有點怪怪的,哈哈!然後再次去搵姑爺仔,今次係度,陪阿世剪,愈來愈覺得姑爺仔好搞笑,無得頂呀!  佢地今日去寶湖踢波,但是自己答應阿世陪他剪髮,遲少少先去,不過都剪左好耐,never mind!  跟住就回家換衫,今次著ｍｕ波襪,正呀!!狂飆去寶湖,很久沒有踢波了,好有衝勁~好有ｐｏｗｅｒ!不過今次又見到班矛柴阿叔阿伯.......每次同他們踢波都出手出腳,又無波品又無人品,無知所謂~今次遭殃又是杏子,今次最離譜最誇張,他一心一意攔截,誰不知比人一腳踢落去,仲要聽到有聲,踢人唔係踢波,真仆街!!輸唔起就唔好踢波,咁大個人仲要欺負''o靚仔'',咁多個人加起來都有一百幾十歲,若唔係敬老,你地班死老柴一定全部仆哂街~!一定會,ｍｕｓｔ ｂｅ！ｉ ｐｒｏｍｉｓｅ！之後去買野飲,打算回去再決一死戰,不過,阿狗驚同老柴踢會弄傷,所以去風水,幸好風水都有人,然後見到４仔佢地,踢到七點幾,突然無啦啦停電,屈機,氣憤.......我地再去溜冰場,三打三,踢完後,回家...............

昨日玩得好夜,很遲先起身,好辛苦,不過好開心......到了下午,就出去踢波,係風水等人齊,風水開了,很完美,之後我地去寶湖,誰不知,ｍ記訓練,要等到六點.....然後我地去廣福五人場踢,好多人,又要等,我地好快便輸了,哈哈~到了時間,就過去寶湖,今日踢得不太盡興,而且有點少,其後六點半,就跑回家中沖涼,換衫,到了七點,係汀雅苑等４仔,ｇｉｇｉ,佢地去ｂｏｂｏ屋企打牌,阿華都係度,超白痴４仔同阿華,４仔勁串阿華,叫佢快的走,笑死我呀!!我同ｇｉｇｉ夾定,會唔出聲,比４仔勁吹水,比佢吹到天花龍鳳都唔出聲,哈哈~去到ｐｉｚｚａ　ｈｕｔ,見到ｊａｓｏｎ,同佢講生日快樂,後我一日生日,好記得!超搞笑,三個男仔全部姓陳的,有緣,女仔就買了蛋糕,慶祝,叫野食,好滋味,個個人都唔同,女仔個個都靚左,男仔就梗係又靚仔又型仔啦~我們大家都給對方的聯絡方法,有ｉｃｑ,ｍｓｎ,電話~日後要聯絡聯絡!!今次食飯,不是講小學事情,而是４仔ｖｓ楊穎詩,全場都係兩個人講野,互相說對方的不是,互爆秘密,最搞笑就是,４仔話以前楊穎詩是便祕使者,都不知係咪佢吹水定真有此是,不過都搞到我地個個都笑,全場食飯都是以他們兩個人為主,笑到飽,笑到肚痛,是真的,好白痴４仔  食完ｐｉｚｚａ,就食蛋糕,職員幫我們拍照,４仔都不知想點,低能！例牌:生日歌,切蛋糕,好好食,今次可以同小學同學慶祝,不錯不錯!!他們又請我食飯,多謝你們,不過有點不好意思,今日是ｊａｓｏｎ生日,居然他都要夾錢,我有點難過  之後我地去了海濱,搵地方坐,我地玩石春路,都幾痛,其後她們影相,女仔們玩自拍,自得其樂,頂唔順.....４仔提議玩''狐狸先生幾多點'',４仔做狐狸先生,個個都不捉,只捉楊穎詩,勁搞笑,笑死我......之後我地又玩''砰板招'',又玩''蒙羅麗莎'',又玩講出一個職業,之後講關於所講職業做的事,勁好玩,輸了要行石春路,輸夠三次要罰,４仔係度語無倫次,勁搞笑,比人罰夠三次,行石春路,我玩''蒙羅麗莎''時,來不及反應,又語無倫次,又要行石春路,真的頗痛,其後,陳敏珺接到變態電話,勁驚,有的人留言比她,嚇死佢,玩到差不多就回去食糖水,但是她們要４仔請食糖水,而４仔無錢,想趁機走,拉我落水,無奈,由於近日都玩得很夜,不想給媽擔心,所以推塘,下次再有機會,而４仔都可以逃難,哈哈!然後回家,icq,傾左好耐,勁講的愛情問題,哈哈!!

 pizza hut

  ｊａｓｏｎ與我

　大合照.......

