2005 年 7 月 31 日 星期日  |
| ｎo ｐaｉn nｏ ｇaｉn |
分類: 未分類 |
今日又是打機,不過夜晚ｅｒｉｃ打電話叫我出去,好似好耐無見佢,ｎｏ ｐｒｏｂｌｅｍ!我地係ｍ記傾閒偈,跟住太巧合地見到ｋｉｄ豪同ｃａｐｔａｉｎ!豪就走了,但係ｃａｐｔａｉｎ就同我地繼續傾偈~ｓｏ ｇｒｅａｔ!太好了,今次ｅｒｉｃ請左我同ｃａｐｔａｉｎ食野,麥旋風,正呀!
 傾到十點幾就走了,他們太好人送左我返屋企,跟住落大雨,ｃａｐｔａｉｎ又無傘,借左比佢,希望佢會記得還啦!唉,上次謝師宴自己又唔小心留低係酒店,無奈用的咁重的傘,好掛住它呀!!!
每天都想著天馬行空的事,想像力強,世界是這樣就好了,不過是沒可能的,漸漸地發覺要努力,要上進,要發奮~!一個人的成功背後有太多重要的因素 ｎｏ ｐａｉｎ ｎｏ ｇａｉｎ
|
| 2005 年 7 月 30 日 星期六 |
無奈  |
分類: 未分類 |
|
今日好難入睡,訓完又醒,醒完又訓,做咩事？所以好早起身.....睇一陣電視,跟住打機~近日都好鐘意玩真．三國無雙４,動作流暢,人物角色又靚~特別是星彩!
 可能近日想打人發洩一下,所以想玩,玩玩下又幾過隱~哈哈!!跟住文隆話去踢波,難得今日人材濟濟,人強馬壯~誰不知,落雨.......落完又停,過一陣,又落雨,天意弄人,真討厭........跟住我地無去踢波,太濕了,以免受傷~然後ｂｂ,曾淦,我地就扮作買野飲,個時落大雨,去了曾淦屋企整乾身,整乾頭髮,打機!跟住雞蛋黎左,打到九點,就回家,跟住睇曼聯ｖｓ浦和紅鑽....... 朗尼連入兩球,有的料到!!
雨可以潤澤民生,同樣地又可以引起各種水災,害人不淺.......凡是都有好的一面,亦有壞的一面,應該朝著好的方面看!落雨並不是想像中那麼恐佈!
|
2005 年 7 月 28 日 星期四  |
跑步  |
分類: 未分類 |
今日整個下午都是打機,打機......十分無聊!
到了夜晚就去跑步,今次同上次不同,去的就不斷跑,回來的就慢慢跑,上次跑到我雙腳無力,而且今次做左３０下ｓｉｔ ｕｐ,２０下掌上壓, 下次要慢慢增加,我要練到有六塊腹肌!
 今日跑個時有風,好涼快,不知不覺間就回到家中,一陣間就等睇曼聯大戰鹿島鹿角~十二時開波！今次跑步進度不錯,但還要努力！唔可以中途休息！
 |
| 小時候... |
分類: 未分類 |
小小的宇宙 歡欣的宇宙
蹦蹦跳 哈哈笑 是我小時候
多少新變舊 光陰不退後
今天我 他朝你 變改一定有
抱負理想 在我心中
成就看以後
世界都在我手中
不管天高地厚
關心跟愛護
都一一接受
真的愛 真的美
全在心內透
真的愛 真的美
全在心內透 |
| 2005 年 7 月 26 日 星期二 |
| 檢討 |
分類: 未分類 |
今日不知為何很難入睡,輾轉反側,十分白痴!
 下午就踢波,每次踢波都是這樣的,後防又唔進取,唔助攻,被人壓住攻,進攻時,又係後面打邊爐,低能架! 唉.....跟住同佢地傾,之後都有改善,起碼唔使咁ｏｎ９~跟住又有人ｂｏｏｋ場,屈機~有一段小風波~唔打啦!跟住回家睇曼聯,打機!
今日好累,無去跑步,聽日繼續~
 |
| 2005 年 7 月 25 日 星期一 |
| 跑步 |
分類: 未分類 |
慢慢地發覺自己的身子差了,每天都總是傻傻的,提不起精神,於是今晚決定自己一個人去跑步,打算搵ｃａｐｔａｉｎ一齊跑,但是佢去游水,又打算提早去跑步,但今晚有皇馬直播,睇完後先去,唉~皇馬的球員都唔知做咩事,發哂呆,睇到下半埸被人入第三球跟住換衫跑步~睇到無心情!
 之後落街跑,由樓下跑到海濱盡頭,然後折返........雖然好累,好累~但是好享受,一邊跑一邊欣賞海旁景色,十分之好~十分之吸引!返到屋企整個人完了,雙腳都痲痺了,然後飲可樂,嘩,好爽呀!!
 感覺蘇豪!!跟住沖涼,icq.......
