一個勁靚的女仔,就算她怎麼任性,怎麼壞脾氣,都有人鐘意,而相反,唔靚的女仔就會比較蝕底了......世界就係咁現實,咁唔公平,咁殘酷!
同樣地,一個勁靚仔的男仔,性格討厭,斤斤計較,小器,自大,自私,就算他有好俊俏的面孔,都未必受人歡迎~今日見到一個又唔靚仔,又輕佻,又串,又衰,就算他怎麼勁,都係一個犯眾憎的人
一個人太善良,可能會被人欺負,太過保護自己又可能會覺得好難捉摸~總之就煩啦!
今日就算唔開心,把它忘記,要令到自己明天開心~今日有幾開心幾唔開心都好,都係過左去的事情,總之要令到自己明天,一日比一日開心!!

今日無咩野做,所以post左的自己鐘意的相~
ｋａｋａ' 好靚仔,型仔,踢波又勁！！難怪有咁靚的女朋友！羡慕＆妒忌！
又有''插花''超快超勁的Ｃ．ＲＯＮＡＬＤＯ的片！　 　ＧＯＯＤ呀！

不甘心 明明不開心 就是不甘心.....
我要更上進,更努力,更發奮來滿足自己慾望......
其他人比唔到滿足我,我要比滿足自己!!

無心情
打日記
好鬼煩呀,唔開心!
愈來愈唔鐘意這種感覺!

今日好熱,天文台話大埔最高氣溫有35度,發出酷熱天氣警報,嘩,熱死咩~!  終日都係屋企無出街,打機~發瘋了!今晚好多電視節目好睇,勁歌金曲;水著獎門人;窈窕熟女..........如果有得一大班人咁玩就過癮,最開心係個的男ａｒｔｉｓｔ,有得玩有得睇,個個都癲哂!又好笑又ｏｎ９~  不過睇完窈窕熟女都唔係咁好睇,有小小無聊!  跟住又做水著獎門人,今次仲搞笑,不過輸左個隊要淋冰水仲有冰粒添,凍死!!  
好煩呀............................................

今日想去睇基仔,但係肥誠唔想去,驚多人,ｅｒｉｃ放工去睇,佢話唔係咁多人,蝕左.......   唔開心!
下午就去左踢波,波係文撚度,佢又唔黎,媾女,無波踢,恩哥話三點半要到,佢條友仔去電髮,染髮,遲大大大到,玩死,跟住有人ｂｏｏｋ埸,咁我地就去左昌運買波,唉,個波好鬼小氣,踢踢下會無氣,漏氣,又要行過去換,一來一回行到傻左,最少行左一萬步,係昌運見到黎狗,ｂｉｌｌｙ個班~跟住肥智見到有人著Ｌｏｌｉｔａ，佢話ｘｘｘ,嘩~聽佢講完有點奇怪,唔係呀嘛.ｘｘｘ∼原來係Ｌｏｌｉｔａ,被佢整死~嚇到我同昆爺呀!  然後我地去左八號餐廳出面個日規小空地踢踢,睇下會唔會再漏氣~跟住ｊｏｉｎ埋恩哥,再去球埸,今次可以踢,但係個波又飄又細又彈,加上又行左好長路程,個個無咩力再踢,累死!!  今日個埸無咩人,踢到九點,番到屋企,沖涼,食粥,又食唔飽..........好肚餓!
今日行左好多好多,今日會早訓,太累了...........

而家無錢,只好留在家中,無無聊聊地打機,而家咩ｇａｍｅ都打爆哂,好悶呀!今日肥智都叫我去踢波,但係佢地都唔想去,取消左,期待明天.........而家日日都係咁,都唔知做咩?今日等聽日,好白痴~我差唔多好似亞視個套危險人物的主角咁,神經失常,唔知發生的咩瘋狂事件,好驚呀!救命呀!哈哈~我身邊的人要小心的呀!!  下個可能輪到你........
最近行超級城,見到的ｐｏｓｔｅｒ,原來基仔聽日黎大埔,真好,1:30p.m,不過一定會好多人,點算???唔通唔去???

今日ｋｉｄ豪同ｃａｐｔａｉｎ好早就去左我屋企,十點就到..........我個時岩岩被佢地嘈醒,傻架,都唔知點解無啦啦會無電,佢地係到玩,又講的無聊野,教壞我細佬,跟住佢地係度玩啤牌,個時都唔理佢地,繼續再訓,太累了.........跟住到左十一點幾先有電,佢地先可以打機,佢地打到好激.....跟住ｃａｐｔａｉｎ話出電話卡,佢出左去,一個鐘後回來~豪就自己一個人打ＧＴＡ......我就訓覺,跟住佢地打到六點就走啦~而我又繼續訓,之後,ｃａｐｔａｉｎ打黎話去打籃球,有肥誠,ＥＲＩＣ,李龍,阿世之後黎左....我無理由唔出啦,唔出好似好衰仔咁~黠知我落到樓下,聽到聲,頂~原來上面有人掉垃圾,嘩~個時嚇左一跳~由上面掉落下面!  有的人愈來愈無公德心,以後都要邊行邊往上望!!!到左籃球賽我就睇住佢地打,跟住叫佢地去ＩＧＡＭＥ打機,個肥誠話返屋企沖涼先去,屈機,而家ＩＧＡＭＥ好多人呀,又迫又多煙......討厭!   之後過左富亨食糖水,肥誠同我地吹完水就幫左佢的ＦＤ買野,走左.........得番我地四個,真好,講左好多小學事,我,阿世,ｃａｐｔａｉｎ都係梁省德,好好傾......有時緣分,真係好奇妙,之前我地係唔多熟,唔多識,又唔同班,而家有講有笑,一時唸番都好得意架!!  緣分要黎點都唔可以擋,唔可以避,唔可以閃...........吹到兩點幾返屋企,沖涼,打日記,又訓.........哈哈~變左隻小豬了~

今日好早ｋｉｄ 豪同ｃａｐｔａｉｎ打比我,我個時仲sleeping......佢地話去我屋企打機,ｓｏ　ｓｏｒｒｙ!今日媽媽不用上班,去唔到,聽日先啦~   佢地話兩點出去搵工,答應左佢地~跟住繼續訓...............訓醒之後,等媽媽煮飯,跟住出發,captain又遲到了,唉!!!跟住就周圍搵...........都搵唔到~不過都預左了!!太遲啦!~當行街囉!ｃａｐｔａｉｎ話要出去,所以佢搭左k12走左啦~我地就去左ｉｇａｍｅ打一鋪機,哈哈~跟住就去左Ｍ記休息,見到一個靚女,ｋｉｄ豪話識,仲拖手,錫面喎.......不過佢話個女仔之前唔靚,而家化妝咋!不過佢化妝都幾靚呀!! 唔靚咩?? 我地又繼續吹水,唉.........而家好煩呀~又無錢又無女,最緊要係無野做呀!!!係屋企太悶了! 跟住就去左大中睇電腦,豪話部電腦壞左喎!要買過~跟住我地就返左屋企,岩岩好又得睇七封信~幾好睇,不過又要一邊幫媽媽拔白頭髮,一邊睇,港台的製作好好睇.........餘下時間都係睇電視~跟住沖涼,icq...............

其實我覺得一個人的樣好緊要,不過有人反駁........一個人的樣貌可以決定好多事物,改變自己的命運,我唸好多人都會第一時間睇人地的樣貌,先決定會唔會進行第二步,不過我覺得樣係重要,不過唔會放第一!我唸我自己揀女朋友都唔會睇女仔的樣睇得咁緊要,不過學ｂｅａｒ話,要睇緣份..........