　大合照２......

　李佩鍶與我

　　蒙羅麗莎的４仔.....

由於昨日出去買唔到書包,今日要出多一次,下午搵阿世,約係新達等,我唔想遲到架,ｋ１２好遲先到又好遲先開,所以遲到,ｓｏ ｓｏｒｒｙ!之後去沙田,行西田,好運,沙田廣埸,起初都搵到一個,不過太貴了,叫ｅｒｉｃ出去,佢話會出,最後都係無,對不起,我要把婷婷殺死,等你返學見唔到佢,無動力返學,哈哈!其後我地再出旺角,搵ｃａｐｔａｉｎ,佢會出黎,但係我地返大埔先到,行完咁耐先出,誇張!我地行潮流特區,ｃｈｉ堡,瓊華,行左好多又行左好耐,最後都買左個書包,其後去ｍ記食野,買書包都用左好多錢,幸好有阿世津貼,多謝你!之後再陪阿世買書包,但阿世唔鐘意書包上面有袋,但係個個書包都有,佢唔屈服,最後都買唔到,連續多次出去都睇唔中,好慘呀!跟住搭巴士,好多好多人,又要等,幸好有兩架巴士,第一架巴士迫爆,等一陣,第二架無人,上到去有一陣怪味,算了,然後不知不覺間訓左,我地打算再行大中,不過又累,阿世又要返屋企食飯,取消了,回家,阿世其後打比我,話霸住電話唔比人同我ｓａｙ ｂｉｒｔｈｄａｙ,但係爸爸要用電話,迫於無奈收線,勁搞笑,然後等十二點,阿世第一個同我ｓａｙ ｂｉｒｔｈｄａｙ的人,你下次生日我都會咁做,多謝你呀~i love you!哈哈!其後好多人同我講生日快樂,多謝你地呀!!真係好感動!!打算打今日日記,誰不知要維修,今日補數,幸好昨日日記打完,然後期待明天的生日ｐａｒｔｙ,好興奮呀!!

今日又是下雨,下雨,下個不停,連續幾天都是這樣,討厭非常........害得我整天困在家中,不想出外,我已經好久沒有同他們踢波,好掛念他們,看來日後好少機會再和他們踢波了,日子變得少,踢波也是一樣.....今天只想明天不再下雨,這樣最好不過,但是日後都是ｒａｉｎｎｙ　ｄａｙ! 整天都是想,想,同他們踢波的日子,有開心,不開心,我們一起踢波都有一段長時間,我們的感情也是一樣的,最珍貴最美好,帶給我難忘的回憶,好懷念,好掛念,現在的我們,有所不同,有的去了其他學校,有的原校升讀,有的返工,個個都是不一樣,不會再好似以往的日子,日日踢波,這些都變成經典,變成歷史!現今,我們是中六生,要放更多的時間讀書,溫書,相反地,踢波的時間又少之又少了,同他們都是一樣,很少機會見面.......人長大後,先發覺身邊的事物會慢慢地離開,包括友情,經過長年累月的損耗,最後會變得一灘水,任由陽光蒸發......現在最重要就是珍惜身邊所有人,這樣才不會忘記他們,你們都不要忘記我,永遠最好的好朋友.............

