记得上星期你应承过我，话今日会离稳我，但系你都系无离，不过我今次无怪到你啊，因为我知道你有原因，我知呢排你屋企发生左d事，要出离左先有时间稳我，当初你瞒住我唔话我知果时我仲有少少嬲你添，衣家谂翻起都觉得自己有d唔岩，一d都无体谅你嘅心情，我知今次呢件事肯定会令你唔开心架拉，不过唔好伤心甘耐拉，总之仲有我系度支持你，等住你离稳我架，唔好要我等甘耐啊，知唔知啊？仲有啊，呢几日凉左好多啊，记得着衫啊，唔好冻亲感冒啊。。。。

今日系你生日，原来生日都不过如是姐，前几日一直烦紧买咩礼物比你，谂住你中意阿童木，所以打算买阿童木嘅野比你，但系一直都无买到，系想系29号过番禺，然后系果边买顺便叫你出离，点知无过到去，到左寻晚晚黑，发左条“生日快乐”嘅短信比你，但系你一直都无回我，一直等到今朝，心挣扎左好耐，究竟今日应唔应该过去稳你，但最后都系无过到，唔知点解一次又一次甘想过，但又一次又一次甘比自己说服，点解一见到我上线你就要对我隐身，甘做究竟系咩意思？既然甘落去大家都辛苦，点解唔讲清楚你究竟想点呢，呢几日我有几辛苦你究竟知唔知啊？对住我讲就咩都应承，但一到甘嘅情况就剩系识得哩埋咩都唔讲咩都唔理，我谂你就离连我系咩样都唔记得拉，成日就话自己有压力，话我唔理你感受，你何尝唔系啊，我就无压力，我就唔会伤心，你讲呢d野嘅时候又有无理过我嘅感受啊？

我知就算我一阵sms比你，你都系唔会复架拉，因为你多数都唔会知，如果系以前，就算系半夜你都回复翻我，同你讲左甘多野，你知系用一句“可能真系忙挂”回应我，然后真系咩都无野同我讲，你知唔知果种感觉就好似系暴风雨前夕嘅果种平静，系米真系因为甘忙所以先会甘唔在乎，真系忙到连关心下我嘅时间都无，忙到连同我讲下野嘅时间都无咩？本来有好多野好想同你讲，但唔知点解听到你话无野要同我讲果时，心情突然down左落离，唔知仲可以讲d乜。。其实一直都有写开日记，后来渐渐手写变成输入电脑，希望有那么一日你可以见到，知道我个心点谂，我承认一个人出离社会之后好多谂法好多思想都会唔同，但我希望有一点你会记住，就系我系你女朋友，呢一点系唔会变，起码呢一刻系，我唔想有一日你系因为工作忙而同我讲分手，亦都唔想因为你唔再在乎我而令到我离开你，我好希望你仍然会记得你当初同我讲过嘅野，应承过我嘅野。。。你头先同我倾计果种好冷淡好平静嘅态度令我觉得你无左我系无所谓，我以前从来无衣家甘惊过，惊突然有一日你同我讲：我地分手拉。。。以前嗌交就算嗌得几大，你最后都会同我讲虽然又嗌左交，但系我依然甘爱你，仲有增无减，每次听完都好安心，好开心，因为我知你唔会离开我，但今次唔知点解，每晚都会惊到喊，系度谂你究竟系米已经唔再中意我，我好想知你系点谂。。一直都唔想翻屋企，无论个个点同我讲，我都唔想，原因就系想留系度可以见你多d，可以令大家嘅距离无甘远，果日我同自己讲，如果有一日我唔再留系呢度，选择离开，系因为我觉得呢度无野再值得我留低，包括你，但我希望唔会有甘嘅一日。。。好耐好耐无同你讲过甘多野拉，唔知你消唔消化得晒我讲嘅野，我讲甘多，都系想你明白，就算我地生活环境变左，所面对嘅野变左，但我地个心系唔会变嘅，至少我系，我希望你都系