現在開始,日日都跑步,不要整日都打機,訓覺,這樣的生活習慣我受夠了,今日開始過一些健康的生活模式!日日做運動~練強壯,練氣!!
 |
| 朋友可貴嗎？ |
分類: 未分類 |
|
不可否認,朋友是每個人都需要的,而且是不可缺少!但是人愈大會見識到不同的人,發覺什麼人都有,好多人都會害你,妒忌你,甚至會恥辱你!人與人真的不可以融合相處,不可以以誠待人,難道要勾心鬥角,互相猜忌才是相處之道?!身邊有時自己都摸不清邊個是幫你,邊個是害你,我想好多人有我這種想法~所謂人心叵測!是沒錯的!此外,是真的,我自己相信緣分,既然我們可以在一起,難道每天都要披狼皮,掛狗肉,戴假面具,以一副不是自己真真正正的性格做人,這是十分辛苦的,但是世界上就有這些人,他們都是為了自己利益,自己前途著想,每天都是想著想著怎樣害人,就似食飯一樣,每天都要食,他們可以只食白飯,不會夾''食送''何解？因為他們覺得食物不好食,所以要夾別人的''食送''佔別人便宜~甚至他們不會滿足,反而會愈夾愈多~同樣地,傷害的人也會愈多!他們只是看別人的表面,個個人都有不同旳好處,他們反而不學,學那些所謂的好處~例如:一個人的自私,囂張,霸道,蠻不講理,說謊都會統統學,反而忽略了他們真正的好處,不會學別人的大方,謙厚,關懷,愛心~有些人會裝出一副關心慰問的心,但是不是如此,而是害你~俗語有云,明槍易擋,暗箭難防~是有道理的!當自己有困難時,你的朋友不會幫你,反而會認為你自找麻煩,最好不要搞到自己,這算是朋友,是可貴嗎？每個人都以所謂的好處原則做人,豈不是世界上沒有好人,沒有關心自己的人,聽起來有點恐怖~而且有點可悲!夜間,看了叻哥的處境劇,他說:自己是不會害自己的~身邊的人就會!一言驚醒夢中人.........
他們好多時候在你沒有警覺時害你,插了一刀,簡直是傷口灑鹽~假若有這樣的朋友,我寧可選擇一個人,最少自己不會傷害自己~雖然會感寂寞,起碼不會感到有人害自己,除非有人是以誠待人,不會處處害人,為人設想,否則都是一個人還好!不必那麼多顧忌~這麼麻煩!!
我想是很難遇到這樣的朋友,或是女朋友!!
人云亦云:人不為己,天殊地滅!我認為是對的,但係個個人都以這原則來欺騙自己,替自己找更多藉口,有誰人不是不會為自己呢?自己想想吧!看來很有道理,但是他們都變成進化恐龍,過份自私~!! |
| 2005 年 7 月 24 日 星期日 |
| 開心的週日 |
分類: 未分類 |
昨日同高人傾偈,傾到三更半夜,估唔到,估唔到,令到今日兩點起身,悶悶地就打機,之後落左去踢波~今日岩岩好七個人,由於下午好鬼曬,好熱,踢踢下就換人,平時一定唔會架~換左大奶,佢真係好勁,有左佢成隊唔同哂,跟住嘉豪同苦力都幫手,連贏三埸~!不過佢地之後就同左阿龍個班人一齊踢~之後就輸了,跟住我地全部人進行檢討,唉,個曾淦好鬼白痴,成日係度玩係度笑,一點都不認真~認真講個錯處,又係度駁咀~一時唔係咁想同佢踢!個個人認真佢就得意洋洋~唔認真就唔好踢,成日搞壞個氣氛,頂唔順!進行完檢討,明顯地成隊都好左好多~跟住就睇阿龍個的踢波,又玩下''不落地''同''馬騮搶波''跟住有人ｂｏｏｋ埸,走了!走個時無人想拎波,個個勁走,曾淦ｂｂ走得最快,文撚,阿狗,杏子又走,得我同昆爺勁追佢地,追完佢地又被番我地,佢地行左唔知邊度,勁陰森恐怖,被人打劫都唔知咩事~講真!~
 我地係馬路口等佢地,等左好耐,都唔見佢地,打比佢地,原來返左屋企,嘩~屈機!!!
 今次輸左,唔等於以後都會輸,有人教我的,跟住我同昆爺唸計仔下次要贏番佢地~等佢屈服~唔要我地拎波,下次係佢地!
回到家中,沖涼,睇電視,香港先生,個冠軍都好靚仔,但係我覺得佢好作狀~好扮野咁!!我鐘意個個Ｔｏｎｙ Ｊａａ,佢超勁,睇到我啞哂
 凌空前後空翻,仲要打到人,踢腿又勁高~應該有兩個人高! 嘩~好鬼型呀佢!!
跟住就睇李小龍的死亡遊戲~又係傳奇人物!! 仲屈機!! |
| 2005 年 7 月 23 日 星期六 |
| 曼聯訪港 & 皇馬 |
分類: 未分類 |
今日係爺爺屋企,同的表弟打機,到左三點幾就睇ｍｕ~不過ｃ．ｒｏｎａｌｄｏ無黎,有點可惜~雲佬無咩表現,ｇｉｇｇｓ又踢得懶懶閒~不過ｓｃｈｏｌｅｓ踢到出神入化,傳波又快又準~值得一讚!董方卓又勁,爆過幾個後衛,然後射入,可能港聯後防唔勁!不過范俊業上半埸守得好好,下半埸神不守舍,輸了兩球~ｍｕ真係好多勁人,又有Van der sar,Ferdinand,而家Alan Smith打防中,截擊一流,下年都好勁好強!!過左一陣,直播皇馬,不過可惜落雨,影響發揮,唔係咁好睇,睇睇下訓左,哈哈!踢到好狼狽,球埸又多積水,個波被水阻住,唔係咁好,有小小悶!!
 睇完後,就搭車回家~過了一個美好的週末.......
之後幾日又有好波睇~又有ｍｕ直播,不俗不俗!!
 |
| 2005 年 7 月 22 日 星期五 |
« | 8 | 9 | 10 | 11 | 12 | 13 | 14 | 15 | 16 | 17 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