今日好早起身,日日都係,好辛苦呀~搵ｃａｐｔａｉｎ陪我去沙田買校服,好驚自己一個人出去,好無聊~開頭打好多次比佢,無人聽,原來佢同教友換左sim卡,跟住去沙田,買校服,行街,食飯,而家要慢慢習慣沙田的模式了,人多了,路途也遙遠了,去左一間書店,ｃａｐｔａｉｎ買左兩本多啦Ａ夢書,愈來愈鐘意佢,哈哈!打算去圖書館坐,點知無開,係出面樓梯坐,傾偈,跟住又去左ｃｄ店,今日買左古巨基勁歌金曲演唱會ｖｃｄ,個時要會考,無去睇,今次買番補數,好好睇呀!!  然後去Ｍ記食野,ｃａｐｔａｉｎ見到鄉中的fd,我都未見過佢,主動打招呼,屈機!而家的ｍ好貴呀!又加價了  今日我地行完整個沙田,沙田一日遊,行到好累了,ｃａｐｔａｉｎ買左衫,褲,我都有基仔,哈哈!跟住搭火車回家,今次又同上次一樣,放工時間迫爆火車,好誇張!討厭呀!之後行超級城,又入左一間ｃｄ店,打算買碟睇,不過唸唔到買咩碟,ｃａｐｔａｉｎ勁屈機,買左兩隻碟,兩隻都關於德國,一隻係希特拉,一隻係納粹,他又想買希特拉ｆｉｇｕｒｅ,他已經為希特拉發瘋,笑死我.......跟住回家,睇基仔,ｓｏ　ｇｏｏｄ!最可惜就係感受唔到現場的氣氛,最可惜又係個時要考會考,算了,現在有得睇,當係補償吧!!

今日好早起身,皆因自己要出去報私校,陪ｃａｐｔａｉｎ去大光買校服,學費戶口,不過首先去報瑪麗亞書院,其後去現代報,我驚現代無中六位,買個保險,穩陣!去到大光,見到杏子,傑傑,屎明個班買校服,ｃａｐｔａｉｎ打尖,其後恩哥同蘇雄趕到,今日係大光見到幾個靚女,之後等佢地搞其他手續,走了.......搵阿世一齊去沙田,去現代報名,填ｆｏｒｍ,面試,仲有筆試,錯左好多,唔記得哂,以後要更加努力,最後都收,面試個人好好人,講了其他資料,出去交錢,留位費,後日比其餘的尾數,後日媽有空,陪我去,然後走人......搵ｃａｐｔａｉｎ同阿世,去Ｍ記食野,講左勁多以前小學的搞笑事,高佬隊ｖｓ矮仔隊,被人屈機!哈哈!之後周圍行,去睇ｍｕ波襪仲有ｍｕ足球,叫佢地買比我,扮無知,超好笑!又去玩具反斗城,細得很,有些壓迫感,其後有班類似大學生的活動,叫途人幫忙,佢地搵人幫手找續$１０,搵了阿世,他非常不幸,被人搵笨,幾乎差不多都是毫子,唯有搭火車先用,好無奈!低ｂ ｃａｐｔａｉｎ打算去模型鋪搵希特拉ｆｉｇｕｒｅ,點知搵都搵唔到,超ｏｎ９~吹漲~入一間書店睇野,阿世話自己而家睇左好多小說,勁人~見到有基仔演唱會ｖｃｄ,打算買,不過今日用左好多錢來報名,失望極了~我地行得好累,搵地方休息,勁吹水,講人壞話,一講起超燘,激到我爆炸~之後搭火車回家,收工時間好多人搭火車,等了一架,之後又係咁,唯有入去,無奈的多人,討厭!我地係大埔墟行去翠屏,他們是多麼的好,多麼的有義氣,陪我去翠屏,起初以為姑爺仔今日無返工,原來坐左出面,佢黑左好多,真係唔認得佢,佢唔叫我真係走了,佢愈來愈搞笑,佢話現代的校服好誘惑,去到個度好難集中精神讀書,超搞笑!剪完後,同志健,花仔,p.mok,莫景,JESS傾偈,問佢地中六揀咩科,用咩語言來讀,英文太難了,自己一定負擔不來,加上家姐話可以用中文,最好不過~佢地有事要做,得我同p.mok一齊食飯,佢出左糧,佢勁好人,請我去味千食飯,多謝p.mok~  同佢傾今年點解有咁多人升唔到中六,平時好多人勁過我地兩個,誰不知,會考的成績比我們還要低,十分慘,其後打算搵ｋｉｄ豪吹水,點知佢話去打機,正有此意,玩左好耐,去樓下公園傾一陣,被媽急ｃａｌｌ,即刻爆速回家,見到媽今日有唔開心同不願意的表情,唔講野,即沖涼,內心十分唔舒服,有點對她唔住...........