寻晚照样瞓唔着，系铺床度禄离禄去，谂到好多嘢，包括佢。。。就系呢个时候手机响咗下，系有短信嘅声，当时我无谂到系佢，只系谂到系果d无聊嘅短信，因为前晚都系咁上下时间我都收到一条。但当我打开一睇，竟然系佢，我唔敢禁入去睇，我惊入边嘅内容，我惊承受唔到现实嘅残酷，但又唔甘心唔去睇，怀住好不安嘅心情睇咗，佢写住“我听日翻屋企，话声俾你知，无其他事”，我睇完真系唔知开心定唔开心好，我谂咗好耐，究竟应该点复先好，最后我发咗“收到你条短信，我都唔知系开心定唔开心，开心嘅系你会发信息俾我，唔开心嘅系你话只系话声俾我知，无其他事，真系无其他事？”但你好快敢回咗我“无啊，夜啦，早d瞓啦”，好嬲啊我，真系无嘢咩？“咁点解咁夜仲要发信息话俾我知啊？”“我岩岩系社长宿舍翻离，决定听日走，所以话声俾你知”，我好狠心咁再问咗佢一次“问多一次，真系无嘢？”，你嘅回答竟然系咁肯定“无啊”，你知我当时系几咁伤心嘛？既然系咁点解仲要话我知你要走啊？如果你真系唔再在乎我嘅话，点解仲要系咁夜话俾我知，话完仲要讲无其他事，然后叫我去瞓，乜你认为我仲会瞓得着咩，“咁即系我自作多情啦，唔好意思”，原来一直都系我自己自作多情，我自己唔要面，点解你可以做得咁绝，你知唔知你咁做就等于从悬崖边救咗我上离然后又推翻我落去啊？点解你可以咁忍心，你讲过唔要再俾我流眼泪架，就算流，你都会帮我抹，唔通呢一切都系假嘅咩？我唔要接受呢个现实，我恨你。。。爱，直至成伤。。。。

        今日我打开我嘅q－zone发觉无人留言，于是唔受控制咁禁咗入去佢个度睇，发觉果个阿“源”竟然又留言，出于好奇心想知佢有无搵佢，于是又禁咗入去阿源个度睇，原来真係有，点解要咁对我，我日日夜夜盼嘅就系佢可以离我个空间度淋下花姐，但佢都做唔到，但只要佢一唔开心就肯定会佢阿源度留言，无论留低嘅系咩内容，对我离讲只会系一种伤害，我彻底咁失望啦，对佢失望，亦都系对自己嘅失望，我谂我可以做嘅就只有对自己好d，因为我无信心再同佢一齐行落去啦，亦都唔敢再一齐落去，我唔想再令自己受伤，每次伤痕累累又有边个会知，边个会关心，估唔到一年都行唔完我地就要结束，呢个系我想要嘅结果嘛？？

 唔知点解係度写亲日记心情都係咁差，记低嘅都係d唔开心嘅嘢。。。。

 唔知点解无端端又嗌交，嗌交已经成为家常便饭啦对于我地离讲，今次你第一次甩嘞我只手走咗去唔理我，就连我去咗边，有无翻宿舍你都唔知，我一个人好伤心咁去咗篮球场大喊咗起身，不过无人知无人理，霎时间我觉得我身边嘅人全部都唔系我身边，无人再理我，天下咁大，亦都无我容身嘅地方，只要一到时间我地就要搬出呢间学校，到时我都再无地方好去，翻屋企就只有自己一个对住四面墙，我唔想一个人翻屋企果边做野，一方面系因为我唔想一个人面对，另一方面系因为你。。。。一直唔去搵工，系因为你；唔翻屋企果边搵工 ，都係因为你，或者你唔会明我嘅心情，因为系你心入面，任何嘢都俾我重要；但我唔同，你系我心目中俾咩都重要，只要一同你嗌交，我就会惊我身边所有人都会离开我，虽然你曾经应承过我你唔会离开我，亦都应承过我应承咗我嘅嘢唔会反口，但我自己都无信心你可以令你真係做到。
  每晚听到宿舍其他人倾电话，我不其然就会羡慕起离，我自己其实都可以，但偏偏又唔得；见到宿舍嘅人同男朋友去吃饭，又会谂点解自己唔得；见到人地可以同男朋友出去行街，偏偏自己就要去羡慕。。。。原来可以同你去饭堂吃饭同每晚倾倾电话对我离讲系一件咁奢侈嘅事离架！系学校嘅日子已经唔多啦，但亦都只有系学校嘅时候我先可以见你，可以同你散步，而唯一可以好似一般嘅情侣一样拍拖嘅时候亦都只有系晚黑散步果一阵，我系好期望时间可以长d，咁样我地见面嘅时间先会多d，但我知系你心中并唔係咁谂，你只係觉得散步系例行公事，应付咗我就算，有阵时我真係唔觉我地系情侣，拍拖唔係揽住对方对佢讲“我爱你”就系架，我亦都唔係只係想你剩係揽住我讲你有几爱我，我更加奢望嘅系可以同你拖住手去吃下饭；系我觉得寂寞嘅时候（宿舍无人，个个都有节目出晒去果时）你可以陪下我；我同你讲未吃饭，你会好关心咁问我使唔使陪我去买嘢吃，而唔係话咁你阵间记得搵嘢吃啦；晚黑可以抽少少时间打个电话俾我同我倾下计，唔係剩係发条信息俾我叫我早d瞓，因为你好攰要瞓先。。。。记得个f问我我男朋友有无做d好浪漫嘅嘢令到我好感动，我谂咗好耐，然后答佢“无”，我咁讲并唔係因为我嬲你无咁做，因为我知道你系一个咁样嘅人，我亦都同我个f讲你唔会咁做，但我知道由第一日同你一齐就已经知道你系d咁嘅人，我唔会介意，我亦都唔会羡慕人地可以收花，收公仔，但唔会排除见到人地收果时会有一丝丝嘅冲动希望收果个会系我。。。
  记得果晚你同我讲社长问你下年会唔会再继续考专插本，你果时好茫然，我知你系想嘅，但我偏偏好自私唔想你再考，但唔想打击你，我问你想唔想，你好坚定咁答我“想”，于是我都同你讲咗句“想咪考咯”，我知我当时其实系唔想架，出于自己嘅私心，唔想＝你咁耐，个心希望你可以唔考，但把口却唔能够讲出离伤到你自尊心，我唔知咁讲系咪岩，我只知道我唔想见到你咁唔开心同咁烦恼，我知你近来都为咗搵工嘅事好烦，我都知我咩都帮唔到你，唯一可以做嘅就系可以鼓励你，支持你，如果连我都做唔到呢点，我知你会好失望。。。
   佢地话个人咩都无所谓，但就恋爱大过天，咩都以爱情为主，只要感情上发生咩问题就成个人都冧低，一蹶不振，我都觉，可能我睇得爱情太重，放咗太多嘢落去啦，一发不可收拾，连我自己都唔想，但就帮唔到自己，我嘅依赖已经成咗习惯，习惯咗身边有个人关心，有个人照顾，如果霎时间无咗，我都接受唔到。。。。。。。。爱，直至成伤，之后，就是永远。。。