失眠。。。。坐左起身，开机。。。。

 成晚眼光光望天光，个脑一直出现我地岩岩系埋一齐果时嘅画面，果时我地好开心，咩烦恼，咩负担都无，只会谂点样先可以更加爱对方，但衣家无左果种开心同感觉，衣家一齐更多嘅系嗌交，伤心，眼泪。。。唔通真系好似你话斋，距离令到我地变得陌生？好想打电话比你，但系已经无左果份勇气系度拉，前晚果两条信息你都无复我，令到我无晒信心，哪怕系短短几个字都唔敢再发过去。。。或者大家真系需要少少时间去谂清楚，无论结果系好定坏，时间都会比到答案我地。。。。

 点解会觉得无野同你讲，而你亦都一d都唔关心下我呢？系你变左定我变左呢？好冷淡啊，亦都觉得好平静，点解会有呢种感觉？本来都有好多野想同你讲嘅，但霎时间咩都讲唔出，系米因为距离令我地变成甘呢？头先你讲果句话我真系feel唔到啊，对唔住。。。

寻日中午先同自己讲过话唔会因为你无离稳我而唔开心而嬲你，但到左晚黑自己好似变左第二甘，可能听到你讲嘅野拉，不过其实我应该一早就古到你会甘讲，可能我太了解你拉，你话你明我嘅心情，但如果你真系明白嘅话，我谂我早就唔会为左呢d甘嘅事而唔开心拉。无错，我系好自私，自私到好想剩系自己拥有你，想日日见住你，但我知无可能，起码暂时系。头先你同我讲，出自于你嘅私心你想我过番禺做野，因为你想见我多d，但你希望fish佢地可以陪我过，今次系你第一次叫我过去，如果系以前我会毫不犹豫就应承你，但今晚我无，我都唔知点解，本应系应该好开心嘅我无预期中甘开心，因为我唔敢担保你会经常离睇我，心果句啊，如果真系想见一个人嘅，我觉得点都会有机会，就争有几想见同有几爱佢姐。。。我知你屋企系发生左d事令到你心情同情绪都有d唔系甘好，我同自己讲我唔介意，都唔会嬲架，但你头先果句“呢d野我都控制唔到”我听完觉得真系有那么一d唔开心啊，我谂你系米唔系甘想见我定抑或你对我嘅爱仲未够呢定系你逃避紧呢？点解每当你对我承诺左某d野后，每次嘅结果都系要比时间大家冷静呢？系我地经历嘅野未够多定系大家爱对方仲未够？anyway，或者我地可能真系仲需要比少少时间大家去冷静，毕竟衣家大家面对嘅唔系一个人嘅野，而系两个人，而且关系到大家嘅将来，我同你讲过，话我会体谅你，我会尽量令自己成熟，我知要维系一段感情系唔容易嘅，我系度努力紧，我希望你都会。。。岩岩系度谂，如果我无遇到你，无认识你，无爱上你，无同你一齐，我嘅人生会系点呢？会系一个人翻番江门好努力甘做紧野？会系好听阿妈嘅话，嫁出去香港同佢地一家团聚？抑或系仍然选择留翻系呢度，继续同一班f系度发展，唔同左嘅系心中无左一个可以挂住嘅人（或者有，但呢个人唔再系你）呢？