印象中国庆同中秋撞细一齐好似系2001年果一年拉，果年仲系撞到正系十一果日添，果年果日仲发生左好多野，至今仍然记得好清楚。。。今年就隔左几日，即系6号先系中秋，之前三年都系学校过，今年系呢度过，不过都有好多人一齐过，你都有离陪我，不过今日走左噜。。。。3日话甘快就过左，真系快，自上星期翻屋企之后，就觉得呢几日d时间都过得超快，翻屋企过3日又好快就过完，翻离过左晚你就离拉，点知又系甘快就过左，今日你走左拉，突然觉得时间开始慢翻落离，唔知系米因为寂寞呢？不过你离我觉得最唔好嘅就系传染左d感冒比你，自己就反而好翻，唉。。。都唔知系你抵抗力低定点，话传染就传染，快过打个哈嗤啊，希望你快d无事拉，唔系我会担心架。。。唔知几时先又可以见你呢？？

  古唔到你竟然会比个甘大嘅惊喜我啊，虽然我都有谂过你可能会离，但就真系谂下，无谂过佢真系会实现。。。

  当我听到有人禁我地门铃，我就觉得奇怪，然后睇下手机果实时系朝早10点，无理由会有人甘早离稳我地架，除左你。。。但我都做最坏嘅打算，果个系离稳班长嘅姐，唔系你离嘅，你又点会衣家呢个时候离稳我啊，如果系寻晚发甘多条信息就唔会一条都唔回拉，但当门开左，我听到果把声确实系我挂左好耐，想见左好耐嘅你果时，真系既开心又紧张，我知你跟住肯定会入离望住我瞓嘅，我唯有扮瞓着，但系但你入到离，望住我果时，我只眼系甘系度震，我惊比你发现我咋瞓，唯有睁开眼，扮比你嘈醒，但我就一句话都无讲，可能太意外拉，我一时间都唔知讲咩好，但系寻日我真系好开心，因为你真系好耐无离探过我拉，次次应承左我都做唔到，我问你点解唔早d话我知，发甘多短信比你都唔回，你话就系要比个惊喜我，特登唔回，你话你都忍左好耐，想回我，但又惊穿煲，所以咩都无同我讲，见你系离探我，就原谅你拉，不过唔好再有下次拉，我会伤心死架，我宁愿唔要咩惊喜，你直接同我讲，甘我都安心d啊，登我仲以为你真系唔睬我添。。。

  今朝虽然一起身你就要走，但系都好开心，因为。。。不过我见你好似我无我想象中甘开心，点解呢？希望唔会系我谂嘅甘拉，如果系嘅话，唔知又会点呢？？

  呢几晚都浦到好夜（应该系话好早）先瞓，对住电脑，胡思乱想，前两晚仲喊添，至于喊嘅原因唔系因为你，系因为屋企，突然觉得好挂住屋企人，好挂住我个家，谂下谂下自不然就控制唔住自己嘅眼泪拉。。。真系无用啊，唔通真系耐不住寂寞？不过呢半个月以离基本上都系自己一个一间房瞓，不过甘都唔系唔好嘅，但系我最唔开心嘅系本来属于自己嘅空间突然间变到好似唔再属于我嘅甘，自从fish拆机放埋系间房之后，佢日日无时无刻都同班长一齐打机，甘都唔系重点，重点系每隔几分钟，班长就会走入离讲打机嘅野，fish一有唔明就叫佢入离，喂，话晒我都系一个女仔啊，一个男仔随随便便甘走入离，我好唔方便架，有时我瞓紧觉又入，我未有心理准备又入，搞到我一d私人都无晒，真系宁愿好似以前甘，fish日日浦系班长间房度无翻过离仲好d啊~~~

  唉。。。本来同你嗌交就已经变到好寂寞，无人陪架拉，衣家fish仲日日打机，系我耳边开口埋口度系班长讲埋晒d甘嘅野，有时我真系觉得自己好似多余嘅甘啊，或者系佢地眼中根本就当我唔存在（我直觉觉得已经当我唔存在拉），但我无可能当睇唔到佢地架，加上又开始想家拉，根本唔知自己衣家系度做咩，谂谂下可能翻屋企会更加好。。。前几日知道爸爸妈妈度病唔舒服，既担心又伤心，但就唔可以帮到佢地，可以做嘅就唯有系呢度默默甘为佢地祈祷，希望佢地可以健健康康，一谂起佢地就会忍唔住喊出离。。。

 今晚发做好多条信息比你你度无回，令到我好失望，可能事情比我想象中更加要严重，或者你唔会再原谅我，就算系甘，我度无得好怨，我可以做嘅做左，剩低可以做嘅就只有等，如果等唔到。。。。可能会好伤心，或者伤心一排拉，然后再振作，不过唔知呢个一排会系几耐。。。

  真系好想离开呢度啊衣家，不过岩岩先交左房租，点都要住埋今个月嘅，至于过埋今个月，我嘅去留会系点？我自己都唔知啊，本来真系有谂过你嘅话去番禺嘅，但睇情况，衣家都无乜可能实现架拉，或者翻江门拉，或者果度先系我真正嘅家，我始终都系要翻去我嘅家。。。。。